ខេត្តព្រះសីហនុ ៖ រថយន្តម៉ាកហ៊ីនដាយ២គ្រឿង បានបុកតកន្ទុយគ្នាស្លាប់១នាក់ កាលពីវេលាម៉ោង ៦ល្ងាច ថ្ងៃទី៨ ខែកញ្ញា ឆ្នាំ២០១៦ នៅលើដងផ្លូវជាតិលេខ3 ស្ថិតក្នុងភូមិទួល ឃុំទឹកល្អក់ ស្រុកព្រៃនប់ ព្រះសីហនុ។
បើតាមប្រភពពីកន្លែងកើតហេតុបានឱ្យដឹងថា គ្រោះថ្នាក់ចរាចរណ៍រវាងរថយន្តមួយគ្រឿងម៉ាកហ៊ីនដាយ ពណ៌ស ពាក់ស្លាកលេខព្រះសីហនុ 3A 3233 បើកបរក្នុងទិសដៅពីលិចទៅកើត អ្នកបើកបរ មិនទាន់ស្គាល់អត្តសញ្ញាណនៅឡើយទេ លុះមកដល់ចំណុចកើតហេតុខាងលើ ក៏បានបុកពីក្រោយរថយន្តមួយគ្រឿងទៀត ម៉ាកហ៊ិនដាយ ពណ៌ស ពាក់ស្លាកលេខភ្នំពេញ 3D 5493 អ្នកបើកបរគេចបាត់ បណ្តាលឲ្យអ្នកបើកបររថយន្ត ស្លាកលេខ3233 គៀបជាប់ស្លាប់ ក្នុងរថយន្ត។
បច្ចប្បន្ន រថយន្តទាំង២គ្រឿង សមត្ថកិច្ចនគរបាលចរាចរណ៍បានយកទៅរក្សាទុកនៅអធិការដ្ឋាននគរបាលស្រុកព្រៃនប់ រងចាំដោះស្រាយពេលក្រោយ ចំណែកសពជនរងគ្រោះរង់ចាំសាច់ញាតិទទួលយកទៅធ្វើបុណ្យតាមប្រពៃណី៕
