ខេត្តបាត់ដំបង ៖ បុរសម្នាក់មុខសញ្ញាកាច់សោរម៉ូតូធ្វើសកម្មភាពកាច់សោរម៉ូតូនារីម្នាក់ រួចបម្រុងរត់ ត្រូវក្រុមនគរបាលបង្ការបង្ក្រាបបាច់បាក់ជើងឃាត់ខ្លួនកាលពីវេលាម៉ោងជាង១០ព្រឹក ថ្ងៃទី០៦ ខែកញ្ញា ឆ្នាំ២០១៦ នៅមណ្ឌលសុខភាពស្វាយប៉ោ ក្រុងបាត់ដំបង ខេត្តបាត់ដំបង។
សមត្ថកិច្ចបានប្រាប់ឲ្យដឹងថា មុនពេលកើតហេតុមានស្ត្រីម្នាក់ជិះម៉ូតូដ្រីម សេ១២៥ ឆ្នាំ២០១៦ មកចតនៅមុខមណ្ឌលសុខភាពស្វាយប៉ោ ហើយចូលទៅពិនិត្យសុខភាព ភ្លាមនោះមុខសញ្ញាជនសង្ស័យបានដើរសំដៅក្បែរម៉ូតូរួចដកឧបករណ៍កាច់សោរ ក្នុងពេលជាមួយគ្នាសមត្ថកិច្ចបានសួរនាំ ហើយជនសង្ស័យបានឆ្លើយថាចាំទទួលប្រពន្ធបន្ទាប់មកបានដើរត្រសៀរៗ ហើយរត់គេចខ្លួន ការព្យាយាមរត់គេចនេះត្រូវសមត្ថកិច្ចបង្ខំចិត្តបាញ់ភ្លៅខាងឆ្វេងតែម្តង។
ជនសង្ស័យមានឈ្មោះជា សំណាង ភេទប្រុស អាយុ៣៧ឆ្នាំ រស់នៅភូមិបណ្តុះសណ្តែក ឃុំស្រះបន្ទាយ ស្រុកបារាយ ខេត្តកំពុងធំ ជាមុខសញ្ញាសកម្មបានធ្វើសកម្មភាពជាបន្តរបន្ទាប់ក្នុងខេត្តពោធិសាត់ បន្ទាយមានជ័យ និងខេត្តបាត់ដំបង ហើយត្រូវបានឃាត់ខ្លួនជនបង្ករ និងបក្សពួកជាបន្តរផងដែរ។
ជនសង្ស័យខាងលើបន្ទាប់ពីសមត្ថកិច្វឃាត់ខ្លួនបាន ហើយ បានបញ្ជូនទៅកាន់មន្ទីរពេទ្យរុំមុខរបួសរួច បញ្ជួនបន្តរមកកាន់អធិការក្រុងបាត់ដំបងដើម្បីធ្វើការសាកសួរ៕
