ខេត្តកំពង់ធំ ៖ ប្រជាពលរដ្ឋ ក្នុងស្រុកសណ្តាន់ ៣៨៥គ្រួសារ បានស្នើសុំឲ្យអាជ្ញាធរខេត្តកំពង់ធំ ជួយពន្លឿនផ្តល់ប្លង់ដីលំនៅដ្ឋានស្របច្បាប់
បន្ទាប់ពីគណៈបញ្ជាការឯកភាពខេត្តដឹកនាំដោយ ឯកឧត្តម អ៊ុតសំអន អភិបាលខេត្តកំពង់ធំ និងឯកឧត្តម អនុរដ្ឋលេខាធិការក្រសួងដែនដី ព្រមទាំងមន្ទីរពាក់ព័ន្ធបានចុះសួរសុខទុកដល់បងប្អូនប្រជាពលរដ្ឋ កាលពីថ្ងៃទី១៦ ខែសីហា ឆ្នាំ២០១៦ នៅតំបន់៥៥ ចំនុចថ្នល់សរ ភូមិទំអរ ឃុំទំរីង ស្រុកសណ្តាន់ ខេត្តកំពង់ធំ។
ក្នុងទិដ្ឋភាពរស់នៅរបស់ប្រជាពលរដ្ឋ ដែលមានផ្ទះរាប់រយខ្នង និងមានការបង្កបង្កើនផលលើដំណាំរួមផ្សំនិងដំណាំកសិកម្មទៀតផង! ដោយបានសន្យាថា នឹងប្រមូលឯកសារពាក់ព័ន្ធដាក់ទៅអន្តរក្រសួង ដើម្បីឲ្យក្រសួងជួយពន្លឿនរឿងនេះឲ្យបានឆាប់លោក អេង សុផេន តំណាងឲ្យប្រជាពលរដ្ឋចំនួន៣៨៥គ្រួសារ រស់នៅតំបន់៥៥ ចំនុចថ្នល់សរ ឃុំទំរីង ស្រុកសណ្តាន់ ខេត្តកំពង់ធំ បានប្រាប់អ្នកសារព័ត៍មានថា ប្រជាពលរដ្ឋទាំងនោះមកពីខេត្តកំពង់ចាម និងខេត្តកំពង់ធំ មករស់នៅលើដីតំបន់៥៥នេះ តាំងពីឆ្នាំ២០១១ មកម្លេះ ដោយអាស្រ័យផលជារៀងរាល់ឆ្នាំ ហើយបានទទួលស្គាល់ពីអាជ្ញាធរភូមិ ឃុំ ស្រុក ខេត្តទៀតផង គឺរងចាំតែក្រសួង ពាក់ព័ន្ធ លោកសម្រេច ដើម្បីផ្តល់សិទ្ធរស់នៅលើដីនេះឲ្យបានស្របច្បាប់ ស្រាប់តែពេលថ្មីៗនេះមានប្រព័ន្ធផ្សព្វផ្សាយមួយចំនួនតូច បាននិយាយបង្ខូចពួកគាត់ថាពួកគាត់មករស់នៅលើដីអាណាធិបតេយ្យ ហើយលួចកាប់ព្រៃឈើ ដោយការនិយាយមិនពិតនេះ ហើយធ្វើឲ្យប្រជាពលរដ្ឋរស់នៅទីនោះ មានការក្តៅក្រហាយកើតទុកមិនសុខចិត្ត គ្រោងនឹងលើកគ្នាទៅសាលាខេត្តកំពង់ធំ ប្តឹងពីបុគ្គលនោះនិយាយព័ត៌មានមិនត្រឹមត្រូវបង្ខូចកិត្តិយស បើយោងតាមស្មារតីអង្គប្រជុំ នៅថ្ងៃទី១៤ ខែកក្តដា ឆ្នាំ២០១៥ ឯកឧត្តម អ៊ុត សំអន អភិបាលខេត្តកំពង់ធំ បានច្រានចោលនូវលិខិតរបស់ក្រសួងកសិកម្ម ដែលបដិសេធមិនផ្តល់ដីស្នើសុំសម្រាប់សម្បទានសង្គមកិច្ច របស់លោកអេង សុផេន សម្រាប់ពលរដ្ឋ៣៨៥គ្រួសារ ពីព្រោះអង្គប្រជុំថ្ងៃទី១៤ ខែមករា ឆ្នាំ២០១៥ នោះមិនបានសុំអនុញ្ញាតិពីរដ្ឋបាលខេត្តឡើយ ព្រោះអង្គប្រជុំនោះមិនមានសិទ្ធសម្រេចទេ គ្រាន់តែប្រជុំផ្ទៃក្នុង ធ្វើរបាយការណ៏ជូនខេត្តតែប៉ុណ្នោះ ហើយការស្នើសុំសម្បទានដីសង្គមកិច្ចរបស់លោក អេង សុភេន នេះ គួរធ្វើអត្តសញ្ញាណកម្មប្រជាពលរដ្ឋឲ្យបានច្បាស់លាស់ ក្រែងមានផលលំបាកនៅថ្ងៃក្រោយ៕
