ខេត្តបន្ទាយមានជ័យ ៖ វត្តបឹងត្រាវ ស្ថិតនៅក្នុងឃុំបត់ត្រង់ ស្រុកមង្គលបូរី ខេត្តបន្ទាយមានជ័យ គឺជាវត្តមួយក្នុងចំណោមវត្តរាប់រយក្នុងខេត្តបន្ទាយមានជ័យ មានកេរ្តិ៍ឈ្មោះល្បីរន្ទឺខាងពុទ្ធរិស័ទធ្វើបុណ្យទានខ្លាំងជាងគេក្នុងវត្តផ្សេងៗ តែរហូតមកដល់សព្វថ្ងៃវត្តបឹងត្រាវនេះ បានប្រែក្លាយទៅជាមានសភាពស្ងាត់ជ្រងំដោយសារតែក្នុងវត្តនេះមានផ្ទុះអធិករកើតឡើង។ បើតាមលោកអាចារ្យម្នាក់ បានប្រាប់អ្នកយកព័ត៌មានឲ្យដឹងថា វត្តបឹងត្រាវផ្ទុះអធិការកើតឡើងនៅថ្ងៃទី៣១ ខែសីហា ឆ្នាំ២០១៦ កន្លងទៅថ្មីៗនេះ ដែលបង្កឡើងដោយ លោក១អង្គ មានព្រះនាម ពេជ្រ សារឿន ទើបមកគង់នៅវត្តនេះ ប្រហែល១ឆ្នាំ បានបិទផ្លូវក្នុងវត្តមិនឲ្យប្រជាពលរដ្ឋជាពុទ្ធបរិស័ទចំណុះជើងវត្តបើកឡានឆ្លងកាត់ ក្រែងបែកបាក់សាបស៊ីម៉ងត៍ដែលចាក់មកសាលាឆាន់ បង្កជារឿងរាវជំលោះជាមួយគណៈកម្មការអាចារ្យវត្តរហូតមានព័ត៌មានលេចលឺដល់ព្រះអនុគណស្រុក និងអាជ្ញាធរមូលដ្ឋានចុះមកសម្របសម្រួលមិនទាន់បានចប់សេចក្តីផងក៏ស្រាប់តែព្រះសង្ឃមានព្រះនាម ពេជ្រ សារឿន បានចាកចេញពីវត្តដោយមានព្រះសង្ឃចំនួន២៥អង្គ ផ្សេងទៀតនិមន្តទៅជាមួយផងទៅគង់នៅក្នុងវត្តប៉ោយចារ ក្នុងឃុំរហាត់ទឹក ទៅវិញ។ បើតាមការរៀបរាប់របស់លោកអ៊ុំ ភឿក ដែលមានតួនាទីជាគណៈកម្មការសាងសង់ក្នុងទីអារាមវត្តបឹងត្រាវនេះ ក៏ដូចជាលោកតា ម៉ែន ឡៃ ជាព្រឹទ្ធាចារ្យម្នាក់ដែលអ្នកស្រុក អ្នកភូមិតែងតែគោរពបានលើកឡើងថា ការដែលចាកចេញរបស់ព្រះអង្គ ពេជ្រ សារឿន នេះ គឺមិនមានអ្នកណាដេញចេញពីវត្តនោះទេគឺចេញដោយអង្គឯង ក្នុងនោះមានព្រះសង្ឃចំនួន២៦អង្គ ក៏បាននិមន្តទៅតាមដែរក្រោយមកក៏មានព្រះ១អង្ក ត្រឡប់មកវិញ។ លោក អ៊ុំ ភឿក និងលោកតា ម៉ែន ឡៃ បានលើកឡើងថា រឿងអធិករក្នុងវត្តជារឿងតិចតួចបំផុត អាចនិយាយគ្នាបានមិនគួរឡើយណាលោកព្រះនាម ពេជ្រ សារឿន ដើរចេញពីវត្តបឹងត្រាវនេះទៅគង់នៅវត្តផ្សេងសោះ។ ការដែលលោកព្រះនាម ពេជ្រ សាសឿន ដើរចេញពីវត្តនេះប្រហែលមានមូលហេតុមកពីលោក ពេជ្រ សារឿន មកគង់នៅក្នុងវត្តបឹងត្រាវនេះ កន្លងមកមានប្រជាប្រិយភាព និងមានវោហាសាស្ត្រខ្លាំងជាងលោកផ្សេងៗ ប្រហែលលោក ពេជ្រ សារឿន នេះតាំងខ្លួនលោកជាអ្នកខ្លាំងចង់ក្តោបក្តាប់វត្តបឹងនេះ តែម្នាក់ឯងមិនបានដូចចិត្តទើបដើរចេញយ៉ាងដូច្នេះ។ប្រជាពលរដ្ឋជាពុទ្ធបរិស័ទចំណុះជើងវត្តខ្លះបានលើកឡើងថា ការបិទផ្លូវរបស់ព្រះនាម ពេជ្រ សារឿនមិនឲ្យប្រជាពលរដ្ឋបើកឡានម៉ូតូឆ្លងកាត់វត្តគឺជាការមិនត្រឹមត្រូវព្រោះ ទីអារាមវត្តគឺជាកន្លែងស្ងប់ស្ងាត់ បើកឡានម៉ូតូឆ្លងកាត់នាំឲ្យរំខានដល់ព្រះសង្ឈ ម្យ៉ាងក៏មានផ្លូវវាងវត្តនោះដែរ។ ប្រជាពលរដ្ឋខ្លះទៀតលើកឡើងថា ផ្លូវឆ្លងកាត់វត្តនេះ គឺមានតាំងពីយូរយារមកហើយប្រជាពលរដ្ឋនៅក្បែរវត្តតែងធ្វើដំណើរឡានម៉ូតូឆ្លងកាត់ការបិទផ្លូវពីសំណាក់ព្រះសង្ឈ ពេជ្រ សារឿន ដែលទើបមកគង់វត្តនេះ គឺមិនត្រឹមត្រូវទេ ធ្វើឲ្យពួកគាត់ពិបាកធ្វើដំណើរទៅវិញទេ។ គួរបញ្ជាក់ផងដែរថា វត្តបឹងនេះសព្វថ្ងៃ អាចារ្យណៈកម្មាធិការវត្តចេញទៅនៅតាមផ្ទះបាត់អស់នៅសល់តែលោក៣អង្គគង់នៅតែប៉ុណ្ណោះ មិនដឹងថាពេលរដូវបុណ្យភ្ជុំខាងមុខនេះតើមានអាចារ្យនិងគណៈកម្មធិការណា មកគ្រប់គ្រងវត្តនេះបណ្តោះអាសន្នបានទំរាំចប់កម្មវិធីបុណ្យភ្ជុំខាងមុខនេះបានចាំដោះស្រាយនៅថ្ងៃក្រោយទៀត៕
