ខេត្តបន្ទាយមានជ័យ ៖ ព្រះសង្ឃដុតធូបទៀនមិនបានពន្លត់ទៅសមាធិក្នុងព្រះវិហារ បណ្តាលអោយអគ្គិភ័យបានឆាបឆេះកុដិ១ខ្នងនៅក្នុងវត្តប្រាសាទស្បែង ដែលបានសាងសង់ ធ្វើអំពីឈើលើ ថ្មក្រោម ក្លាយជាផេះផង់ ហេតុការណ៍នេះកាលពីវេលាម៉ោង៥ទៀបភ្លឺថ្ងៃទី១៣ ខែសីហាឆ្នាំ ស្ថិតនៅ ភូមិប្រាសាទស្បែង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។
លោកវរសេនីយ៍ទោ ប្រាក់ សាំ មេបញ្ជាការវរសេនាតូចនគរបាលការពារព្រំដែនគោកលេខ៨០៧ ប្រាប់ថា ក្រោយពីបានទទួលព័ត៌មានពីករណីខាងលើនេះលោកក៏បាននាំកម្លាំងរួមទាំងប្រជាពលរដ្ឋរស់នៅចំណុះជើងវត្ត ដើម្បីជួយពន្លត់អគ្គិភ័យ។
លោកបានបន្ត មូលហេតុដែលអគ្គិភ័យឆេះឆាបកុដិ១ខ្នងនេះក្នុងវត្តប្រាសាទស្បែង ដោយសារព្រះសង្ឃគង់ចាំព្រះវស្សាក្នុងកុដិដុតធូបទៀន ហើយនិមន្តទៅសមាធិ ក្នុងព្រះវិហារ មិនបានពន្លត់ភ្លើងធូបទៀន ហើយក៏និមន្តចេញទៅនៅវេលាម៉ោង៥ទៀប ភ្លឺ ក៏បណ្តាលអោយកើតហេតុបែបនេះ តែសំណាងមិនបង្កអោយព្រះសង្ឃ ឬក្មេងៗ និងមិនឆេះរាលដាលដល់កុដិជានោះ គ្រាន់តែខូចខាតសម្បត្តិទ្រព្យនៅក្នុងកុដិមួយចំនួន រយៈពេលជិត២០នាទី បណ្តាលឱ្យកុដិមួយខ្នងឆេះទាំងស្រុង និងមានកម្លាំងនគរបាលការពារព្រំដែនលេខ៨០៧ ជាង៣០នាក់ រួមទាំងប្រជាពលរដ្ឋរស់នៅចំណុះជើងវត្ត ធ្វើអន្តរាគមន៍យកជះទឹកពន្លត់ ៕
