ខេត្តបន្ទាយមានជ័យ៖ លោក គោស៊ុំ សារឿត អភិបាល ខេត្ដបន្ទាយមានជ័យ ដឹកនាំកម្លាំងក្រោមឱវាទចុះចែកអំណោយ ជូនប្រជាពលរដ្ឋ រងគ្រោះដោយសារ ជំនន់ទឹកភ្លៀងថ្ងៃទី២៤ ខែកញ្ញាឆ្នាំ២០១៥ នៅស្រុកមង្គលបុរី។
តាមប្រភពអោយដឹងថាប្រជាពលរដ្ខរស់នៅភូមិសៃសាម៉នត្រូវទឹកជន់លិចស្រូវអស់ប្រមាណ១០ហិកតាដោយសារទឹកហូរធ្លាក់មកពីតំបន់ខាងលើ រួមមាន ស្រុកបវេលស្រុកសំពៅលូនខេត្តបាត់ដំបង និងពីជើងភ្នំព្រៃរនាម តំបន់ស្រុកម៉ាឡៃ ខេត្ដបន្ទាយមានជ័យ ។
លោក គោស៊ុំ សារឿត អភិបាល ខេត្ដបន្ទាយមានជ័យ និងស្នងការ នគរបាលខេត្ដ លោកឧត្ដមសេនីយ៍ត្រី អាត់ ខែម បានដឹកនាំមន្ដ្រី ចុះទៅសួរសុខទុក្ខផ្ទាល់តាមខ្នងផ្ទះ និងនាំយកអំណោយ ជាគ្រឿងឧបភោគ បរិភោគ និងថវិកាមួយចំនួន ទៅចែកជូនដល់ប្រជាពលរដ្ឋ របស់ខ្លួន ជួបការលំបាកដើម្បីរំដោះការប្រឈម មួយរយៈពេល ៕
