ខេត្តបន្ទាយមានជ័យ ៖ រថយន្តដឹកដីអាជីវកម្មដីភ្នំរបស់ ក្រុមហ៊ុន ញ៉ែម សាវ៉ួន ដែល ជាភរិយា របស់លោកតួធានទឺដឹកជញ្ជូនដីភ្នំកងវ៉ាកាត់មុខសាលារៀននិងខាងមុខផ្ទះប្រជាពលរដ្ឋស្ថិតនៅភូមិពង្រសង្កាត់កំពង់ស្វាយក្រុងសិរីសោភ័ណខេត្តបន្ទាយមានជ័យពីមួយថ្ងៃទៅមួយថ្ងៃរាប់សិបរថយន្ត មិនគ្របបង្កអោយធ្លាក់ហុយ ពួកគាត់ព្រួយបារម្មពីបញ្ហា រង់ផលប៉ះពាល់សុខភាព ។
តាមការអោយដឹងក្រសួងរ៉ែថាមពលបានបញ្ចប់អាជ្ញាប័ណ្ណអាជីវកម្មកាប់គាស់កាយរ៉ែគ្រប់ប្រភេទរួចមកហើយប៉ុន្តែសកម្មភាពបែបនោះដែរត្រូវគេមើលឃើញថាក្រុមហ៊ុនញ៉ែមសាវ៉ួនកំពុងតែធ្វើសកម្មភាពប្រព្រឹត្តបទល្មើសខុសច្បាប់ក្នុងការធ្វើអាជីវកម្មដី ភ្នំធម្មជាតិរបស់រដ្ឋដដែល។
លោកគ្រូអ្នកគ្រូនិងប្រជាពលរដ្ឋនៅភូមិពង្របានប្រាប់អ្នកសារព័ត៌មានឱ្យដឹងនៅព្រឹក ថ្ងៃទី២៧ ខែមីនា នេះថា សព្វថ្ងៃនេះពួកគាត់មាន ការខ្វល់ខ្វាយនិងព្រួយបារម្មជា ខ្លាំងពីរង ផលប៉ះ ពាល់ដីហ៊ុយ របស់រថយន្តដឹកដីទៅលើបញ្ហាសុខភាពផង និងទៅលើការប្រឈម គ្រោះថ្នាក់ចរាចរណ៍របស់សិស្សនោះផង។ពីព្រោះក្នុងមួយថ្ងៃទៅមួយថ្ងៃមានរថយន្តដឹកដីមិនក្រោម១០០រថយន្តនោះទេបានបើកឆ្លងកាត់មុខផ្ទះនិងក្បែរសាលារៀនបង្កជាដីហ៊ុយប៉ះពាល់សុខភាព និងបើកលឿននៅពេលកូនសិស្សចេញពីសាលារៀនទៅផ្ទះនិងចេញពីផ្ទះមកសា លារៀនជាដើម។បញ្ហាប្រឈមទាំងនេះគឺពួកគាត់ជួបរយៈពេលជាច្រើនឆ្នាំមកហើយប៉ុន្តែគេ មិនដែលឃើញមានអាជ្ញាធរនិងសមត្ថកិច្ចពាក់ព័ន្ធជួយដោះស្រាយដល់ពួកគាត់នោះឡើយ។ពួកគាត់លើកឡើងទៀតថាការរងផលប៉ះពាល់ពីដីហ៊ុយនេះ គឺមានមនុស្សចាស់ និងកូន ក្មេងមួយចំនួនក្នុងភូមិអ្នកខ្លះបានធ្លាក់ខ្លួនក្អករីងរ៉ៃជាបណ្តើរៗ។ដូច្នេះពួកគាត់សំណូមពរដល់ អាជ្ញាធរដែនដី និងសមត្ថកិច្ចពាក់ព័ន្ធជួយដោះស្រាយ បញ្ហាជូនពួកគាត់នេះផង។
ជុំវិញនៃការបន្តធ្វើអាជីវកម្មដីភ្នំកងវ៉ា លោក ស៊ុត វឌ្ឍនា ប្រធានមន្ទីររ៉ែនិងថាមពល ខេត្តបានប្រាប់ឱ្យដឹងនៅរសៀលថ្ងៃទី២៧ខែមីនា នេះថា អាជីវកម្មដីភ្នំកងវ៉ា របស់ក្រុមហ៊ុន ញ៉ែម សាវ៉ួន គឺត្រូវបានចប់អាជ្ញាប័ណ្ណនោះហើយ ។ក្រុមហ៊ុនបានស្នើសុំបន្តអាជ្ញាប័ណ្ណទៅក្រ សួងរ៉ែនិងថាមពល ដោយខាងក្រសួងគេពុំទាន់ឆ្លើយតបនោះទេ។ចំណែកខាង ខេត្តក៏មិនអនុ ញ្ញាបន្តទៀតនោះដែរ។លោកជាប់រវល់ប្រជុំមួយរយៈនេះដោយមិនបានចុះទៅត្រួតពិនិត្យ។
ចំណែកមេការបស់ក្រុមហ៊ុន ញ៉ែម សាវ៉ួន បានប្រាប់ឱ្យដឹងថា៖អាជ្ញាប័ណ្ណអាជីវកម្មភ្នំ កងវ៉ា គឺក្រុមហ៊ុនលោកមិនទាន់ចប់នៅឡើយនោះទេ។ដោយខាងអភិបាលខេត្តនិងមន្ទីររ៉ែ និង ថាមពលក៏មិនបានប្រាប់ថាឱ្យបញ្ឈប់សកម្មភាពនោះដែរ ហើយខាងខេត្តនិងក្រុងគេក៏បាន ឱ្យមនុស្សម្នាក់មកកត់ក្បាលរថយន្តយកប្រាក់ក្នុង១រថយន្តដឹកដីធុនតូច១ម៉ឺនរៀលនិង រថយន្តដឹកដីធុនធំ១រថយន្ត២ម៉ឺនរៀលផងដែរ។
ប្រជាពលរដ្ឋបានលើកឡើងទៀតថា សកម្មភាពរបស់ក្រុមហ៊ុន ញ៉ែម សាវ៉ួនដែលធ្វើ អាជីវកម្មដីភ្នំកងវ៉ា គឺគេមើលឃើញថា ការជីកកកាយយកអាចម៌ដីនៅជើង ភ្នំនោះមានជម្រៅ បើតាមគេប៉ាន់ប្រមាណពី១៥ម៉ែត្រ ទៅ២០ម៉ែត្រ ។ការ បណ្តែតបណ្តោយឱ្យមានការធ្វើ អាជីវ កម្មដីភ្នំតាមតែអំពើចិត្តបែបនេះគ្មានអ្នកជំនាញមកត្រួតពិនិត្យឱ្យបានត្រឹមត្រូវ ប្រជាពលរដ្ឋ មានការព្រួយបារម្មថាថ្ងៃណាមួយភ្នំកងវ៉ាអាចប្រឈមបាក់ដីធ្លាក់ចុះមកក្រោមបង្កឱ្យគ្រោះ មហន្តរាយកាន់តែធ្ងន់ធ្ងរ ៕
វិច្ឆិកា
