ប៉ៃលិន ៖ អង្គភាពប្រឆាំងអំពើពុករលួយ នឹងចុះសង្កេតការណ៍ នៅតាមមណ្ឌលប្រឡងនានា ទូទាំងប្រទេស ដើម្បីត្រួតពិនិត្យ ភាពមិនប្រក្រតីណាមួយកើតឡើងខុសទៅនឹងបទប្បញ្ញត្តិរបស់ក្រសួងអប់រំ យុវជន និងកីឡា តាមច្បាប់ស្តីពីការអប់រំ ។ ក្នុងករណីដែកអ្នកការណ៍ពិនិត្យ ឃើញថា មានភាពមិនប្រក្រតីណាមួយ កើតឡើងត្រូវរាយការណ៍ មកអង្គភាពប្រឆាំងអំពើពុករលួយ ដើម្បីអង្គភាពប្រឆាំងអំពើពុករលួយរាយការណ៍ ទៅសមត្ថកិច្ចពាក់ព័ន្ធមានវិធានការជាបន្ទាន់ ។
ការលើកឡើងនេះ គឺកាលពីព្រឹកថ្ងៃទី០១ ខែកក្កដា ឆ្នាំ ២០១៤ ក្នុងកិច្ចប្រជុំពិភាក្សាមួយនៅសាលប្រជុំសាលាខេត្តប៉ៃលិនដែល កិច្ចប្រជុំនេះស្ថិតក្រោមអធិបតីភាពលោក កើត សុធា អភិបាលខេត្តប៉ៃលិន លោក ឡី ចាន់ឆាយ សមាជិក្រុមប្រឹក្សាខេត្ត ដោយមានការចូលរួមពីសមត្ថកិច្ចពាក់ព័ន្ធ និងលោកប្រធានមន្ទីរអប់រំយុវជន និងកីឡា ផងដែរ ។
លោក នួន បូផល អនុប្រធានអង្គភាពប្រឆាំងអំពើពុករលួយបានមានប្រសាសន៍ថាអង្គភាពប្រឆាំង អំពើពុករលួយ និងចុះធ្វើការសង្កេតការណ៍ក្នុងពេលប្រឡងសញ្ញាប័ត្រមធ្យមសិក្សាទុតិយ កភូមិនៅតាមមណ្ឌលប្រឡងក្នុងខេត្តប៉ៃលិននិងតាមមណ្ឌលប្រឡងនានានៅ ទូទាំងប្រទេស ។
សមាសភាពនៃអ្នកសង្កេការណ៍គឺមានអង្គភាព ប្រឆាំងអំពើពុករលួយ សង្គមស៊ីវិល(សមាគម អង្គការក្រៅរដ្ឋាភិបាល គណៈវិជ្ជាជីវគណបក្សនយោបាយ) វិស័យឯកជន(សហគ្រាស ក្រមហ៊ុន) និងបុគ្គលឯកជនស្ម័កចិត្ត ឬ អ្នកស្ម័ក្រចិត្ត ។
អ្នកសង្កេតការណ៍ ភារកិច្ច សិទ្ធិអំណាចឃ្លាំមើល និងសង្កេតការណ៍ដំណើរការប្រឡងរបស់មណ្ឌលដើម្បីធានាថាគ្រប់ផ្នែក សមត្ថកិច្ច ពិសេស ផ្នែកសន្តិសុខអនុវត្ត បានត្រឹមត្រូវ និងគ្រប់គ្រាន់តាមបទប្បញ្ញត្តិរបស់ក្រសួងអប់រំយុវជន និងកីឡា តាមច្បាប់ស្តីពីការអប់រំ និង
ច្បាប់ស្តីពីការប្រឆាំង អំពើពុករលួយ។ក្នុងករណីដែលអ្នកសង្កេតការណ៍ពិនិត្យឃើញមាន ភាពមិនប្រក្រតីណាមួយនោះត្រូវរាយការណ៍ មកអង្គភាពប្រឆាំងអំពើពុករលួយ ដើម្បីអង្គភាពប្រឆាំងអំពើពុករលួយរាយការណ៍ទៅសមត្ថកិច្ចពាក់ព័ន្ធមាន វិធានការជាបន្ទាន់ និងត្រូវ
រៀបចំកំណត់ហេតុដើម្បីអង្គភាព ប្រឆាំងអំពើពុករលួយបញ្ជូនទៅអភិបាលខេត្ត ពិនិត្យ និងមានវិធានការតាមការចាំបាច់ ប្រសិនបើមាន កម្លាំងសមត្ថកិច្ចអនុវត្តបំពាន។
លោកបានបញ្ចាក់ថា អ្នកស្ម័គ្រចិត្ត និងអង្គការសង្គមស៊ីវិលដែលបានដាក់ពាក្សសុំធ្វើអ្នកសង្កេតការណ៍ មកដល់ពេលនេះ សរុប ប្រមាណជា ៣០០០ នាក់ហើយទៅទូទាំងប្រទេស ហើយម្រាប់ខេត្តប៉ៃលិនបើបុគ្គលឯកជន ឬអង្គការសង្គលស៊ីវិលណា មានបំណងធ្វើ
អ្នកសង្កេតការណ៍ពេលប្រឡងគឺត្រូវមកចុះឈ្មោះដើម្បីអង្គភាពប្រឆាង អំពើពុករលួយ ចេញកាត់សម្គាល់ខ្លួនជូន ។
លោក តង់ ធារ៉ា ប្រធានមន្ទីរអប់រំយុវជន និងកីឡាខេត្តប៉ៃលិនបានឲ្យដឹងថាក្នុងខេត្តប៉ៃលិនគឺមានមណ្ឌលប្រឡង ចំនួន ០១ មណ្ឌល នៅសាលាវិទ្យាល័យ ហ៊ុន សែន ក្រុងទេពនិម្មិត្តប៉ៃលិនដែលមានបន្ទប់ប្រឡងចំនួន ១២ បន្ទប់ និងមានបេក្ខជនប្រឡងសរុបចំនួន ២៩៣ នាក់ ។
លោក កើត សុធា អភិបាលខេត្តប៉ៃលិន បានមានប្រសាសន៍ថ្លែងអំណរគុណចំពោះ ឯកឧត្តមអនុប្រធានអង្គភាព ប្រឆាំងអំពើពុករលួយ ដែលបានអញ្ជើញមកជួបប្រជុំពិភាក្សាជាមួយអាជ្ញាធរខេត្ត និងសមត្ថកិច្ចពាក់ព័ន្ធ ក្នុងការអនុវត្តការងារចុះធ្វើការសង្កេតការណ៍ក្នុង
ពេលប្រឡង សញ្ញាប័ត្រមធ្យមសិក្សាទុតិយភូមិនាដើមខែសីហាឆ្នាំ២០១៤នេះនៅក្នុង ខេត្តប៉ៃលិនក៏ដូចជានៅទូទាំងប្រទេស ។ ការងារ នេះលោកនឹងធ្វើការណែនាំដល់មន្ទីរ អង្គភាព និងសមត្ថកិច្ចដែលពាក់ព័ន្ធត្រូវសហការល្អជាមួយក្រុមអ្នកសង្កេតការណ៍ របស់អង្គភាព ប្រឆាំងអំពើពុករលួយដើម្បីឲ្យការអនុវត្តការងារសម្រេចបានលទ្ធផលល្អ ៕
សំ កូលីន
