ខេត្តបាត់ដំបង ៖ រឿងមិនប្រក្រតីនៅមន្ទីរបរិស្ថានខេត្តបាត់ដំបងប្រព្រឹត្ត អំពើពុករលួយសារព័ត៌មានបាន ចេញផ្សាយរួចម្តងមកហើយ កាលខែមករា ឆ្នាំ២០១៧ ហើយនៅខែដើមខែមិនា ឆ្នាំ២០១៧នេះ អំពើពុករលួយនៅបន្តទៀត ខ្លាំងជាងមុនដោយមានតែឈ្មោះបើកប្រាក់ខែមិនមានមុខ។
ប្រភពពីមន្ត្រីមួយចំនួនក្នុងមន្ទីរបរិស្ថាន បានតូចត្អែរថាក្រោយពីគេហ:ទំព័រមួយចំនួន បានចុះផ្សាយរឿងពុករលួយក្នុងមន្ទីរនេះ (ទោះមិនសង្កត់ធ្ងន់ក៏រសើបតិចៗដែរ) ប្រធានមន្ទីរតែងកោះហៅមន្ត្រីមួយចំនួនតូច មកប្រជុំស្ងាត់ៗ។ ជាពិសេសនៅថ្ងៃអាទិត្យ ចុងសប្តាហ៍ខែកុម្ភ: លោកប្រធានមន្ទីរបានឲ្យបុគ្គលិក មួយចំនួនមក បំពេញបែបបទប្រវត្តិរូបថ្មី ឲ្យត្រឹមត្រូវឈ្មោះខ្មោច ក្រែងថ្នាក់លើចុះពិនិត្យវាមិនស៊ីសង្វាក់គ្នា។
ប្រភពបានឲ្យដឹងថា ឈ្មោះបុគ្គលិកក្នុងបញ្ជី គណនីចំនួន១០០នាក់ តែអ្នកមកធ្វើការ មិនបាន២០នាក់ផង ចំណែកអ្នកធ្វើការងារម៉ោង៩ទើបដល់កន្លែង ហើយម៉ោង១០ចេញអស់ ។
កាលប្រាក់ខែ១៥ម៉ឺនរៀល មិនសូវមាន អ្នកចង់ធ្វើការងារនេះទេ តែឭប្រាក់ខែឡើង៥០ម៉ឺន ទៅ១លានរៀលមានគេជ្រេឈ្មោះចេញ ហើយដាក់ឈ្មោះខ្សែស្រឡាយគេចូលវិញ។ ចំពោះឈ្មោះសុម៉ាលី ភេទស្រី មិនមានសញ្ញាប័ត្រឬកំរិតវប្បធម៌ខ្ពស់អីផង មើលអក្សរមិនដាច់ផង បានកាន់គណនី (ហើយក្នុងបញ្ជីមានតែឈ្មោះដេកស៊ីប្រាក់ខែ)។ គណនីរូបនេះប្រើក្មេងប្រុសមានសញ្ញាប័ត្រនិងជំនាញជាអនុប្រធានឬលេខាឲ្យជួយការងាររួចបានលុយចំណេញឲ្យពួគក្មេងៗចាយខ្លះដើម្បីបិតបាំងរឿងខ្លួនមិនចេះនិងសល់យកចែកចាយលោកប្រធានមន្ទីរ។
មិនតែប៉ុណ្ណោះសាច់ញាតិកូន ក្មួយ លោកជួប សារុន ប្រធានមន្ទីរបរុស្ថានបានដេកស៊ីប្រាក់ខែរដ្ឋ រយ:ពេល២ ទៅ៣ឆ្នាំតាំងនៅរៀន វិទ្យាល័យ ហើយពេលនេះកំពុងរៀន បន្តនៅ សកលវិទ្យាល័យ ឆ្នាំទី១ ឆ្នាំទី២ ដោយមិនបានធ្វើការងារអ្វីនោះទេ (គឺស៊ីឈ្មោះដូចទាហាន) ។
ពាក់ព័ន្ធករណីនេះលោកជួប សារុន ប្រធានមន្ទីរ បរិស្ថានខេត្តបាត់ដំបង ធ្លាប់បានបកស្រាយ តាមទូរស័ព្ទ កាលថ្ងៃទី២៣ ខែមករា ឆ្នាំ២០១៧ថាក្នុងមន្ទីររបស់លោក គ្មានរឿងពាក់ព័ន្ធខាងលើនោះទេ ៕