បាត់ដំបង ៖ ជនសង្ស័យ សង្សារ១គូនិងថ្នាំញៀន ម៉ាទឹកកក ២ថង់តូចនិងសម្ភារៈមួយចំនួនទៀត ត្រូវ អាវុធហត្ថការិយាល័យស្រាវជ្រាវ ប្រឆាំងគ្រឿងញៀនខេត្តកសាងសំណុំរឿង បញ្ជូនទៅតុលាការ កាលរសៀលថ្ងៃទី១ ខែកញ្ញា ឆ្នាំ២០១៤ ដើម្បីចាត់ការតាមនិតិវិធី ។
សង្សារ១គូនេះកម្លាំង អាវុធហត្ថឃាត់ខ្លួន កាលពីវេលាម៉ោង១១និង៣០នាទីថ្ងៃទី៣១ខែសីហា ឆ្នាំ ២០១៤នៅចំណុចផ្ទះជួល ស្ថិតក្នុងភូមិចំការឬស្សី សង្កាត់ព្រែកព្រះស្តេច ក្រុងបាត់ដំបង។
លោក ហេង សេងហុង នាយការិយាល័យប្រឆាំងគ្រឿងញៀនខេត្តបាត់ដំបងបានអោយដឹងថាជនសង្ស័យ ដែលសមត្ថកិច្ចឃាត់ខ្លួន មានទី១-ឈ្មោះ លី ប៉ាត្តារី ហៅ ទ្រី ភេទប្រុស អាយុ ៣១ឆ្នាំ មុខរបរ មិនពិត ប្រាកដ រស់នៅភូមិដាំស្ពៃ សង្កាត់ស្លាកែត ក្រុងបាត់ដំបង (មានដីកាចាប់ខ្លួនពីតុលាការ) ទី២-ឈ្មោះ គួន ធូ ភេស្រី អាយុ ២៣ឆ្នាំ រស់នៅភូមិស្នឹង ឃុំស្នឹង ស្រុកបាណន់(ជនសង្ស័យទាំង២នាក់នេះជាគូរសង្សារនឹងគ្នា)។
លោកបានបញ្ជាក់ថា មុនពេលឃាត់ខ្លួនជនសង្ស័យ កម្លាំងកងរាជអាវុធហត្ថបានទទួលដីកាបញ្ជា ឲ្យនាំខ្លួនពីតុលា ការខេត្តពីបទ ជួញដូរគ្រឿងញៀនកន្លងមក លុះដល់កម្លាំងអនុវត្ត ក៏បានឃើញជនសង្ស័យទាំង ២នាក់ កំពុងជួញដូរ និងប្រើប្រាស់គ្រឿងញៀន ក្នុងបទល្មើសជាក់ស្តែង ក៏ត្រូវសមត្ថកិច្ចបង្ក្រាបបានតែម្តង និង រឹបអូសបានថ្នាំញៀនម៉ាទឹកកក ២ ថង់តូចមានទម្ងន់ ០.៣៩ក្រាម ម៉ូតូ១គ្រឿង ទូរស័ព្ទដៃ២០គ្រឿង ប្រាក់ខ្មែរ ៤០ម៉ឺនរៀល ប្រាក់ថៃ ៤០០ បាត ប្រាក់ដុល្លារចំនួន ៣១០ដុល្លារ និង សម្ភារៈវេចខ្ចប់ និងប្រើប្រាស់ គ្រឿងញៀនមួយចំនួនទៀត នាំ ។ មន្ត្រីការិយាល័យជំនាញ បានកសាង សំណុំរឿង បញ្ជូនខ្លួនជនសង្ស័យទាំង២នាក់ និងវត្ថុតាងដែលរឹបអូសបានទៅតុលាការខេត្ត នៅរសៀលថ្ងៃទី១ ខែកញ្ញា ឆ្នាំ២០១៤នេះ ដើម្បីចាត់ការតាមនិតិវិធី ៕
