បន្ទាយមានជ័យ៖ កម្លាំងសមត្ថកិច្ចខេត្តបន្ទាយមានជ័យបើកយុទ្ធនាការបង្ក្រាបគ្រឿងញៀនបាន២ករណី ឃាត់ខ្លួនជនសង្ស័យបាន១៥នាក់ក្នុងនោះមានស្រី២នាក់ ដែលមាន៩នាក់ជាអ្នកជួញដូរគ្រឿងញៀនត្រូវបានបញ្ចូនទៅសាលាដំបូងខេត្តចាត់ការតាមច្បាប់ កាលពីថ្ងៃទី១៦ខែកញ្ញា ឆ្នាំ្២០១៦។
ករណីទី១៖ លោកវរៈសេនីយ៍ឯក ស ប៊ុនសឿង មញ្ជាការងកងរាជអាវុធហត្ថខេត្តបន្ទាយមានជ័យបានប្រាប់ថា៖ នៅម៉ោង ១១យប់ ថ្ងៃទី ១៤ខែកញ្ញា ឆ្នាំ្២០១៦ កម្លាំងកងរាជអាវុធហត្ថខេត្តសហការជាមួយកម្លាំងកងរាជអាវុធហត្ថក្រុងសិរីសោភ័ណ បង្ក្រាបនិងឃាត់ខ្លួនជនសង្ស័យ២នាក់ ជាអ្នកប្រើប្រាស់ នៅចំនុច សណ្ឋាគារសន្តិភាព ស្ថិតនៅក្រុងសិរីសោភ័ណ។
លោកបានបន្តទៀតថា៖ ចាប់ពីម៉ោង៥ដល់៨យប់ថ្ងៃទី ១៥ខែកញ្ញា ឆ្នាំ្២០១៦ កម្លាំងកងរាជអាវុធហត្ថខេត្ត សហការជាមួយកម្លាំងកងរាជអាវុធហត្ថស្រុកមង្គលបូរី បានឃាត់ខ្លួនជនសង្ស័យជាបន្តបន្ទាប់គ្នាបានចំនួន១១នាក់ ដែលមានស្រី១នាក់ ក្នុងចំណោមជនសង្ស័យ៦នាក់ បានរឹបអូសបានគ្រឿងញៀនប្រភេទ មេតំហ្វេតាមីន (ខេទឹកកក)បានចំនួន៥កូនថង់ស្មើនិង២.៤៧ក្រាម ដែលស្ថិតនៅភូមិសាស្ត្រស្រុកមង្គលបូរី។
ក្នុងនោះមានជនសង្ស័យ៧នាក់ ដែលជួញដូរគ្រឿងញៀន ១.ឈ្មោះ ណយ យូណាន់ ភេទប្រុស អាយុ ១៩ឆ្នាំ ២. ឈ្មោះ ណយ រីណូភេទប្រុស អាយុ ២១ឆ្នាំ ៣.ឈ្មោះ រុណ ចំណាប់ ភេទប្រុស អាយុ ២២ឆ្នាំ ៤.ឈ្មោះ រួម ចាន់ជីវ័ន្ត ភេទប្រុស អាយុ១៩ឆ្នាំ ៥.ឈ្មោះ ឆ្លែម សុវឌ្ឍនា ភេទប្រុស អាយុ១៩ឆ្នាំ ៦.ឈ្មោះ ឈឿន សាវុធ ភេទប្រុស អាយុ ២០ឆ្នាំ ៧.ឈ្មោះហុក ផ្លយ ភេទប្រុស អាយុ២១ឆ្នាំ ជនសង្ស័យទាំង៧នាក់នេះរស់នៅស្រុកមង្គលបូរី។
ករណីទី២៖ លោកវរៈសេនីយ៍ឯក ចាប សុផារិទ្ធ ស្នងការរងនគរបាលខេត្តបន្ទាយមានជ័យ បានអោយដឹងថា៖ នៅម៉ោង ១និង២០នាទីថ្ងៃទី១៥ខែកញ្ញា ឆ្នាំ២០១៦ នៅក្នុងភូមិសាស្ត្រក្រុងសិរីសោភ័ណកម្លាំងនគរបាលការិយាល័យប្រឆាំងខេត្តបន្ទាយមានជ័យ សហការជាមួយនគរបាលក្រុងសិរីសោភ័ណ បានបង្ក្រាបគ្រឿងញៀននិងឃាត់ខ្លួនជនសង្ស័យជួញដូរគ្រឿង២នាក់ ១.ឈ្មោះ ចាន់ ដារ៉ារិទ្ធ ភេទប្រុស អាយុ ២០ឆ្នាំ ២. ឈ្មោះ ម៉ុន គឹមសេង ភេទស្រី អាយុ ២២ឆ្នាំ និងរឹមអូសគ្រឿងញៀនប្រភេទមេតំហ្វេតាមីន(ខេទឹកកក)ចំនួន២ថង់តូច ស្មើនិង ២.៤៤៕
