បាត់ដំបង ៖ឈើប្រណិតជាច្រើនប្រភេទ ឈ្មួញបានដឹកតាមរទេះ ពាសពេញក្រុងយកទៅជ្រៀកតាមរោងម៉ាស៊ីន អាឈើ កូនតាសៀ នៅភូមិចំការសំរោង ១សង្កាត់ចំការសំរោង ក្នុងនោះមានឈ្មោះ ង៉ោល នៅភូមិសូភី១សង្កាត់រតនៈ និងឈ្មោះ ចាន់នៅភូមិសង្កាត់ព្រែកព្រះស្តេច សមត្ថកិច្ចរដ្ឋបាលព្រៃឈើបិតភ្នែកមិនបង្ក្រាប ព្រោះទុកជាឆ្នាំងបាយរបស់ខ្លួនកាលពីថ្ងៃទី៨ខែសីហាឆ្នាំ២០១៤។
តាមប្រភពប្រជាពលរដ្ឋបានអោយដឹងថាឈ្មោះង៉ោលនៅភូមិសូភី១សង្កាត់រតនៈនិងឈ្មោះចាន់នៅភូមិសង្កាត់ព្រែកព្រះស្តេចទាំង២នាក់ជាជនជាតិវៀតណាមនិយាយខ្មែរមិនច្បាស់បានបើកសិប្បកម្មបានអះអាងថារត់ការធ្វើច្បាប់អស់ជិត២០០០ដុល្លា។ពួកគេបានបង់ប្រាក់អោយមេព្រៃថែមទៀតក្នុង១ខែៗដោយមិនមានសំបុត្រស្នាមអ្វីនោះទេ។
ចំពោះប្រជាពលរដ្ឋដឹកឈើរុះរើផ្ទះចាស់ឬទូរគ្រែ១គ្រឿងក៏សមត្ថកិច្ចមេព្រៃកាក់ស្ទាក់សួរនាំរកច្បាប់ទំលាប់ដែរដើម្បីកុះរុះរកប្រាក់ប៉ុន្តែពេលឈ្មួញដឹកឈើកាត់ក្រុងដូចជាឈ្មោះង៉ោលនិងឈ្មោះចាន់ជាជនជាតិវៀតណាមនេះបែរជាមេព្រៃបិតភ្នែកសម្ងំស្ងៀមធ្វើមិនដឹងមិនឮទៅវិញ។ចំពោះរោងម៉ាស៊ីនអាឈើកូនតាសៀនៅភូមិចំការសំរោង១វិញសំបូរឈើធំៗនិងឈើប្រណិតដែលឈ្មួញដឹកយកទៅជ្រៀកយ៉ាងច្រើនប៉ុន្តែមិនមានសមត្ថកិច្ចជំនាញចុះទៅពិនិត្យមើលឡើយព្រោះបង់ខែអស់ហើយ។ម្យ៉ាងទៀតផ្លូវលំក្នុងភូមិបានស្រុតខូចដក់ទឹកដោយសារការដឹកជញ្ជូនឈើធំៗនេះ។
ពាក់ព័ន្ធករណីនេះ អ្នកយកព័ត៌មានទូរស័ព្ទចូលទូរស័ព្ទ លោក ម៉ៅ លាបផេង នាយសង្កាត់រដ្ឋបាលព្រៃឈើបាត់់ដំបងមានមនុស្សប្រុសលើក ហើយនិយាយតបវិញថា មានការអ្វីនិយាយមកចុះ ។ ពេលអ្នកសារព័ត៌មានសួរថា លោកមានដឹងទេ មានរទេះដឹកឈើកាត់ក្រុង ? ពេលនោះ អ្នកកាន់ទូរស័ព្ទថា ម្ចាស់មិននៅទុកចោល ចាំគាត់មកវិញចាំប្រាប់អោយគាត់ឆ្លើយតប ។ ការរង់ចាំមិនមានការឆ្លើយតបវិញទេ ៕
