បាត់ដំបង ៖ លោក កង ធឿន មេគយរដ្ឋាករចល័តប្រចាំខេត្តបាត់ដំបង ប្រមូលពន្ធមិនអស់ ពន្ធខ្លះទុកដាក់ហោប៉ៅខ្លួនមិនបង់ចូលរដ្ឋទេ ដែលពន្ធទាំងនោះយកពីឈ្មោះចែឡាង លោក ប៉ុល ស៊ីនួន លោក កុង ទ្រី ជាដើម និងអ្នករកស៊ីដឹកទំនិញមកពីស្រុកវៀតណាម បន្តចូលខេត្តបាត់ដំបងជាដើម ។
តាមការអោយដឹងពីឈ្មួញរកស៊ីថាទំនិញគេចពន្ធឈ្មោះចែឡាងមានគ្រឿងអគ្គីសនីនិងប្រេងម៉ាស៊ីនរថយន្ត ។ ឈ្មោះកុងទ្រីនិងប៉ុលស៊ីនួនមានដឹកទំនិញគ្រឿងរថយន្ត និងគ្រឿងបរិភោគ និងឈ្មោះពេជ្រវណ្ណាដឹកស៊ីម៉ង់ពីច្រកព្រំដែនប្រទេសថៃចូលមកខេត្តបាត់ដំបង ។ នៅឈ្មួញផ្សេងទៀតដែលមិនស្គាល់ឈ្មោះ ។ នៅពេលដាច់ខែ លោក ស្រ៊ុន ធឿន លោក សី ក្រុមគយចល័តនេះ ដើរប្រមូលប្រាក់តាមផ្ទះ ដែលផ្ទុកទំនិញគេចពន្ធដូចជានៅភូមិទួលតាឯក និងសង្កាត់ចំការសំរោងជាដើម ។
ចំពោះលោក កង ធឿន មេគយចល័តតាមផ្លូវជាតិលេខ៥ និងលេខ៥៧ អា ឬ៥៧បេ បានទទួលលាបសក្ការៈពីឈ្មួញទាំងនេះរាល់ខែ មិនតែប៉ុណ្ណោះ រថយន្តដឹកផ្លែឈើបង់ក៏បានបង់ខែជូនលោកដែរហើយការប្រមូលពន្ធប្រចាំខែនេះ គឺទុកចិញ្ចឹមឆ្នាំងបាយមិនបានបង់ជូនរដ្ឋទេ ។
ពាក់ព័ន្ធនេះ លោក កង ធឿន អ្នកយកព័ត៌មានបានព្យាយាមទូរស័ព្ទធ្វើការទំនាក់ទំនងជាច្រើនថ្ងៃតែមិនចូលឡើយ ៕
