ខេត្តប៉ៃលិន ៖ កាលពីព្រឹកថ្ងៃទី៣១ ខែកក្កដា ឆ្នាំ២០១៤ អគារសម្រាប់ធ្វើបន្ទប់ប្រជុំមួយខ្នងដែលបានសាងសងរួចជាស្ថាពរ ចំណាយអស់ជាង៥ពាន់ដុល្លារនៅមណ្ឌលសុខភាពភ្នំព្រាលត្រូវបានសម្ភោ ធដាក់ឲ្យប្រើប្រាស់ជាផ្លូវការ ក្រោមអធិបតីភាពលោក កើត សុធា អភិបាលខេត្តប៉ៃលិន ដោយមានការចូលរួមពីមន្ត្រីរាជការជុំវិញខេត្ត និងប្រជាពលរដ្ឋជាច្រើននាក់ផងដែរ ។ ថវិកាចំណាយសាងសងអគារនេះគឹជាជំនួយរបស់មូលនិធីសកលជុំទី៩ ដែលផ្តល់មកតាមរយៈអង្គការសុខភាពគ្រួសារអន្តរជាតិ FHI 360 នៃកម្ពុជា ។
លោក សេង រ៉ន ប្រធានមន្ទីរសុខាភិបាលខេត្តប៉ៃលិនបានឲ្យដឹងថានៅមណ្ឌលសុខភាពភ្នំ ព្រាលមាន បុគ្គលិកចំនួន ១២ នាក់ ក្នុងនោះមានឆ្មប់ចំនួន ០៤ នាក់ និងមានអ្នកស្ម័គ្រ ចិត្ត និងសហគមន៍ចំនួន ៦៧ នាក់ ដែលកំពុងបំរើលើសេវាសុខភាពនៅក្នុងឃុំស្ទឹងត្រង់ ដែលមានប្រជាពលរដ្ឋទាំងចំនួន៨៨១៣នាក់ ។ អគារបន្ទប់ប្រជុំនេះមានបណ្តោយ៨ម៉ែត្រ ទទឹង៤ម៉ែត្រ ធ្វើអំពីបេតុងប្រកហ្វីប្រូ ។ អគារនេះចាប់ផ្តើមសាងសងនៅថ្ងៃទី១៥ ខែមីនា ឆ្នាំ២០១៤ និងរួចរាល់ជាស្ថាពរនៅថ្ងៃទី ៣០ ខែមិថុនា ឆ្នាំ ២០១៤ នេះដោយចំណាយថវិកាសរុបចំនួន ៥២៨០ ដុល្លារសហរដ្ឋអាមេរិក ដែលជាជំនួយរបស់មូលនិធីសកលជុំទី៩ ដែលផ្តល់មកតាមរយៈអង្គការសុខភាពគ្រួសារអន្តរជាតិ FHI 360 នៃកម្ពុជា ។
លោក កើត សុធា អភិបាលខេត្តប៉ៃលិន បានមានប្រសាសន៍ថ្លែងអំណរគុណចំពោះអង្គការសុខភាពគ្រួសារអន្តរជាតិ (FHI 360)ប្រចាំកម្ពុជាដែលបានផ្តល់អាគារមួយខ្នង់នេះដល់មណ្ឌលសុខភាព ភ្នំព្រាល សម្រាប់ធ្វើជាបន្ទប់ប្រជុំព្រោះថាកន្លងមកនៅមណ្ឌលសុខភាពភ្នំ ព្រាលមានការខ្វះខាតបន្ទប់ប្រជុំបុគ្គលិក និងអ្នកស្ម័គ្រចិត្តដើម្បីធ្វើផែនការ និងរកវិធានការទប់ស្កាត់នូវជំងឺផ្សេងៗ។
លោកស្រី ជេមី តុងសីន (JAMIE TONGSIN ) នាយិកាអង្គការសុខភាពគ្រួសារអន្តរជាតិ (FHI 360)ប្រចាំប្រទេសកម្ពុជាឲ្យដឹងថាអង្គការសុខភាពគ្រួសារអន្តរជាតិ (FHI 360) គឺធ្វើការផ្តោតសំខាន់ទៅលើបញ្ហាលុបបំបាត់ជំងឺគ្រុញចាញ់នៅ កម្ពុជា ហើយ មើលដោយឃើញពីបញ្ហាប្រឈមរបស់មណ្ឌលសុខភាពភ្នំស្ពង់ដែលខ្វះនូវ អគារសម្រាប់ធ្វើបន្ទប់ប្រជុំទើបអង្គការបានផ្តល់អាគារមួយខ្នង សម្រាប់ធ្វើបន្ទប់ប្រជុំនេះ។
លោកបានអំពាវនាវសុំឲ្យដៃគូអភិវឌ្ឍលើវិស័យសុខាភិបាលសូមបន្តជួយផ្តល់ជំនួយឧបត្ថមដល់មណ្ឌល សុខភាពភ្នំព្រាលព្រោះថាមណ្ឌលសុខភាពនេះជួបការលំបាកច្រើនហើយស្ថិត នៅឆ្ងាយពីទីរួមខេត្តទៀត ៕
