ខេត្តប៉ៃលិន ៖ ពិធីប្រកាសនេះបានប្រារព្ធធ្វើឡើងកាលពីព្រឹកថ្ងៃទី១ ខែសីហា ឆ្នាំ២០១៤នៅសាលប្រជុំសាលាខេត្តប៉ៃលិនក្រោមអធិបតីភាពលោក ចាន់ សុវុឌ្ឍ អនុរដ្ឋលេខាធិការក្រសួងកសិកម្ម លោក អៀង វុធ អភិបាលរងខេត្តប៉ៃលិន ព្រមទាំងប្រតិភូអបដំណើរនិងមន្ត្រីរាជការស្ថាប័នចំណុះក្នុងខេត្ត ប៉ៃលិនជាច្រើនរយនាក់ចូលរួមផងដែរ។
លោក អៀង វុធអភិ បាលរងខេត្តប៉ៃលិនបានមានប្រសាសន៍ថាការប្រកាសតែងតាំងលោក សាយ សុផាត ដែលពីមុនជាអនុប្រធានមន្ទីកសិកម្មស្រាប់ហើយធ្លាប់មានស្នារដៃ ត្រូវក្រសួងកសិកម្មសម្រេចតែងតាំងឲ្យចូលកាន់តំណែងជាប្រធានមន្ទីរ កសិកម្មដើម្បីជំនួសលោកផាន់ ពេជ្រដែលគ្រប់អាយុចូលនិវត្តន៍តែម្ដង។
យោងតាមប្រកាសរបស់ក្រសួងកសិកម្ម បានឲ្យដឹងថាក្រសួងបានសម្រេចប្រកាសតែងតាំងលោក សាយ សុផាត ជាប្រធានមន្ទីរកសិកម្មខេត្តប៉ៃលិនដែលពីមុនជាអនុប្រធានមន្ទីរ កសិកម្មខេត្តប៉ៃលិនជំនួសលោក ផាន់ ពេជ្រ ប្រធានចាស់ដែលគ្រប់អាយុចូលនិវត្តន៍ ។
លោក ចាន់ សុវុឌ្ឍ អនុរដ្ឋលេខាក្រសួងកសិកម្មបានមានប្រសាសន៍ណែរនាំដល់ប្រធានមន្ទីរ កសិក្មខេត្តប៉ៃលិនទើបឡើងថ្មីត្រូវខិតខំបំពេញតួនាទីភារកិច្ចរបស់ ខ្លួនដើម្បីផ្ដល់ចំណេះដឹងនិងផលប្រយោជន៏ពិតប្រាកដប្រជាពលរដ្ឋ ក្នុងការងារកសិកម្មនិងអភិវឌ្ឍប្រទេសជាតិកាន់តែរីកចម្រើន។
លោក សាយ សុផាត ប្រធានមន្ទី កសិកម្មខេត្តប៉ៃលិនបានប្ដេជ្ញាចិត្តអនុវត្តគោរពតាមគោលនយោបាយរបស់ រាជរដ្ឋាភិបាលកម្ពុជា អនុវត្តបំពេញការងារបស់ខ្លួននិងកិច្ចសហការជាមួយមន្ទីស្ថាប័ននៅ ក្នុងខេត្តប៉ៃលិនឲ្យបានល្អ។
នៅ ចុងបញ្ចប់កម្មវិធីប្រកាសប្រធានមន្ទីរកសិកម្មខេត្តប៉ៃលិននោះគឺមាន បំពាក់គ្រឿងឥស្សរយយសដល់មន្ត្រីរាជការនៃមន្ទីរកសិកម្មខេត្តប៉ៃលិន ផងដែរ ៕
