សៀមរាប ៖ កាលពី ថ្ងៃទី៣០ ខែកក្កដា ឆ្នាំ២០១៤ វេលាម៉ោង០៩ៈ០០នាទីយប់ ស្ថិតនៅចំណុចភូមិពេជ្រជោ ឃុំក្រឡាញ់ ស្រុកក្រឡាញ់ ខេត្តសៀមរាប កងរាជអាវុធហត្ថប្រឆាំងគ្រឿងញៀនខេត្ត បានធ្វើការចុះបង្ក្រាប ករណីរក្សាទុកដឹកជញ្ជូនឬជួញដូរដោយខុសច្បាប់ នូវសារធាតុញៀនបានមួយករណី ខណៈពួកគេកំពុងជូញដូរ និងប្រើប្រាស់គ្រឿងញៀន នៅតាមផ្លូវជាតិលេខ៦ ទៅខេត្តបន្ទាយមានជ័យ។
ក្រោមការបញ្ជាពីគណៈបញ្ជាការឯកភាពខេត្តដែលមានលោក ឃឹម ប៊ុន សុង អភិបាលនៃគណៈអភិបាលខេត្តនិងការចង្អុលបង្ហាញពី លោក ឧត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្តបានបញ្ជាឱ្យលោកវរៈសេនីយ៍ឯក ស្រី យូរ៉ាមេបញ្ជាការរងកងរាជអាវុធហត្ថប្រធានមន្ទីរស្រាវជ្រាវនិងយុត្តិធម៌ បានចុះ បង្ក្រាបករណីជូញដូរ នូវសារធាតុញៀនឈានដល់ធ្វើការឃាត់ខ្លួនបានជនសង្ស័យចំនួន៦នាក់ :
ទី១/ឈ្មោះ លឿត សុខនេត ភេទប្រុស អាយុ២៤ឆ្នាំមុខរបររត់តាក់ស៊ីពីក្រឡាញ់ទៅប៉ោយប៉ែត(ជូញដូរ) រស់នៅ ភូមិថ្មី ឃុំទឹកជោ ស្រុកព្រះនេតព្រះ ខេត្តបន្ទាយមានជ័យ
ទី២/ឈ្មោះ ឃុន ចន្តា ភេទប្រុសអាយុ១៨ឆ្នាំត្រូវជាប្អូនម្ចាស់ហាងគោដុតនៅប៉ោយប៉ែត បច្ចុប្បន្នស្នាក់នៅភូមិកំពង់ស្វាយ ឃុំកំពង់ស្វាយ ស្រុកព្រះនេតព្រះ ខេត្តបន្ទាយមានជ័យ (ប្រើប្រាស់)
ទី៣/ឈ្មោះ ឃុន ឧត្តម ភេទប្រុសអាយុ៣០ឆ្នាំមុខរបរកម្មករឡអិដ្ឋ(ប្រើប្រាស់) រស់នៅភូមិដូរតន្ត្រី ឃុំកំពង់ថ្កូវ ស្រុកក្រឡាញ់ ខេត្តសៀមរាប(ប្រើប្រាស់)
ទី៤/ឈ្មោះ ស៊ីម សុភណ្ឌ ភេទប្រុសអាយុ ៣០ឆ្នាំមុខរបរ កម្មករឡអិដ្ឋ(ប្រើប្រាស់) ស្រុកកំណើតនៅភូមិឬស្សីស្រុក ឃុំ ឬស្សីស្រុក ស្រុកពាមជ័រ ខេត្តព្រៃវែង បច្ចុប្បន្នស្នាក់នៅស្រុកក្រឡាញ់
ទី៥/ ឈ្មោះកែវ ផៃ រ៉េត ភេទប្រុសអាយុ១៨ឆ្នាំមុខរបរកម្មករសំណង់(ប្រើប្រាស់)រស់នៅភូមិគោកត្រុំ ឃុំកំពង់ថ្កូវ ស្រុកក្រឡាញ់
ទី៦/ឈ្មោះចាប សុឃន់ ភេទប្រុសអាយុ១៨ឆ្នាំ មុខរបរកម្មករសំណង់ (ប្រើប្រាស់)រស់នៅភូមិត្រពាំងច្រាំង ឃុំក្រឡាញ់ ស្រុកក្រឡាញ់ និងដកហូតវត្ថុតាងរួមមានៈ (ថ្នាំប្រភេទយ៉ាម៉ា WY៣០០គ្រាប់, ម៉ាទឹកកក (មេតំហ្វេតាមីន)ចំនួន៣កញ្ចប់តូច,២កញ្ចប់ធំស្មើនឹងទម្ងន់៦.២៩ ក្រាម, ទូរស័ព្ទដៃចំនួន៥គ្រឿង, ម៉ូតូ២គ្រឿងក្នុងនោះម៉ូតូសេ១២៥មួយ គ្រឿងសេរីឆ្នាំ២០០០ស្លាកលេខ បាត់ដំបង 1F4230ពណ៌ខ្មៅ និង ម៉ូតូស្គុបពីរពណ៌ស គ្មានស្លាកលេខ និងរថយន្តកាមរីព៌ណស្លែមួយគ្រឿងពាក់ស្លាកភ្នំពេញ2F0153 និងសម្រាប់ច្រកលក់ និងឧបករណជក់ មួយចំនួនធំផងដែរ។
លោកវរៈសេនីយ៍ឯក បានបន្តទៀតថា ចំពោះជនសង្ស័យទាំង ៦នាក់ និងវត្ថុតាងនេះ កម្លាំងជំនាញ កំពុងកសាងសំណុំរឿងបញ្ចូនទៅតុលាការ ដើម្បីចាត់ការតាមផ្លូវច្បាប់ ៕
