បាត់ដំបងៈ កាលពីព្រឹកថ្ងៃទី០១ ខែសីហា ឆ្នាំ២០១៤ ម៉ោង ៧ និង៣០នាទី នៅចំណុចខាងត្បូងរង្វង់មូលព្រាបស ភូមិអូរខ្ជាយ សង្កាត់ព្រែកព្រះស្តេច ក្រុងបាត់ដំបង ត្រូវបានកម្លាំងស្រាវជ្រាវទប់ស្កាត់បទល្មើស នៃយោធភូមិភាគីទី ៥ ធ្វើការបង្ក្រាបឈើប្រណីត ២៥ដុំ ដែលត្រូវបានគេដឹកតាមរថយន្តអ៊ីស៊ុយស៊ុយ មួយគ្រឿង ពណ៌ឈាមជ្រូក ពាក់ស្លាក លេខ ប-១៣៨៧ ភព២។
លោក ហេង សុធា នាយផ្នែក ស្រាវជ្រាវទប់ស្កាត់បទល្មើសនៃយោធភូមិភាគទី៥បានអោយដឹងថា ដោយមាន ការរាយការណ៍កម្លាំងសម្ងាត់ថារថយន្តអ៊ីស៊ុយស៊ុយ ពណ៌ឈាមជ្រូក ដឹកឈើប្រណិតពីខេត្តពោធិ៍សាត់ មកខេត្តបាត់ដំបង ។ លោក លឹម គុនវុឌ្ឍ មេបញ្ជាការរងយោធភូមិភាគទី៥ បានបញ្ជាអោយលោក ដឹកនាំកម្លាំងចុះបង្ក្រាបរថយន្តនេះ។ កម្លាំងឃាត់បានរថយន្តម៉ាកអ៊ីស៊ុយស៊ុយពណ៌ឈាមជ្រូកពាក់ស្លាក លេខប-១៣៨៧ភព២ ម្ចាស់គរចខ្លួនបាត់។ ហើយដកហូតបានឈើប្រភេទធ្នង់ចំនួន១៨ដុំ និងឈើប្រភេទបេងចំនូន ៧ដុំ ហើយឈើទាំងអស់សរុបមាន ២៥ដុំ ស្មើ ទម្ងន់ ១,០១៤ម៉ែត្រគូប។
លោក ហេង សុធា នាយផ្នែកស្រាវជ្រាវទប់ស្កាត់បទល្មើស នៃយោធភូមិភាគទី៥បានបញ្ជាក់ថា ក្រោយពីបង្ក្រាបឈើប្រណីតរួចដឹកចូលទីបញ្ជាការយោធភូមិភាគទី ៥ ធ្វើការប្រគល់ជូនខណ្ឌរដ្ខបាល ព្រៃឈើនៅព្រឹកថ្ងៃដដែល ៕
