បន្ទាយមានជ័យ ៖ ភ្ញៀវជាតិអន្តរជាតិធ្វើដំណើរដងផ្លូវជាតិលេខ០៥ក្នុងក្រុងប៉ោយប៉ែតបានរអ៊ូរទាំស្ទើជារៀងរាល់ថ្ងៃថាការចតរថយន្តតូចធំការចតម៉ូតូនឹងម៉ូតូកង់បីដើម្បីចាប់ដណ្ដើមម៉ូយចុះពីរថយន្ដក្រុងគ្មានសណ្ដាប់ធ្នាប់ប្រសេចប្រសាចធ្វើអោយកកស្ទះចរាចរណ៍សមត្ថកិច្ចអាជ្ញាធរក្រុងបិតភ្នែកគ្មានមានវិធានការទប់ស្កាតឡើយ។
សូម្បីតែការចតយានយន្ដម៉ូតូនឹងម៉ូតូកង់បីចាប់ដណ្ដើមម៉ូយពលករចំណាកស្រុកប្រថុយប្រថានខុសច្បាប់ ទៅតាមររយៈក្រុមមេខ្យល់ ដែលត្រូវបានភាគីថៃ សមត្ថកិច្ចចាប់បញ្ជូនមកអោយអាជ្ញាធរខ្មែរ បញ្ជូនមកកាន់មាតុភូមិកម្ពុជាវិញ ឱ្យប៉ូលិសអន្ដោរប្រវេសន៍នៅក្បែរចំណតរង្វង់មូលច្រកទា្វរអន្ដរជាតិប៉ោយប៉ែត និងនៅចំណុចផ្សារមង្គលថ្មី ជាដើម ក៏ដូចគ្នាដែរគឺការចាប់ដណ្ដើមម៉ូយពលករប្រទីងប្រទង់ពេញតាមដងផ្លូវបណ្តាលអោយការកក់ស្ទះផ្លូវផងដែរ។
បើតាមការអះអាងពីភ្ញៀវអន្តរជាតិ ជនកាណាដា ប្រាប់ថា រូបគាត់បានឆ្លងកាត់ពីប្រទេសថៃ មកកម្ពុជាតាមច្រកទ្វារអន្តរជាតិប៉ោយប៉ែត នៅពេលគាត់បានមកដល់ចំណុចរង្វង់មូល ឃើញរូបភាពគ្មានសណ្តាប់ធ្នាប់ រថយន្ត ម៉ូតូចត ត្រៀតត្រាពេញតែដងផ្លូវជាតិ ហាក់បីជាគ្មានសមត្ថកិច្ចនគរបាលចរាចរណ៍ រៀបសណ្តាប់ធ្នាប់សោះ រហូតរូបគាត់ប៉ិះ នឹងត្រូវរថយន្តបុកពីក្រោយ ព្រោះតែគាត់សម្លឹងរកមើលរថយន្តតាក់ស៊ី ទៅកាន់ខេត្តសៀមរាប ដើម្បីទស្សនាមើលប្រាសាទអង្គវត្តដែលល្បីល្បាញពេញសកលលោកយើងនេះ ។ រូបគាត់បានបន្តថា នេះជាលើកទី១ហើយដែលរូបគាត់បានមកកាន់ប្រទេសកម្ពុជា និងជាលើកដំបូងដែរ ឃើញចំណុចរង្វង់មូលនេះគ្មានសណ្តាប់ធ្នាប់សោះ ធ្វើឲ្យរូបគាត់ហួសចិត្តយ៉ាងខ្លាំងចំពោះបញ្ហានេះ។
លោក សៅ សារឿងនាយផ្នែកសណ្តាប់ធ្នាប់នៃអធិការដ្ឋាននគរបាលក្រុងប៉ោយប៉ែតគួរតែមើលពីបញ្ហាខាងខ្លះផងមិនគួរបិតភ្នែកចាំទទួលលាភពីចតយានយន្ត ម៉ូតូ និងម៉ូតូកងបីទាំងនេះទេ។
ប្រជាពលរដ្ឋជាច្រើននាក់បានស្រែកប្រាប់អ្នកសារព័ត៌មានថា សូមជួយផ្សព្វផ្សាយព័ត៌មាននេះផង សព្វថ្ងៃនេះគឺមានការកកស្ទះចរាចរណ៍ និងការចតរថយន្ត គ្មានសណ្តាប់ធ្នាប់ ជាពិសេសរថយន្តប្រភេទយីឌុប ចតតាមផ្លូវបេតុង ផ្លូវជាតិលេខ៥ គ្មានការយោគយល់ពីសុវត្ថិភាពចំពោះប្រជាពលរដ្ឋអ្វីសោះ គាត់បានសំណូមពរឲ្យលោក អាត់ ខែម ជាស្នងការខេត្តទើបតែឡើងថ្មី មេត្តាគិតគូរពីបញ្ហាខាងលើនេះ៕
