រតនគិរី ៖ កម្លាំងនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ នគរបាលប្រឆាំងបទល្មើសសេដ្ឋកិច្ចខេត្តសហការជាមួយកំលាំងអធិការស្រុកកូនមុំស្ទាក់បង្ក្រាបរថយន្ត២គ្រឿងដឹកឈើប្រណិតប្រភេទគ្រញូងពីខេត្តព្រះវិហារឆ្លងកាត់ខេត្តស្ទឹងត្រែង ខេត្តរតនគិរីបម្រុងយកទៅលក់នៅប្រទេសវៀតណាម កាលពីម៉ោង៨និង៣០នាទីព្រឹកថ្ងៃទី២៧ខែកញ្ញាឆ្នាំ២០១៥អ្នកបើកបររថយន្តខាងលើមានការរត់គេចខ្លួនបាត់។
ដឹកនាំដោយលោក នៅ ដារា នាយការិយាល័យនគបាលប្រឆាំងបទល្មើសសេដ្ឋកិច្ចខេត្តក្រោមការឆ្លងយោបល់ពីលោក លីវស្រេងព្រះរាជអាជ្ញាអមសាលាដំបូងខេត្តរតនគិរីបង្ក្រាបបាននៅចំនុចផ្ទះប្រជាពលរដ្ឋមួយកន្លែងស្ថិតក្នុងភូមិ១ឃុំត្រពាំងច្រេសស្រុកកូនមុំ។
តាមប្រភពពីសមត្ថកិច្ចចុះបង្ក្រាបផ្ទល់បានអោយដឹងថា រថយន្តចំនួនពីរគ្រឿងដែលបង្ក្រាបបាននោះ សរុបចំនួន៦៤ដុំ ស្មើ៥៣៩kg. ហើយបានបង្ហើបថា ចាប់បានតែរថយន្តទេឯម្ចាស់និងរថយន្តនោះគេខ្សិបឱ្យរត់គេចខ្លួនបាត់ហើយមិនចាប់ខ្លួន និងឃាត់រថយន្តបាននោះទេ ប្រហែលជាគេដោះលែងឱ្យសំរាប់ទៅរកស៊ីចិញ្ចឹមពួកគេក៍យើងមិនដឹងដែរ ។
ហើយឈើដែលសេសសល់ពីការរត់គេចយកទៅមិនរួចនោះ ត្រូវបានកំលាំងសមត្ថកិច្ចយកទៅទុកនៅបរិវេណអធិការដ្ឋានរួចក៍ត្រូវគេយកបន្តទៅរក្សារទុកនៅការិយាល័យប្រឆាំងបទល្មើសសេដ្ឋកិច្ច ហើយក៏បន្តប្រគលជូនបន្តទៅរដ្ឋបាលព្រៃឈើភ្លាមបន្តទៀត ដើម្បីចាត់ការតាមច្បាប់ព្រៃឈើ ។ ប៉ុន្តែសមត្ថកិចក្នុងខេត្តរតនគិរីនេះមិនដែលបង្ក្រាប់បានទេការជំនូញព្រៃឈើធំៗ គឺបង្ក្រាបបានតែករណីតូចតាចប៉ុនណ្ណោះ ៕
