ខេត្តសៀមរាប ៖ បើតាមលោកយាយឧបាសិកា អ៊ុំ សំហ៊ន ជាតំណាងឱ្យពុទ្ធបរិស័ទ ចំណុះជើងវត្តប្រាសាទគោកចក ចំនួន ៤៧ នាក់ ដែលមានទីតាំង ស្ថិតនៅភូមិវាល សង្កាត់គោកចក ក្រុងសៀមរាប ខេត្តសៀមរាបបាន ឱ្យកម្ពុជាអមតៈដឹងថា មូលហេតុ ដែលនាំឱ្យលោកយាយសំណើសុំ សម្តេច ហ៊ុន សែន ជួយអន្តរាគមន៍ ទៅរដ្ឋមន្ត្រីក្រសួងធម្មការនិងសាសនា ជួយចុះរៀបចំចាត់តាំងព្រះ ចៅអធិការអាចារ្យគណៈកម្មការ វត្តប្រាសាទគោកចកឡើងវិញនោះ ដោយសារកន្លងមក ក៏ដូចជាបច្ចុ- ប្បន្នពុំទាន់មានព្រះសង្ឃអង្គណាឬ អាចារ្យគណៈកម្មការណាមួយចាត់ តាំងត្រឹមត្រូវជាផ្លូវការនៅឡើយ។
លោកយាយ អ៊ុំ សំហ៊ន បាន បន្តថាដោយសារតែពុំទាន់មានព្រះ ចៅអធិការឬអាចារ្យគណៈកម្មការ គ្រប់គ្រងត្រឹមត្រូវនេះហើយ បាន ជាធ្វើឱ្យព្រះសង្ឃអង្គខ្លះក្នុងវត្តនិង ពុទ្ធបរិស័ទមួយចំនួនប្រកាន់បក្ស ប្រកាន់ពួកបង្កបញ្ហាជាច្រើនក្នុងវត្ត គ្មាននរណាស្តាប់នរណាធ្វើឱ្យអាប់ ឱនកិត្តិយសក្នុងព្រះពុទ្ធសាសនា ជារៀងរហូតមកដល់សព្វថ្ងៃនេះ ។
គោលបំណងរបស់លោក យាយ អ៊ុំ សំហ៊ន គឺចង់ឱ្យក្រសួង ធម្មការនិងសាសនា ចុះរៀបចំដោយ ផ្ទាល់បោះឆ្នោតជ្រើសរើសព្រះសង្ឃ អង្គណា ឬអាចារ្យគណៈកម្មការ ណាដែលមានភាពសុច្ចរិតត្រឹមត្រូវ តាមបែបប្រជាធិបតេយ្យមិននិយម បក្ខពួក ។
គួររំលឹកថា វត្តប្រាសាទគោកចកនេះបានចាប់ផ្តើមកសាងឡើង ពីឆ្នាំ១៩៩១ មកម្ល៉េះ បន្ទាប់ពីមាន វត្តអារាមហើយពុទ្ធបរិស័ទចំណុះ ជើងវត្តមានអំណរសាទររីករាយ បានរៀបចំឱ្យមានព្រះសង្ឃនិងអាចារ្យគណៈកម្មការវត្តសម្រាប់គ្រប់ គ្រងវត្តអារាមជារៀងរហូតមកតែ ជាអកុសលកន្លងមកនេះ មានព្រះ សង្ឃអង្គខ្លះបានប្រព្រឹត្តអំពើមិន គប្បី ផ្ទុយពីច្បាប់ព្រះពុទ្ធសាសនា បានផ្លាស់ប្តូរជាបន្តបន្ទាប់ធ្វើឱ្យពុទ្ធ បរិស័ទចំណុះជើងវត្តបាត់ជំនឿទុកចិត្តរហូតមកដល់សព្វថ្ងៃនេះ ។
លោកយាយ អ៊ុំ សំហ៊ន បាន បន្តថា រូបគាត់ផ្ទាល់បានចាប់ផ្តើម រត់ការធ្វើច្បាប់ទម្លាប់និងរៀបចំ កសាងវត្តអារាមនេះ មុនគេបង្អស់ ហើយក៏មានអ្នកច្រណែនឈ្នានីស និងគំរាមធ្វើបាបរូបគាត់ជាបន្ត បន្ទាប់ផងដែរ ជាពិសេសលោក យាយបាន សង្កត់ធ្ងន់ទៅលើលោក ហ៊ុយ ហួន ជាចៅសង្កាត់គោកចក នេះតែម្តង ដែលតែងតែរាំងស្ទះរូប គាត់មិនឱ្យធ្វើអ្វីកើតជាក់ស្តែងដូច ជាការកសាងរបងវត្តជាដើម លោកចៅសង្កាត់បានផ្អាកដំណើរ ការសាងសង់ដោយលោកចៅ សង្កាត់លើកឡើងថា ការកសាង របងវត្តនេះប៉ះពាល់ផ្លូវសាធារណៈ ហើយក៏ចេះតែមានរឿងរ៉ាវខ្វែង គំនិតគ្នាជាមួយចៅសង្កាត់ជារៀង រហូតមក ។
លោកយាយ អ៊ុំ សំហ៊ន បាន បន្តថានៅឆ្នាំ២០១៤នេះដែរ កាល ពីថ្ងៃទី ២៤ ខែសីហា ឆ្នាំ ២០១៤ វេលាម៉ោង ០៧ ព្រឹក ត្រូវជាថ្ងៃ សីលដែលពុទ្ធបរិស័ទចំណុះជើងវត្ត តែងតែនាំគ្នាទៅសុំសីលធ្វើបុណ្យ ទានលោកយាយបានចូលទៅយក ផ្កាមកតាំងលើតុដើម្បីឃោសនារៃ អង្គាសរកបច្ច័យកសាងរបងវត្ត ស្រាប់តែមានយាយម្នាក់ស្តោះទឹក មាត់ដាក់គាត់ ។ លោកយាយក៏ បានសួរនាំ យាយភី អំពីមូលហេតុ នៃការស្តោះទឹកមាត់ដាក់គាត់ហើយ ក៏បានជេរបញ្ចោគ្នាទៅវិញទៅមក រំពេចនោះក៏មានបក្ខពួកយាយភី ដឹកដៃយាយ ភី ទៅបាត់ទៅ ។
បន្ទាប់មកទៀត ក៏ស្រាប់តែមានស្ត្រីម្នាក់ទៀតឈ្មោះ(ស៊ាន) ជាបក្ខពួកយាយ“ភី”បានចេញមក ជេរបញ្ចោលោកយាយ អ៊ុំ សំហ៊ន បន្តទៀតចង្អុលមុខគ្នាទៅវិញទៅ មករហូតដល់ឈ្មោះ (ស៊ាន) ចូល ទៅចាប់ច្បាមកយាយ អ៊ុំ សំហ៊ន ប្រតាយប្រតប់ផ្តួលលោកយាយ អ៊ុំ សំហ៊ន ផ្តូលផ្ទាល់ទៅនឹងដីបណ្តាល ឱ្យគ្រាំគ្រាជាទម្ងន់ ក្នុងរឿងនេះ លោកយាយ អ៊ុំ សំហ៊ន កំពុងតែ រៀបចំពាក្យបណ្តឹងទៅតុលាការ ខេត្តសៀមរាប លោកយាយ អ៊ុំ សំហ៊ន មានភស្តុតាងរូបភាព ជាក់ ស្តែងដូចមាននៅក្នុងទំព័រកាសែត នេះស្រាប់ ។ ក្រោយមកទៀតមាន ជនអនាមិកមិនស្គាល់មុខបានទូរ- ស័ព្ទមកគំរាមលោកយាយ អ៊ុំ សំហ៊ន ប៉ុនប៉ងសម្លាប់ផងដែរ ។
លោកយាយ អ៊ុំ សំហ៊ន ក៏បាន សំណូមពរចំពោះសម្តេច ហ៊ុន សែន និងក្រសួងធម្មការនិងសាសនាផង ដែរ គឺសុំឱ្យចៅសង្កាត់គោកចក ដកបង្គោលអង់តែនចេញពីវត្តដែល គេធ្វើឡើង ដើម្បីផលប្រយោជន៍ ផ្ទាល់ខ្លួននិងសុំឱ្យចៅសង្កាត់ដកខ្លួន ចេញពីកិច្ចការវត្តអារាម ។ សូមកុំ ឱ្យនគរបាលចូលបង្កអុកឡុកក្នុងវត្ត តាមបញ្ជារបស់ភិក្ខុ ហែម គឹមសាន និងសុំឱ្យចៅសង្កាត់គោកចកឈប់ គាំទ្រភិក្ខុ ហែម គឹមសាន ដោយ លោកយាយបានអះអាងថា ភិក្ខុ ហែម គឹមសាន បានប្រព្រឹត្តមិនបាន ត្រឹមត្រូវតាមវិន័យរបស់សង្ឃ ។
បើមិត្តអ្នកអានចង់ដឹងរឿងពិត សូមទំនាក់ទំនងជាមួយលោកយាយ អ៊ុំ សំហ៊ន តាមរយៈទូរស័ព្ទលេខ ៨៩០ ៨១ ២៥ ៦៩ ៕
