ខេត្តឧត្តរមានជ័យ ៖ ប្រជាពលរដ្ឋប្រព្រឹត្តបទល្មើសព្រៃឈើ ប្រមាណ៣០នាក់ ស្នើសុំឈើប្រណិត៣១ដុំ ពីកម្លាំងសមត្ថកិច្ចយោធា ដែលបានបង្ក្រាបឃាត់ឈើ របស់ពួកគាត់មកវិញ តែការស្នើសុំនេះមិនបានដូចបំណងឡើយ នៅមុខ បន្ទាយយោធាសឹករង ឧត្តរមានជ័យ និងយោធាភូមិភាគ ទិសទី២ កាលពីថ្ងៃទី ១៨ ខែ តុលា ឆ្នាំ ២០១៤ ក្នុងភូមិដងទង់ សង្កាត់កូនក្រៀល ក្រុងសំរោង ខេត្តឧត្តរមានជ័យ ។
ឈើដែលកម្លាំងយោធាបង្ក្រាបបានមានឈើប្រភេទ នាងនួន មានមុខកាត់ ១០ ទៅ ២០ម៉ែត្រ ចំនួន ៣១ ដុំ ប្រវែង ៨ តឹក ។ ចំណែកប្រជាពលរដ្ឋដែលមកសុំឈើវិញនោះមានគ្នា ៣០ នាក់ កាប់ឈើនៅលើដីខ្មែរ នៅមុខបន្ទាយយោធាសឹករងឧត្តរមានជ័យ និងយោធាភូមិភាគ ទិសទី ២ នៅត្រង់ចំណុចបង្កោលសីម៉ា លេខ ១១ ហៅថា ផ្លូវឡានចុះ នៅជាប់និងភូមិដងទង់ ទោះបីប្រជាពលរដ្ឋនាំគ្នាសុំយ៉ាងណា ក៍មិនអោយវិញបានដែរ ពីព្រោះមិនស្តាប់ការហាមឃាត់របស់កងកម្លាំងសមត្ថកិច្ច ។
តាមការបញ្ជាក់ពីប្រភព បានអោយដឹងថា នៅតាមតបន់នេះ គ្មាននរណា ដែលត្រឹមត្រូវទេ មានអ្នករកឈើក្រញូង ជាសមត្ថកិច្ចទៀតផង ៕
ចាន់សុភា
