ទោះបីជាមានបម្រាមយ៉ាងតឹងរឹងពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាល កម្ពុជាមិនឱ្យចិញ្ចឹមប្រភេទត្រីដែលយកកូនត្រីធ្វើជាចំណីក្តីក៏នៅតែមានអ្នកចេញមុខចិញ្ចឹមត្រីឆ្តោ ដោយមិនកោតក្រែងច្បាប់ហើយក៏ជាទង្វើប្រឆាំងដោយត្រង់ៗទៅនឹងប្រមុខដឹកនាំរាជរដ្ឋាភិបាលកម្ពុជាផងដែរ។
សេចក្តីរាយការណ៍ពីក្រុងសៀមរាបកាលពីពេលថ្មីៗនេះបានឱ្យដឹងថា មុខរបរចិញ្ចឹមត្រីឆ្តោ បានកំពុងតែរីករាលដាលយ៉ាងខ្លាំងនៅភូមិប្ញស្សីលាភ សង្កាត់សៀមរាប ក្រុងសៀមរាប ខេត្តសៀមរាប ។ រីឯសមត្ថកិច្ចជំនាញមានមន្ត្រីរដ្ឋបាលជលផល បែរជាសង្ងំនៅស្ងៀមរង់ចាំទទួលយកផលប្រយោជន៍ពីការចិញ្ចឹមត្រី ឆ្តោនេះទៅវិញ ។ ការដាក់បន្ទុកទៅលើមន្ត្រីរដ្ឋបាលជលផលនេះ ដោយសារតែប្រជាពលរដ្ឋបានរាយការណ៍ទៅមន្ត្រី ជំនាញ បែរជាមន្ត្រីរដ្ឋបាលជលផលទាំងអស់នោះរាប់ពីថ្នាក់ផ្នែក សង្កាត់ ខណ្ឌ មិនធ្វើការបង្ក្រាប គ្រាន់តែចុះទៅត្រួតពិនិត្យរួចវិលត្រឡប់ទៅវិញបាត់ភ្លាមៗផងដែរ ។
សេចក្តីរាយការណ៍ដដែលបានឱ្យដឹងទៀតថា ទំនងជាមន្ត្រីរដ្ឋបាលជលផលគ្រប់ថ្នាក់ទាំងអស់នោះ ទទួលបានលាភសក្ការៈពីការចិពឹមត្រីឆ្តោល្មើសទៅនឹងបទបញ្ជាសម្តេចតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជា ។ ចំណែកឯមន្ត្រីជំនាញបានយកច្បាប់ស្តីពីជលផលធ្វើអាជីវកម្មប្រមូលយក ផលប្រយោជន៍ឯកជនទៅវិញ ទោះបីជាមច្ឆជាតិជាពិសេសកូនត្រីតូចៗត្រូវរលត់រលាយដោយក្រុមមនុស្សល្មើស ច្បាប់ទាំងអស់នោះក៏ដោយក៏មន្ត្រីជំនាញរដ្ឋបាលជលផលមិនឈឺក្បាលវិលមុខអ្វីដែរ សូម្បីតែបទបញ្ជារបស់សម្តេច តេជោ ហ៊ុន សែន ហាមប្រាមមិនឱ្យចិញ្ចឹមត្រីដែលស៊ីចំណីកូនត្រីក៏ត្រូវបានមន្ត្រីរដ្ឋបាលជលផលថ្នាក់ផ្នែក សង្កាត់ ខណ្ឌ គ្រវែងចោលចូលទៅបាតបឹងទន្លេសាបផងដែរ ។
សេចក្តីរាយការណ៍ដដែលបានបន្តឱ្យដឹងទៀតថា អ្នកចិញ្ចឹមត្រីឆ្តោភាគច្រើន ជាជនជាតិវៀតណាម មករស់នៅលើទឹកដីខ្មែរ ហើយថែមទាំងបំផ្លាញមច្ឆជាតិខ្មែរថែមទៀតផង ។ ជនជាតិវៀតណាម ចិញ្ចឹមត្រីឆ្តោនោះ មានឈ្មោះ ថាន់ ភេទប្រុស អាយុ ៣៥ ឆ្នាំ និងឈ្មោះ ដាង ភេទប្រុស អាយុ ៥២ឆ្នាំ ជាជើងខ្លាំងប្រចាំសង្កាត់ សៀមរាប ជាអ្នកចេញមុខកាងឱ្យក្រុមជនជាតិវៀតណាមចិញ្ចឹមត្រីឆ្តោទំនងយកប្រាក់ទៅបង់ឱ្យមន្ត្រីជំនាញរដ្ឋបាល ជលផលតាមបណ្តាថ្នាក់ចាប់ពីក្រោមរហូតទៅដល់លើ ។ ជើងខ្លាំងជនជាតិយួនទាំងពីររូបនេះ បានបង់ប្រាក់ទៅឱ្យសមត្ថ កិច្ចពាក់ព័ន្ធនានារួមទាំងអាជ្ញាធរដែនដី ទើបអាចប្រកបមុខរបរល្មើសច្បាប់ទៅនឹងបទបញ្ជារបស់ប្រមុខរាជរដ្ឋាភិ បាលបាន ។
មជ្ឈដ្ឋានប្រជាពលរដ្ឋបានឱ្យដឹងដែរថា ក្រុមជនជាតិវៀតណាម រស់នៅក្រុងសៀមរាប បានសហការគ្នាយ៉ាងរឹងមាំប្រកបមុខរបរចិញ្ចឹមត្រីឆ្តោដោយចេញមុខបើកចំហដោយត្រង់ៗគ្មានខ្លាចញញើត សមត្ថកិច្ចណាមួយ ឬក៏ស្ថាប័នដែលពាក់ព័ន្ធនោះទេ រាប់ទាំងអាជ្ញាធរដែនដីទំនងជាអ្នកទាំងអស់នោះ បានទទួលប្រាក់ថ្លៃការពារមុខរបរល្មើសច្បាប់នេះរួចទៅហើយ ទើបធ្វើជាពុំដឹងមិនឮអ្វីទាំងអស់ហើយក៏អាចនិយាយ បានទៀតថា មន្ត្រីរដ្ឋបាលជលផល និងស្ថាប័នពាក់ព័ន្ធដទៃទៀត រួមទាំងអាជ្ញាធរដែនដីបានរួមគំនិតគ្នាបំផ្លាញមច្ឆ ជាតិតាមរយៈការគាំទ្រឱ្យជនជាតិយួនចិញ្ចឹមត្រីឆ្តោនៅលើទឹកដីខ្មែរ បានបង្ហាញឱ្យឃើញនូវទង្វើបំផ្លាញជាតិខ្មែរខ្លួន ឯង យ៉ាងពិតប្រាកដបំផុត ៕
