យើងខ្ញុំជាព្រះចៅអធិការ និងគណៈកម្មការអាចារ្យ“វត្តប្រាសាទឥសីតាបស”បានកសាង នៅថ្ងៃទី ០១ ខែមេសា ឆ្នាំ២០១៣ ស្ថិតនៅភូមិ តាបស ឃុំស្តៅ ស្រុកសង្គមថ្មី ខេត្ត ព្រះវិហារ ដែល មានផ្ទៃដីសរុបទំហំ ២២.៥០០ម៉ែត្រ មានបណ្តោយ ២២៥ម៉ែត្រ ទទឹង ១០០ម៉ែត្រ មានកុដិឈើ ១តូច សាលាឆាន់ ១តូច សាឡុំ ១តូច សម្រាប់ព្រះសង្ឃធ្វើ បរិវាសកម្ម ឬសម្តែងអាប័ត្ត ។ មានព្រះសង្ឃចំនួន បីអង្គ, ភិក្ខុ ១អង្គ, សាមណេរ ២អង្គ, អាចារ្យ ២រូប និងគណៈកម្មាការ ៦រូប ក្នុងនោះ ស្រី ៣នាក់ ផង ដែរ ។
ដូចបានជម្រាបជូនខាងលើ ស្រាប់សព្វថ្ងៃខ្វះសាលាធ្វើបុណ្យពេលធ្វើបុណ្យម្តងៗ ប្រជា ជនជ្រកតាមម្លប់ឈើខ្លះជ្រកក្នុងរោងធ្វើប្ញស្សីប្រក់តង់ ពេលភ្លៀងទទឹកជោគអស់ខ្លួនប្រាណ ។
សូមអំពាវនាវដល់ សម្តេច ទ្រង់ ឯកឧត្តម ឧកញ៉ា មន្ត្រីរាជកា អស់លោក-លោកស្រី ដែលជាសប្បុរសជនទាំងក្នុងប្រទេស និងក្រៅប្រទេស ចូលរួមជាសទ្ធាជ្រះថ្លា និងជួយចាប់មគ្គផល មេត្តាឧបត្ថម្ភគាំទ្រដល់ “វត្តប្រាសាទឥសីតាបស” សូមជូនពរដល់ សម្តេច ទ្រង់ ឯកឧត្តម ឧកញ៉ា មន្ត្រីរាជកា អស់លោក-លោកស្រី ដែលជាសប្បុរសជនទាំងអស់ សូមជួបនូវពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។
សម្តេច ទ្រង់ ឯកឧត្តម ឧកញ៉ា មន្ត្រីរាជកា អស់លោក-លោកស្រី ដែលជាសប្បុរសជន ទាំងទីជិតទីឆ្ងាយ ជួយចាប់មគ្គផល សូមទំនាក់ទំនង ព្រះចៅអធិការ ឈុន វុទ្ធី តាមរយៈទូរស័ព្ទលេខ ០៨៨ ៧២ ៩៥ ៦២៦ ឬលោក ពៅ សាមុត មេឃុំស្តៅ តាមរយៈទូរស័ព្ទលេខ ០៩៧ ៣៨០០ ៣៣៩ / ០៩៧ ៧២៦ ៨៥ ៨០៩ ។ សូមអរគុណ !៕
