បាត់ដំបង ៖ បុរសម្នាក់លក់ចែកចាយគ្រឿងញៀន យ៉ាងសកម្ម ត្រូវកម្លាំងនគរបាលការិយាល័យ ប្រឆាំងគ្រឿងញៀន កសាងសំណុំរឿងជាមួយនិងថ្នាំញៀន ម៉ាទឺកកក ៩ ថង់ តូចស្មើទម្ងន់ ១,២៥ ក្រាម បញ្ជូនទៅតុលាកានាព្រឹកថ្ងៃទី០៩ខែតុលាឆ្នាំ២០១៤ចាត់ការតាមនិតិវិធី។
បុរសសង្ស័យត្រូវកម្លាំងនគរបាលបង្កាបង្ក្រាបនិងកម្លាំងនគរបាលការិយាល័យប្រឆាំងគ្រឿងញៀនស្រាវជ្រាវឃាត់ខ្លួន កាលពីម៉ោង១៨យប់ថ្ងៃទី៨ ខែតុលា ឆ្នាំ២០១៤ នៅចំណុចសត្វកុកចុះលេងទឹកភូមិព្រៃផ្តៅ ឃុំតាគ្រាម ស្រុកបាណន់ ខេត្តបាត់ដំបង ។
លោក ស៊ាន សូណាល់ នាយនគរបាលការិយាល័យប្រឆាំងគ្រឿងញៀន ស្តីទី បានអោយដឹងថា បុរសសង្ស័យដែលសមត្ថកិច្ចឃាត់ខ្លួនមានឈ្មោះ ឈឿម រដ្ឋា ហៅ ម៉ាប់ អាយុ៣៥ឆ្នាំ មានទីលំនៅភូមិអូរតាញា ឃុំតាគ្រាម ស្រុកបាណន់ ។ វត្ថុតាងដែលដកហូតបានមានថ្នាំញៀន ម៉ាទឺកកក ៩ ថង់តូចស្មើទម្ងន់១,២៥ក្រាម និងទូរស័ព្ទដៃចំនួន១គ្រឿង ។
ជនសង្ស័យបានសារភាពថា ខ្លួនបានទិញថ្នាំញៀន យកមកលក់មុនរដូវភ្ជុំបិណ្ឌឆ្នាំ ២០១៤ ។
លោក ស៊ាន សូណាល់ បានបញ្ជាក់ថា បុរសសង្ស័យជាមុខសញ្ញាចាស់ ប្រព្រឹត្តលក់យ៉ាងសកម្មក្នុងភូមិកើតហេតុ បច្ចុប្បន្ន បានកសាងសំណុំរឿងបញ្ជូនជនសង្ស័យ និងវត្ថុតាងទៅតុលាការ នាព្រឹកថ្ងៃទី០៩ ខែតុលា ឆ្នាំ២០១៤ ចាត់ការតាមនិតិវិធី ៕
