លោក សំវិឡុង មេបញ្ជាការអាវុធហត្ថក្រុងបាត់ដំបងបានអោយដឹងថា បុរសសង្ស័យដែលសមត្ថកិច្ចឃាត់ខ្លួនមានឈ្មោះ រុំ ប៊ុនរិទ្ធ អាយុ២៣ឆ្នាំស្នាក់បណ្តោះអាសន្នក្នុងវត្តពោធិ៍ក្នុងនៅភូមិរតនៈ សង្កាត់រតនៈ ក្រុងបាត់ដំបង (មានស្រុកកំណើតខេត្តកំពង់ឆ្នាំង) ។ វត្ថុតាងដែលដកហូតបានមានថ្នាំញៀន ប្រភេទម៉ាទឹកកក ២៤ កញ្ចប់តូច និង២កញ្ចប់ធំ កាំបិតចំនួន២ដើម(វែង១ដើម ខ្លី១ដើម) ជញ្ជីងថ្លឹងចំនួន១គ្រឿង លុយខ្មែរចំនួន៧៥៥០០រៀល(ប្រៃពីរម៉ឺនប្រាំពាន់ប្រាំរយរៀល) កន្ត្រៃចំនួន ៣ កាបូបចំនួន៤ និងកាំភ្លើងខ្លីជ័រចំនួន២ដើម គ្រាប់កាំភ្លើងពិតចំនួន៥គ្រាប់ ព្រមទាំងសម្ភារៈជក់ថ្នាំញៀនមួយចំនួនទៀត ។
បុរសសង្ស័យឈ្មោះ រុំ ប៊ុនរិទ្ធ បានសារភាពថា ខ្លួនបានមកពីខេត្តកំពង់ឆ្នាំរស់នៅខេត្តបាត់ដំបង លក់ចែកចាយគ្រឿងញៀនអស់ពេលជិត១ឆ្នាំមកហើយគឺស្នាក់នៅចល័តក្នុងខេត្តបាត់ដំបង។
លោក សំ វិឡុង បានបញ្ជាក់ថា ក្រោយពីទទួលព័ត៌មាន មានអ្នកលក់ចែកចាយគ្រឿងញៀន នៅក្នុងបរិវេណវត្តពោធិ៍ក្នុង ឋិតនភូមិសង្កាត់រតនៈក្រុងបាត់ដំបង កម្លាំងអាវុធហត្ថបានចុះស្រាវជ្រាវ ប៉ុន្តែមិនឃើញជនសង្ស័យ នៅក្នុងវត្តពោធិ៍ក្នុងនោះទេ ។ ក្រោយមក កម្លាំងបានស្រាវជ្រាវតាមមុខសញ្ញាជនសង្ស័យ រកឃើញជនសង្ស័ យនៅផ្ទះជួលខាងលើ និងផ្តល់កន្លែងអោយអ្នកដ៏ទៃជក់ប្រើប្រាស់ សមត្ថកិច្ចឃាត់ខ្លួនតែម្តង ។
ជនសង្ស័យនិងវត្ថុតាងត្រូវកសាងសំណុំរឿងបញ្ជូនទៅកាន់តុលាកា នាព្រឹកថ្ងៃទី៣០ខែឆ្នាំដដែល ចាត់ការតាមនិតិវិធី ៕
