ខេត្តបន្ទាយមានជ័យ ៖ រថយន្ត១គ្រឿងបើកបុកម៉ូតូពីក្រោយ បណ្តាលអោយបុរសម្នាក់រងរបួសធ្ងន់ ហើយបើកគេចខ្លួនបាត់ កាលវេលាម៉ោង ៨និង២០នាទីថ្ងៃទី២៨ ខែកញ្ញា ឆ្នាំ២០១៤ តាមផ្លូវជាតិលេខ៥៩ នៅចំណុចកែង៥០២ ស្ថិតក្នុងភូមិបន្ទាយទី១ ឃុំទួលពង្រ ស្រុកម៉ាឡៃ ខេត្ដបន្ទាយមានជ័យ។
សមត្ថកិច្ចបានអោយដឹងថា ជនរងគ្រោះឈ្មោះ ធុល ធឿន ភេទប្រុស អាយុ៣៥ឆ្នាំរបួសធ្ងន់បាក់ជើងខាងស្ដាំបែកក្បាលផ្នែកខាងមុខ រស់នៅភូមិបន្ទាយទី១ ឃុំទួលពង្រ ស្រុកម៉ាឡៃ ខេត្ដបន្ទាយមានជ័យ។ម៉ូតូស្មាក ស៊េរី២០០៤ពណ៌ក្រហម ពាក់ស្លាកលេខ កណ្ដាល1E6821។ ចំណែករថយន្ដបង្ក ១គ្រឿងមិនចាំម៉ាក និងស្គាល់ស្លាកលេខ។
សាក្សីបានអោយដឹងថា ករណី គ្រោះថ្នាក់ចរាចរនេះមុនពេលកើតហេតុគេឃើញ រថយន្ដមិនស្គាល់ម៉ាក់បើកពីជើងទៅត្បូងបុកម៉ូតូស្មាក ស៊េរី២០០៤ ពីក្រោយណ្តាលឲ្យអ្នកបើកបរម៉ូតូ រងរបួសធ្ងន់ ចំណែករថយន្ដបង្កបានបើកទៅមុខទៀត គេចខ្លួនបាត់តែម្តង។
ក្រោយពីកើតហេតុគេឃើញមានសមត្ថកិច្ចនគរបាលចរាចរណ៍ ចុះមកវាល់វែងកន្លែងកើតហេតុ និងបានបញ្ជូនជនរងគ្រោះទៅកាន់មន្ទីពេទ្យបង្អែកមិត្តមភាព កម្ពុជា ជប៉ុន មង្គលបូរី ដើម្បីសម្រាកព្យាបាលជម្ងឺ និងទំនាក់ទំនងរកក្រុមគ្រួសារ ជនរងគ្រោះ ។ សមត្ថកិច្ចវាស់វែងរួចរាល់ និងបានយកម៉ូតជនរងគ្រោះ យកទៅរក្សាទុក នៅអធិការដ្ឋាននគរបាលស្រុកម៉ាឡៃ និងតាមស្រាវជ្រាវរករថយន្តបង្ករយកមកដោះស្រាយជាមួយ ជនរងគ្រោះទៅតាមនិតិវិធីច្បាប់នាពេលក្រោយ ៕
