ភ្នំពេញ៖ មានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចទាំងព្រឹក កាលពីវេលាម៉ោង៧នឹង១៥នាទីព្រឹក ថ្ងៃទី១០ ខែកម្ភៈ ឆ្នាំ២០២២ដោយស្ត្រីម្នាក់បានឡើងលើអាគារមួយកន្លែងហើយក៍បានលោតចុះមកខាងក្រោមបណ្ដាលឲ្យស្លាប់ភ្លាមៗនៅនឹងកន្លែងកើតហេតុដោយពុំដឹងមូលហេតុ។ករណីនេះកើតឡើងត្រង់ចំណុចទល់មុខនឹងមន្ទីរពេទ្យរុស្ស៊ី តាមបណ្ដោយផ្លូវលេខ២៧១ ស្ថិតក្នុងសង្កាត់បឹងទំពុនទី១ ខណ្ឌមានជ័យ រាជធានីភ្នំពេញ ។
ជនរងគ្រោះខាងលើមានឈ្មោះសេងរដ្ឋាភេទស្រីអាយុ ២៧ឆ្នាំ យោងតាមប្រភពព័ត៌មានពីបងស្រីម្នាក់ដែលមានផ្ទះរស់នៅជិតនឹងកន្លែងកើតហេតុនោះបានប្រាប់មកដល់ក្រុមការងារឲ្យដឹងថា នៅមុនពេលហេតុការណ៍នេះបានកើតឡើងគាត់បានឃើញស្ត្រីម្នាក់ មានវ័យប្រហែលជា២៧ឆ្នាំ បានដើរឡើងទៅលើអាគារួចរូបគេក៍បានលោតចុះមកដីតែម្ដង បណ្ដាលឲ្យស្លាប់បាត់បង់ជីវិតភ្លាមនៅនឹងកន្លែងកើតហេតុទើបបង្កឱ្យមានការភ្ញាក់ផ្អើលបងប្អូនប្រជាពលរដ្ឋតែម្តង។
ក្រោយពេលហេតុការណ៍នេះបានកើតឡើងសមត្ថកិច្ចមូលដ្ឋានក៏បានចុះមកដល់ដើម្បីត្រួតពិនិត្យមើលរួចរាល់ក៏ទំនាក់ទំនងទៅសមត្ថកិច្ចជំនាញផ្នែកកោសល្យវិច័យចុះមកធ្វើការត្រួតពិនិត្យរួចរាល់ក៏យកសពទៅរក្សាទុកដើម្បីស្វែងរកសាច់ញាតិមកទទួលយកទៅធ្វើបុណ្យតាមប្រពៃណី៕
