0

លោកជំទាវ​កិត្តិ​សង្គហ​បណ្ឌិត ម៉ែន សំអន អញ្ជើញ បួងសួង​សុំ​សេចក្តីសុខ សេចក្តីចម្រើន​ជូន​ដល់​ប្រទេស​ជាតិ នៅ​ចំណុច ក ដប ដែល​ជា​ព្រំប្រទល់​ទឹក​ប្រសព្វ​គ្នា​រវាង​ខេត្ត​ពោធិ៍សាត់ កំពង់ឆ្នាំង និង​កំពង់ធំ​

លោកជំទាវ​កិត្តិ​សង្គហ​បណ្ឌិត ម៉ែន សំអន អញ្ជើញ បួងសួង​សុំ​សេចក្តីសុខ សេចក្តីចម្រើន​ជូន​ដល់​ប្រទេស​ជាតិ នៅ​ចំណុច ក ដប ដែល​ជា​ព្រំប្រទល់​ទឹក​ប្រសព្វ​គ្នា​រវាង​ខេត្ត​ពោធិ៍សាត់ កំពង់ឆ្នាំង និង​កំពង់ធំ​

​លោកជំទាវ​កិត្តិ​សង្គហ​បណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង​ទំនាក់ទំនង​ជាមួយ​រដ្ឋ​សភា​- ព្រឹទ្ធសភា និង​អធិការកិច្ច អមដំណើរ​ដោយ ឯកឧត្តម ស៊ុន សុ​វណ្ណា​រិទ្ធិ អភិបាល​នៃ​គណៈ​អភិបាលខេត្ត​កំពង់ឆ្នាំង និង​លោកជំទាវ ឯកឧត្តម ជាវ តា​យ អភិបាល នៃ​គណៈ​អភិ​បា​ខេត្ត​ពោធិ៍សាត់ និង​លោកជំទាវ និង ឯកឧត្តម ងួន រតនៈ អភិបាល នៃ​គណៈ​អភិបាល​ខេត្ត​កំពង់ធំ មន្ត្រីរាជការ តំណាងរាស្ត្រ បាន​អញ្ជើញ បួងសួង​សុំ​សេចក្តីសុខ សេចក្តីចម្រើន​ជូន​ដល់​ប្រទេស​ជាតិ និង​ជួប​សំណេះសំណាល​ជាមួយ​បងប្អូន​ប្រជាពលរដ្ឋ​ចំនួន ២៩៧​គ្រួសារ ដែល​មកពី​តាម​បណ្ដា​ខេត្ត ទាំង​៣ នៅ​ចំណុច ក ដប ដែល​មាន​ព្រំប្រទល់​ព្រំដែន​ដឹក​រវាង​ខេត្ត​ទាំង ៣ នា​ព្រឹក​ថ្ងៃ​ពុធ ៨​កើត ខែ​មាឃ ឆ្នាំ​ឆ្លូវ ត្រី​ស័ក ព​.​ស​.២៦៥៦ ត្រូវ​នឹង​ថ្ងៃទី​០៩ ខែ​កុម្ភៈ ឆ្នាំ​២០២២ ។

​ថ្លែង​ក្នុង​ឱកាស​នោះ​ផង​ដែរ លោកជំទាវ​កិត្តិ​សង្គហ​បណ្ឌិត បាន​មានប្រសាសន៍ថា នៅ​ចំណុច ក ដប នេះ គឺជា​ព្រំប្រទល់​ទឹក​រវាង​ខេត្ត​ចំនួន ៣ គឺ​ខេត្ត​កំពង់ឆ្នាំង ខេត្ត​ពោធិ៍សាត់ និង​ខេត្ត​កំពង់ធំ តំបន់​នេះ​ជា​តំបន់​មួយ​ដែល​មាន​ជីវៈចម្រុះ​យ៉ាង​សម្បូរបែប ទាំង​ក្នុង​តំបន់ ក៏ដូចជា​នៅ​ក្នុង​ពិភពលោក ដែល​បាន​ផ្តល់​ជា​ទីជម្រក​ដល់​រុក្ខជាតិ និង​សត្វ និង​ជា​ទីកន្លែង​ដ៏​សក្តិ​សិទ្ធ ដែល​ប្រសិទ្ធិ​នាម​ថា តំបន់ ក ដប ប្រកប​ដោយ​សិល អ្នក​បាន​ទៅ​ដល់​មិន​ចង់​វិល​វិញ ដោយសារ​តំបន់​នេះ​ត្រជាក់​ល្អ និង​មាន​បរិស្ថាន​ល្អ ។

​លោកជំទាវ​កិត្តិ​សង្គហ​បណ្ឌិត ម៉ែន សំអន បាន​បួងសួង​ថ្វាយព្រះពរ​ជ័យ​ថ្វាយ ព្រះមហាក្សត្រ ព្រះមហាក្សត្រី សម្តេចម៉ែ សម្តេច​យាយ សម្តេច​យាយទួត មុនិនាថ សីហនុ និង​ប្រគេន​ពរ​ដល់​ព្រះសង្ឃ​គ្រប់​ព្រះអង្គ និង​ជូនពរ ថ្នាក់ដឹកនាំ ព្រឹទ្ធសភា រដ្ឋសភា និង សូម​គោរព​ជូនពរ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ព្រមទាំង​ប្រជាពលរដ្ឋ​នៅ​ទូទាំង​ប្រទេស សូមឱ្យ​ជួប​សេចក្តីសុខ សន្តិភាព សេចក្តីចម្រើន គ្រប់ៗ​ក្រុមគ្រួសារ​ឲ្យ​ចៀសផុត​ពី​ជំងឺ​ផ្សេងៗ និង​ជួប​តែ​សេចក្ដីសុខ​ជា​រៀងរហូត ។​

​បន្ទាប់ពី​ពិធី​បួងសួង​ចប់ លោកជំទាវ​កិត្តិ​សង្គហ​បណ្ឌិត ក៏​បាន​ជួប​សំណេះសំណាល​ជាមួយ​ប្រជាពលរដ្ឋ​ចំនួន ២៩៧​គ្រួសារ ។ ថ្លែង​ក្នុង​ឱកាស​នោះ លោកជំទាវ​បាន​រំលឹក​នូវ​អនុសាសន៍ របស់ សម្ដេច​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ដែល​បាន​ថ្លែង​កាលពី​យប់​ថ្ងៃទី ០៨ ខែ​កុម្ភៈ ឆ្នាំ ២០២២ កាល​ពី​ម្សិលម៉ិញ អំពី​ការព្រួយបារម្ភ​អំពី​ការឆ្លង​រីក​រាលដាល​នូវ​កូវី​ដ ១៩ ប្រភេទ​អូ​មី​ក្រុង ដោយសារ​តួលេខ​នៃ​ការឆ្លង គឺ​មាន​ចំនួន លើសពី ២០០​នាក់ ក្នុង​មួយ​ថ្ងៃ​។ លោកជំទាវ​ក៏បាន​អំពាវនាវ​ឲ្យ ប្រជាពលរដ្ឋ​បង្កើន​នូវ​ការប្រុងប្រយ័ត្ន និង​ប្រើប្រាស់​ម៉ាស់ លាងដៃ និង​ការរក្សា​គម្លាត ដើម្បី​ជៀសវាង​ការ ជួបជុំ​ណា​ដែល​មាន​មនុស្ស​ច្រើន ។ លោកជំទាវ​បាន​បន្តទៀតថា យើង​មិន​ត្រូវឲ្យ​ជោគជ័យ​របស់​យើង​ធ្លាក់​ទៅក្នុង​ស្ថានភាព​បរាជ័យ​នោះទេ ជាមួយគ្នានេះ បាន​អំពាវនាវ​ឲ្យ​ប្រជាពលរដ្ឋ​ទាំងអស់​ទៅ​ទទួលយក​វ៉ាក់សាំង​ឲ្យ​បា​គ្រប់ៗ​គ្នា និង​ចូលរួម​អនុវត្តតាម​វិធាន​របស់​ក្រសួង​សុខាភិបាល ឲ្យបាន​នូវ​វិធានការ ៣​កុំ និង​៣​កា​ពារ ។​

​ដោយឡែក​សម្រាប់​ប្រជាពលរដ្ឋ ២៩៧​គ្រួសារ ក្នុង​មួយ​គ្រួសារ ទទួលបាន​អង្ករ ២៥ គីឡូក្រាម មី មួយ​កេស ទឹកស៊ីអ៊ីវ ១​យួរ ត្រីខ ១​យួរ ទឹកត្រី ១​យួរ និង​ថវិកា​ចំនួន​៥​ម៉ឺន​រៀល ។​

​ដោយឡែក​គ្រួសារ​ដែល​មាន​កូនភ្លោះ​៣​នាក់ រស់នៅ​ភូមិ​ឆ្នុក​ទ្រូ ឃុំ​ឆ្នុកទ្រូ ស្រុក​បរិបូណ៌ ក៏​បាន​ទទួល​ថវិកា​ពី​លោកជំទាវ​កិត្តិ​សង្គហ​បណ្ឌិត ចំនួន​១​លាន​២០​ម៉ឺន​រៀល​ផងដែរ ៕

 

Filed in: ព័ត៌មានជាតិ

Recent Posts

Bookmark and Promote!