ខេត្តបាត់ដំបង ៖ កម្លាំងសមត្ថកិច្ចនគរបាលព្រហ្មទ័ំណ្ឌកំរិតធ្ងន់នៃស្នងការដ្ឋានខេត្តបាត់ដំបងបានបញ្ជូនខ្លួន
ក្រុមជនដៃដល់៣នាក់ក្នុងចំណោម៩នាក់ទៅតុលាការនាព្រឹកថ្ងៃទី០៦ ខែកុម្: ឆ្នាំ២០២២បន្ទាប់នាំគ្នាជិះម៉ូតូស្ទាក់កាប់យុវជនម្នាក់ស្លាប់ កាលពី ថ្ងៃទី៤ ខែ កុម្ភៈ ឆ្នាំ២០២២ វេលាម៉ោ ង២៣និង៣០នាទីនៅចំណុច លើ ផ្លូវជាតិលេខ ៥៩ ស្ថិតក្នុងក្រុមទី០៤ ភូមិតាស្តា ឃុំតា ស្តា ស្រុកសំពៅលូន ខេត្តបាត់ដំបង ។
លោកវរសេនីយ៍ទោ ទឹម វិឆ័យ អធិការ នគរបាលស្រុក សំពៅលូន ធ្វើការស្រាវជ្រាវករ ណីហិង្សាដោយចេតនា បណ្តាលឱ្យស្លាប់ជនរងគ្រោះ ដោយបានសម្រេចកាលពីថ្ងៃ សៅរ៍ ៤ កើត ខែ មាឃ ឆ្នាំ ឆ្លូវ តត្រីស័កព.ស.២៥៦៥ ត្រូវនឹងថ្ងៃ ទី ៥ ខែ កុម្ភៈឆ្នាំ២០២២
ធ្វើការឃាត់ខ្លួនមុខ សញ្ញាជាក្រុមជនសង្ស័យចំនួន០៣នាក់ នាំមកធ្វើការសាកសួរស្រាវជ្រាវដែលក្នុងនោះគឺ៖
១-ឈ្មោះ យ៉ាង សុខចាន់នី ហៅ អ៊ុក ភេទប្រុស អាយុ ២១ ឆ្នាំ។
២-ឈ្មោះ ហ៊ាន វ៉ើយហុង ភេទប្រុស អាយុ ២២ ឆ្នាំ។
៣-ឈ្មោះ អឿន ភារម្យ ភេទប្រុស អាយុ ២២ ឆ្នាំ។
អ្នកទាំង ០៣ នាក់ មានទីលំនៅ ភូមិតាស្ដា ឃុំតា ស្ដា ស្រុកសំពៅលូន ខេត្តបាត់ដំបង ។ សូមជម្រាបជូនថា មូលហេតុដែលឈានដល់ការឃាត់ខ្លួននេះគឺកាលពី ថ្ងៃទី៤ ខែ កុម្ភៈ ឆ្នាំ២០២២ វេលាម៉ោ ង២៣និង៣០នាទីនៅចំណុច លើ ផ្លូវជាតិលេខ ៥៩ ស្ថិតក្នុងក្រុមទី០៤ភូមិតាស្តា ឃុំតាស្តា ស្រុកសំពៅលូន ខេត្តបាត់ដំបង មានករណីហិង្សាដោយចេតនាមានស្ថានទម្ងន់ទោសបណ្ដាលឱ្យជនរងគ្រោះស្លាប់មួយបាន កើត ឡើង ដែលករណីនេះបង្កដោយក្រុមជនសង្ស័យ មួយ ក្រុមមានគ្នាចំនួន ០៩ នាក់ បានធ្វើស កម្មភាពចាំស្ទាក់អមសងខាងផ្លូវជាតិដែលស្ងាត់ដាច់ស្រយ៉ាលពីទីប្រជុំជន ដោយយក ដុំថ្មផង ពូថៅផងនិងកាំបិតផ្គាក់ផង គប់ និងកាប់ទៅលើជនរងគ្រោះឈ្មោះ ឡាញ់ ស៊ីណាត ភេទប្រុស អាយុ១៨ឆ្នាំមានទីលំនៅ ភូមិចក្រី ឃុំបារាំងធ្លាក់ ស្រុក ភ្នំព្រឹក ខេត្តបាត់ដំបង ក្នុងខណៈដែលជនរងគ្រោះកំពុងជិះម៉ូតូតាមផ្លូវ បណ្ដាលឱ្យរងរបួសត្រង់កនិង ចំ ហៀងខាងស្តាំ (របួសធ្ងន់ធ្ងរ) និងបានស្លាប់បាត់បង់ជីវិតពេលបញ្ជូនទៅសង្គ្រោះនៅមន្ទីរពេទ្យ។
លោកវរសេនីយ៍ទោ ទឹម វិឆ័យ អធិការនគរបាលស្រុកសំពៅលូន បានបញ្ជាក់ថា នៅចំ ណុចកើត ហេតុក្រុមជនសង្ស័យបានជ្រើសរើសយកចំ ណុចស្ងាត់និងស្ថិតនៅឆ្ងាយពីទីប្រជុំជន ហើយដោយសារពេលវេលាយប់ជ្រៅផង ដែលជាហេតុ ធ្វើឱ្យកម្លាំងនគរបាលរបស់លោកចេញអន្តរាគ មន៍ មិនបានទាន់ ជាហេតុធ្វើឱ្យក្រុមជនសង្ស័យ ធ្វើសកម្មភាពរួចភ្លាមបាននាំគ្នាគេច ខ្លួនបាត់ពីកន្លែងកើតហេតុភ្លាមៗ ។
លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រ ហ្មទ័ណ្ឌ បានបញ្ជាក់ថាករណីនេះដោយអនុវត្តតាមបទបញ្ជាយ៉ាងហ្មឹងម៉ាត់ របស់ លោកឧត្តមសេនីយ៍ទោ សាត គឹមសាន ស្នង ការនៃស្នងការដ្ឋាននគរ បាលខេត្តបាត់ដំបង លោកបានធ្វើកា រ ដឹកនាំស្រាវជ្រាវរហូតឈានទៅកំ ណត់មុខសញ្ញាបាននិងធ្វើ ការឃាត់ខ្លួនបក្ស ពួកចំនួន០៣នាក់ ក្នុងចំណោមបក្សពួកមួយចំនួនទៀតរួមទាំងជនដៃដល់ផងកំពុងរត់គេចខ្លួនពីមូល ដ្ឋាន លោកស្នងការរងបន្តថា ទោះបីជាបែប នេះក្តីសមត្ថកិច្ចកំពុងដុតដៃដុតជើងក្នុងការស្វែង ចាប់ខ្លួនមុខសញ្ញាទាំងនេះយកមកផ្តន្ទាទោសតាមផ្លូវច្បាប់។
លោកស្នងការរងបានបញ្ជាក់បន្ថែមថា ករណីហិង្សាបណ្តាលឱ្យស្លាប់ជនរងគ្រោះនេះគឺផ្តើម ចេញពីបញ្ហាគំនុំតែប៉ុណ្ណោះ ហើយនេះក៏ជាការដោះស្រាយគំនុំដោយការសងសឹកគ្នាក្នុងជម្លោះពីលើកមុនមកដែរ ៕
