ខេត្តឧត្តរមានជ័យ ៖ ក្រៅពីការងារហ្វឹកហ្វឺនរៀនសូត្រ និងអនុវត្តន៍ភារកិច្ចស្នូល អង្គភាពបានបន្តការងារកសាងអគារស្នាក់នៅ របស់មេបញ្ជាការ មេបញ្ជាការរងនិងការងារបង្កបង្កើនផល ចិញ្ចឹមសត្វ ដើម្បីជួយធានាការរស់នៅរបស់កងទ័ព និង គ្រួសារកងទ័ពដែលមានជីវភាពខ្វះខាត ពិសេសចូលរួមអនុវត្តន៍តាមផែនការយុទ្ធសាស្ត្រលើកស្ទួយវិស័យកសិកម្មក្នុងស្រុក របស់រាជរដ្ឋាភិបាលកម្ពុជា។
សូមបញ្ជាក់ថាក្រោមការយកចិត្តទុកដាក់ និង ការណែនាំរបស់ លោកវរសេនីយ៍ឯក ឃួន ភិរុណ មេបញ្ជាការ កងការពារព្រំដែនគោកលេខ៤០២ ឲ្យគ្រប់កងល្បាតទាំងអស់ បន្តខិតខំការងារបង្កបង្កើនផល និងចញ្ចឹមសត្វ បន្ថែមលើគោលរបបហូបប្រចាំថ្ងៃ ។
គួរកត់សំគាល់ថា ក្នុងដើមឆ្នាំ២០២២ នេះ កម្លាំងរបស់កងការពារព្រំដែនគោកលេខ៤០២ ក្រៅពីបានចេញប្រតិបត្តិការល្បាតត្រួតពិនិត្យតាមបន្ទាត់ព្រំដែន កម្ពុជា-ថៃ នៅក្នុងទីតាំង គ្រប់កងល្បាត បានខិតខំការងារបង្កបង្កើនផល និងចញ្ចឹមសត្វ បន្លែគ្រប់មុខ និងត្រីសាច់ មួយចំនួនបន្ថែមដល់កម្លាំងជួរមុខ ធានាបានហូបប្រចាំថ្ងៃគ្រប់គ្រាន់ សុវត្ថិភាព និងសុខភាពល្អដល់កងកម្លាំង។ ក្រៅពីនោះលោកមេបញ្ជាការបានក្រើនរំលឹកជារឿយៗទៅលើការអនុវត្តវិធានការការពារ ៣កុំ ៣ការពារ របស់រាជរដ្ឋាភិបាលដើម្បីបង្កាការរីករាលដាលនៃជំងឺកូវីដ-១៩៕
