ខេត្តបាត់ដំបង ៖ ក្រុមជនសង្ស័យជាក្មេងស្ទាវ មិនស្គាល់អត្តសញ្ញាណជិះម៉ូតូប្រហែល១០គ្រឿង បានធ្វើការស្ទាក់កាប់ទៅលើយុវជនរងគ្រោះឲ្យរងរបួសធ្ងន់ ក្រោយមកបានសាច់ញាតិនិងសមត្ថកិច្ចដឹកជញ្ជូនទៅដល់មន្ទីរពេទ្យ តែអកុសលខាងមន្ទីរពេទ្យមិនអាចសង្គ្រោះបាន ទើបបណ្តាលឲ្យស្លាប់តែម្តង។
ហេតុការនេះកើតឡើង កាលវេលាម៉ោង២៣និង៣០នាទីយប់នៅថ្ងៃទី៤ ខែកុម្ភៈ ឆ្នាំ២០២២
នៅលើដងផ្លូវ៥៩ ស្ថិតក្នុងចំណុចក្រុមទី៤ ភូមិតាស្តា ឃុំតាស្ដា ស្រុកសំពៅលូន ខេត្តបាត់ដំបង។
ប្រភពឲ្យដឹងថា ហេតុការនេះបង្កឡើងដោយជនសង្ស័យ មិនស្គាល់អត្តសញ្ញាណជិះម៉ូតូប្រហែល១០គ្រឿង បានធ្វើការស្ទាក់កាប់ទៅលើយុវជនរងគ្រោះ ឈ្មោះ ឡាញ់ ស៊ីណាត ភេទប្រុស អាយុ ១៨ឆ្នាំ មានទីលំនៅ ភូមិចក្រី ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង បណ្តាលអោយស្លាប់ក្រោយពេលបញ្ជូនជនរងគ្រោះដល់មន្ទីរពេទ្យ។ចំណែកក្រុមបង្ក និងបក្សពួកដែលមិនស្គាល់អត្តសញ្ញាណ ក្រោយធ្វើសកម្មភាពរួចបានើកម៉ូតូរត់គេចខ្លួនបាត់អស់។
បច្ចុប្បន្នសមត្ថកិច្ចកំពុងធ្វើការស្រាវជ្រាវដើម្បីចាប់ល្មើសយកមកផ្តន្ទាទោសតាមច្បាប់ ។R189
