បន្ទាយមានជ័យ ៖ លោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានអញ្ជើញដឹកនាំកម្លាំងកងរាជអាវុធហត្ថខេត្ត សហការចុះយុទ្ធនាការដាំកូនឈើនៅក្នុងតំបន់៣ ព្រៃលិចទឹកជាប់បឹងទន្លេសាប ស្ថិតនៅក្នុងភូមិក្របៅចាស់ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ នៅព្រឹកថ្ងៃព្រហស្បតិ៍ ទី២៧ ខែមករា ឆ្នាំ២០២២។
សូមបញ្ជាក់ថា ការចូលរួមចុះដាំកូនឈើក្នុងភូមិសាស្ត្រព្រៃលិចទឹកដែលជាដែនជម្រកត្រីពងនេះចំនួន ៦លើក មកហើយកូនឈើដែលត្រូវដាំរួមមានកូនឬស្សី កូនរាំងទឹក និងកូនត្នោត។ល។
