ខេត្តបន្ទាយមានជ័យ៖ កម្លាំងនគរបាលក្រុងប៉ោយប៉ែតដឹកនាំកម្លាំងលោក អ៊ុំ សុផលអធិការស្រាវជ្រាវឃាត់ខ្លួនជនសង្ស័យចំនួន៧នាក់ក្នុងថ្ងៃតែមួយ រកឃើញមុខសញ្ញាងចែកចាយគ្រឿងញៀននិងដកហូតគ្រឿងញៀនប្រភេទមេតំហ្វេតាមីន ទឹកកកចំនួន៤ថងតូចៗផងដែរ។
ការប្រតិបត្តិការនេះធ្វើឡើងនៅថ្ងៃទី២០ ខែកញ្ញា ឆ្នាំ២០១៤ នៅក្នុងក្រុងប៉ោយប៉ែត ខេត្តបន្ទាយមានជ័យ។
លោក អ៊ុំ សុផល អធិការដ្ឋាននគរបាលក្រុងប៉ោយប៉ែតបានប្រាប់ឲ្យដឹងនៅថ្ងៃទី២១ ខែកញ្ញា ឆ្នាំ២០១៤នេះថា ជនសង្ស័យខាង លើ នេះ ត្រូវបានកម្លាំងនគរបាលស្រាវជ្រាវជាច្រើនថ្ងៃ ទើបឈានមកដល់ការឃាត់ខ្លួន បានសម្រេច ។ ជនសង្ស័យទាំង៧នាក់មាន៖ ទី១,ឈ្មោះ ទូច ឆៃឆន្នះ ភេទប្រុស អាយុ២៩ឆ្នាំ ទី២ ,ឈ្មោះគង់ សុខេង ភេទប្រុស អាយុ៤៦ឆ្នាំ សមត្ថកិច្ចបានដកហូតបានវត្ថុតាង ១គ្រឿង ម៉ាក់ហុងដាស្គុបពី ពណ៌ស គ្មានស្លាកលេខពីបទទទួលផលប្រយោជន៍ចោរកម្ម ។ ទី៣,ឈ្មោះយ៉ាវ ប៊ុនរត្ន័ ភេទប្រុស អាយុ២៣ឆ្នាំ ទី៤ ,ឈ្មោះសូ បូទុំ ភេទប្រុស អាយុ២៦ឆ្នាំ ទី៥, ឈ្មោះ លី ប៊ុនធឿន ភេទប្រុស អាយុ២៤ ឆ្នាំ ឃាត់ខ្លួនពីបទឆក់ ។ ទី៦, ឈ្មោះ លី ម៉េងគង់ ភេទប្រុស អាយុ២១ ចែកចាយគ្រឿងញៀន និងទី៧ សូត្រ វរះ ភេទប្រុស អាយុ២១ឆ្នាំ ប្រើប្រាស់គ្រឿងញៀន និងបានដកហូតគ្រឿងញៀនប្រភេទមេតំហ្វេតាមីន ទឹកកកចំនួន៤ថងតូចៗ ជនសង្ស័យទាំង៧នាក់នេះ មានលំនៅដ្ឋានក្រុងប៉ោយប៉ែត ។
ក្រោយពីខ្លួនជនសង្ស័យខាងលើនេះបានសារភាព ចំពោះមុខសមត្ថកិច្ចពួកខ្លួនពិតជាបានប្រព្រឹត្តករណីខាងលើនេះមែន។
បច្ចុប្បន្ន ត្រូវបានកម្លាំងនគរបាលសាងសំណំរឿងបញ្ជូនទៅស្នងការខេត្តបន្ទាយមានជ័យ ដើម្បីចាត់ការចំពោះមុខច្បាប់ ៕
