បាត់ដំបង ៖ លោក ម៉ៅ រង្សី ប្រធានការិយាល័យនគរបាលសេដ្ឋកិច្ចបាត់ដំបង បានដាក់កម្លាំងគ្រប់ច្រកល្ហកប្រមូលប្រាក់ពីបទល្មើសគ្រប់ប្រភេទក្នុងខេត្តបាត់ដំបងប្រៀបដូចកុងត្រូលជជុះ ។
ប្រភពអោយដឹងថា ប៉ុស្តិ៍ដាក់ចាំយកប្រាក់ពីបទល្មើសមាននៅផ្លូវជាតិ ៥៧ អាភូមិស្នឹង ឃុំស្នឹង ស្រុកបានណន់ និងនៅភូមិមេម៉ាយ ឃុំចែងមានជ័យស្រុកបាណន់ ។ ផ្លូវជាតិលេខ៥នៅជាមួយគយ ភូមិបឹងព្រីងឃុំបឹងព្រីងស្រុកថ្មគោល និងភូមិច្រាបវាល ឃុំអន្លង់វិ ស្រុកសង្កែ ។ នៅផ្លូវជាតិលេខ៥៧បេភូមិពង្រ ឃុំក្តុលតាហែន ស្រុកបវេល និងនៅស្រុកសំពៅលូន ជាដើម។
ក្រុមឈ្មួញបានអោយដឹងថា ពេលពួគគាត់ដឹកទំនិញឆ្លងកាត់កន្លែងប៉ុស្តិ៍ប្រចាំការរបស់នគរបាលខាងលើ ត្រូវក្រុមនគរបាលសេដ្ឋកិច្ចកាក់ស្ទាក់ទារប្រាក់ ដើម្បីប្រមូលយកអោយមេ (លោក ម៉ៅ រង្សី) បើមិនបានកាក់ទុក ។ ប្រសិនបើអីវ៉ាន់របស់ក្រុមនគរបាលវិញ មិនត្រឹមតែកាក់ទេ ត្រូវលោក មៅ់ រង្សី ជួយអន្តរាគមន៍និងបង្វិលដានសមត្ថកិច្ចជំនាញទៀត ។ ដូចជារថយន្តរបស់ចែឡាងដឹកអីវ៉ាន់គេចពន្ធ ដឹកពីតំបន់ច្រកព្រំដែនកម្ពុជាថៃ ចូលមកខេត្តបាត់ដំបង ថាជាអីវ៉ាន់ស្របច្បាប់ និងរថយន្តឈើប្រណិតរបស់លោក រស់ សារិទ្ធ ប្រធានការិយាល័យរបៀបនៃស្នងការរដ្ឋាននគរបាលខេត្តដឹកមកពីចំណុចអក្សរតេ ឆ្លងកាត់ស្រុកបាណន់ ចូលមកខេត្តបាត់ដំបង ដើម្បីលក់ឬធ្វើសិប្បកម្មផ្ទាល់ខ្លួនជួយថា ដឹកយកមកធ្វើផ្ទះ និងជួសជុលសាលាខេត្តជាដើម ។
ការប្រមូលប្រាក់ពីបទល្មើសពីឈ្មួញធំៗដូចជាកុងទ្រី ប៉ុលស៊ីនួន ចែឡាង ចែឆេង ពេជ្រវណ្ណា អាចអោយលោក ម៉ៅ រង្សី ធ្វើមានបានមិនបាច់រំពឹងប្រាក់ខែរដ្ឋឡើយ ៕
