0

​ឈ្មោះ (​ស្រីមុំ​) ឈ្មួញ​រកស៊ី​ឈើ​ដុះ​ស្លែដ៍​ល្បីល្បាញ​កំពុង​ធ្វើ​សកម្មភាព​ជំនួញ​ឈើ​គ្រឿង​និង​ឈើ​សិប្បកម្ម​គ្រឿង​ទ្វារ​.​បង្អួច ខុសច្បាប់​ចេញពី​ខេត្ត​ព្រះវិហារ ចូល​ខេត្តកំពង់ធំ​បាន​ដោយ​រលូន​…!

​ឈ្មោះ (​ស្រីមុំ​) ឈ្មួញ​រកស៊ី​ឈើ​ដុះ​ស្លែដ៍​ល្បីល្បាញ​កំពុង​ធ្វើ​សកម្មភាព​ជំនួញ​ឈើ​គ្រឿង​និង​ឈើ​សិប្បកម្ម​គ្រឿង​ទ្វារ​.​បង្អួច ខុសច្បាប់​ចេញពី​ខេត្ត​ព្រះវិហារ ចូល​ខេត្តកំពង់ធំ​បាន​ដោយ​រលូន​…!

ខេត្ត​ព្រះវិហារ ៖ ថ្មី​នេះ​ឈ្មួញ​រកស៊ី​ឈើ​ឈ្មោះ​(​ស្រីមុំ​)​និង​ឈ្មួញ​ដ៍​ទ​ទៃៗ​ជាច្រើន​នាក់​ទៀត​នៅតែ​អាច​ធ្វើ​សកម្មភាព​ដឹកជញ្ជូន​ផល​អនុផល​ព្រៃឈើ​តាម​មធ្យោបាយ​រថយន្ត​សាំ​យ៉ុង​ចេញពី​ខេត្ត​ព្រះវិហារ ចូល​ខេត្តកំពង់ធំ បាន​យ៉ាង​ពេញបន្ទុក​ក្នុងខណ​:​ប្រទេសជាតិ​កំពុង​ជួប​វិបត្ត​នៃ​ជំងឺ covid 19​ផង​។​

​មន្ត្រី​អង្គការ​ក្រៅ​រដ្ឋាភិបាល​ដែល​ឃ្លាំ​មើល​បទល្មើស​ព្រៃឈើ​ក្នុង​ខេត្ត​ព្រះវិហារ បាន​សម្តែង​សេចក្តី​ព្រួយបារម្ភ​ថា​ព្រៃឈើ​នៅ​ក្នុង​តំបន់​ព្រៃ​ព្រះ​រកា និង​តំបន់​ព្រៃ​ឡង់ ខេត្ត​ព្រះវិហារ ចៀស​មិន​ផុត​ពី​សេចក្តី​វិនាស​ហិនហោច​នោះទេ​។​

​មេ​ឈ្មួញ​ឈើ​ឈ្មោះ​(​ស្រីមុំ​)​បាននិងកំពុង​ឆ្លៀតឱកាស​បំផ្លាញ​ព្រៃឈើ​និង​ដឹកជញ្ជូន​យកទៅ​លក់​បាន​ទាំង​យប់​ទាំង​ថ្ងៃ​គ្មាន​ការរំខាន​ពី​មន្ត្រី​ជំនាញ​ពាក់ព័ន្ធ​សោះឡើយ​។​

​មហាជន​មាន​ការរិះគន់​ចំៗ​ថា មន្ត្រីរដ្ឋបាល​ព្រៃឈើ មន្ត្រី​បរិស្ថាន និង​សមត្ថកិច្ច​ពាក់ព័ន្ធ​ក្នុង​ខេត្ត​ព្រះវិហារ ចាត់ទុក​បទល្មើស​ព្រៃឈើ​ជា​ប្រភព​ចំណូល​របស់​ខ្លួន​ទើប​ឈ្មួញ​ឈ្មោះ​(​ស្រីមុំ​)​នឹង​ឈ្មួញ​ច្រើន​នាក់​ទៀត​អាច​ដឹក​ជញ្ជូន​ឈើ​ចេញ​ពី​ខេត្ត​ព្រះវិហារ ចូល​ខេត្តកំពង់ធំ បាន​យ៉ាង​រលូន​ដោយ​គ្មាន​ញញើត​អ្វី​ទាំងអស់​។​

​ប្រភព​ដែល​ស្និទ្ធ​នឹង​មេ​ឈ្មួញ​ឈ្មោះ​(​ស្រីមុំ​)​បាន​ខ្សឹប​ប្រាប់​អ្នកយកព័ត៌មាន​យើង​ឲ្យដឹងថា បច្ចុប្បន្ន​ឈ្មួញ​ម្នាក់​នេះ​នៅតែ​បន្ត​ធ្វើ​សកម្មភាព​ដឹកជញ្ជូន​ឈើ យ៉ាង​រលូន​ទាំងថ្ងៃទាំងយប់​គ្មាន​សមត្ថកិច្ច​ណា​ចាត់វិធានការ​ទប់ស្កាត់​ឡើយ​។

​ប្រភព​បាន​បន្ត​ឲ្យដឹង​ទៀតថា ក្នុងខណ​:​ដែល​ឈ្មួញ​ឈ្មោះ​(​ស្រីមុំ​)​អាច​ដឹក​ជញ្ជូន​ឈើ​ឆ្លងកាត់​ផ្លូវជាតិ​លេខ​៦២ ក្នុង​ស្រុក​រវៀង​ចូលទៅ​ខេត្ត​កំពង់ធំ​បាន​ដោយ​សុខ​ស្រួល​នោះ គឺ​មាន​ការបើក​ដៃ​ពី​សំណាក់​លោក​(​ស៊ុ​សុ​ី​វត្ថា​)​ហៅ​(​តា​វេន​តា​)​នាយ​ផ្នែក​រដ្ឋបាល​ព្រៃឈើ​រវៀង​(​ភ្នំ​ដែក​) ដែល​ល្បីល្បាញ​ខាង​បញ្ជា​ឲ្យ​កូនចៅ​ដាក់​កុងត្រូល​ដេក​រង់ចាំ​ប្រមូល​លុយ​ក្នុង​បរិបទ​(​បញ្ជាក់​)​ខាង​អំពើពុករលួយ ។ ចំណែក​លោក នួន​សុខុម​នាយ​ខណ្ឌ​រដ្ឋបាល​ព្រៃឈើ​ខេត្ត​ព្រះវិហារ កំពុង​សម្ងំ​រក្សា​ភាព​ស្ងៀមស្ងាត់​ផងដែរ មិន​ខ្វល់​នឹង​ការរិះគន់​ពី​មជ្ឈដ្ឋាន​ណា​ក៍​ដោយ​។​

​ប្រភព​ពី​សមត្ថកិច្ច​ពាក់ព័ន្ធ​នៅ​ក្នុង​ស្រុក​រវៀង​សុំ​មិន​បញ្ចេញ​ឈ្មោះ បានឲ្យដឹង​ទៀត​ថា​មួយ​រយៈពេល​ប៉ុន្មាន​ថ្ងៃ​កន្លង​ទៅនេះ​ឈ្មួញ​ឈេ​ី​ឈ្មោះ​(​ស្រីមុំ​) ដឹកជញ្ជូន​ឈើ​គ្រឿង​និង​សិប្បកម្ម គ្រឿង​ទ្វា​.​បង្អួច ខុសច្បាប់​
​ពី​ខេត្ត​ព្រះវិហារ ចូល​ខេត្តកំពង់ធំ បាន​យ៉ាង​សុខ​ស្រួល​មិន​រំខាន​ដល់​មន្ត្រី​រដ្ឋបាល​ព្រៃឈើ សមត្ថកិច្ច​អាវុធហត្ថ​និង​នគរបាល​ស្នាក់ការ​ប៉ុស្តិ៍​ត្រួតពិនិត្យ​តាម​បណ្តោយ​ផ្លូវជាតិ​លេខ​៦២​សោះ​។​

​ហេតុ​នេះ​ប្រជាពលរដ្ឋ​សូម​សំណូមពរ​ដល់​លោក ប្រាក់ សុវណ្ណ អភិបាល​នៃ​គណ​អភិបាលខេត្ត​និង​លោក កង សៅ​គុណ មេបញ្ជាការ​កងរាជអាវុធហត្ថ​ខេត្ត ព្រមទាំង​លោក សួស សុខ​ដា​រ៉ា ស្នងការ​នគរបាល​ខេត្ត សូម​លោក​មេត្តា​ចាត់​កម្លាំង​ចុះ​ពិនិត្យ​និង​ចាត់វិធានការ​បង្ក្រាប​មេ​ឈ្មួញ​ឈ្មោះ​(​ស្រីមុំ​)​នេះ​ផង​ទាន បេ​ី​មិន​ដូច្នោះ​ទេ​ប្រជា​ជា​ពលរដ្ឋ​និង​ដាក់បន្ទុក​លើ​ថ្នាក់ដឹកនាំ​ខេត្ត​ថា​កំពុង​រក្សារ​ភាព​ស្ងៀមស្ងាត់​រៀងៗ​ខ្លួន​ហើយ​បាន​ជា​មេ​ឈ្មួញ​ឈ្មោះ​(​ស្រីមុំ​)​អាច​ធ្វើ​សកម្មភាព​ដឹកជញ្ជូន​ឈើ​ពី​ខេត្ត​ព្រះវិហារ​ចូល​ខេត្តកំពង់ធំ​តាមតែ​អំពើ​ចិត្ត​មិន​ដែល​មាន​វិធានការ​បង្ក្រាប​សោះឡើយ​៕

Filed in: ព័ត៌មានជាតិ

Recent Posts

Bookmark and Promote!