បាត់ដំបង ៖ ឯកឧត្តមខាន់ម៉ាណេរ ទីប្រឹក្សាឧបនាយករដ្ឋមន្ត្រី ស ខេង និងជាប្រធានមន្ទីរសាធារណការណ៍សំណេះសំណាល ផ្តល់ថវិការ និងវត្ថុអនុស្សាវរីយ៍មួយចំនួន ដល់មន្ត្រីចូលនិវត្តន៍ចំនួន ៨៥ នាក់ នារដូវបុណ្យភ្ជុំបិណ្ឌ នារសៀលថ្ងៃទី១៩ ខែកញ្ញាឆ្នាំ២០១៤ នៅមន្ទីរសាធារណការណ៍និងដឹកជញ្ជូនខេត្តបាត់ដំបង។
ក្នុងឱកាសដ៏វិសេសវិសាលនេះ ឯកឧត្តម ខាន់ម៉ាណេរ ទីប្រឹក្សាឧបនាយករដ្ឋមន្ត្រីសខេង និងជាប្រធាន មន្ទីរសាធារណការណ៍ បានថ្លែងទៅកាន់មន្ត្រីចូលនិវត្តទាំងអស់ថា ដោយការយកចិត្តទុកដាក់ខ្លាំងរបស់ប្រមុខរាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជាបាន ខិតខំអស់ពីកម្លាំងចិត្តកាយដឹកនាំប្រទេស តាំងពីជួបការលំបាកគ្រប់បែបយ៉ាងនៃសង្គ្រាម និយាយរួមតាំងពីបាតដៃទទេ រហូតមានសន្តិភាព និងភាពសម្បូរសប្បាយរហូតដល់សព្វថ្ងៃនេះ គឺមានមនុស្សស្លាប់ជាច្រើននាក់ ។ ការលះបង់ដ៏ខ្ពង់ខ្ពស់របស់មនុស្សជំនាន់មុន បានបន្សល់ទុកស្នាដៃល្អៗជាច្រើនសំរាប់អ្នកជំនាន់ក្រោយយកគំរូនិងអភិវឌ្ឍន៍តាម។
ពិធីគោរពដឹងគុណរៀមច្បងចូលនិវត្តន៍នេះ គឺធ្វើរាល់ពេលមានបុណ្យទានប្រពៃណីខ្មែររាល់រដូវ និងផ្តោះផ្តងយោបល់បន្ថែមដល់អ្នកជំនាន់ក្រោយៗ អោយយល់ដឹងកាន់តែច្បាស់ពីបទពិសោធន៍អ្នកដឹកនាំ ដែលគិតគូរគ្រប់ជ្រុងជ្រោយទើបអនុវត្តន៍ ។ ដូច្នេះ១ជំនាន់ទៅ១ជំនាន់មនុស្សចេះដឹងតាមគ្នាជាបន្តបន្ទាប់
ក្នុងនាមជាថ្នាក់ដឹកនាំមន្ទីរ សូមគោរពបងៗដែលជាមន្ត្រីរាជការជំនាន់មុន ដែលបានចូលរួមអភិវឌ្ឍន៍ប្រទេសជាតិ អោយមានភាពសម្បូរសប្បាយដល់ថ្ងៃនេះ ដើម្បីជាការតបស្នងដឹងគុណ និងទទួលការគោរពពីប្អូនៗជំនាន់ ក្រោយសូមជូនថវិការម្នាក់៥ម៉ឺនរៀល និងកន្សែងពោះគោចំនួន១ម្នាក់ ទុកសំរាប់អោយធ្វើបុណ្យទានពេលភ្ជុំបិណ្ឌ ៕
