0

​សមត្ថកិច្ច​ឃាត់ខ្លួន លោក​ឌី រឿង ហៅ​ប្រុស​អតីត​អភិបាលរង​ស្រុក​វាលវែង​ ​ពី​បទ​ក្លែងបន្លំ​ឯកសារ​ដី​ទំហំ​១០៨​ហិកតា​

​សមត្ថកិច្ច​ឃាត់ខ្លួន លោក​ឌី រឿង ហៅ​ប្រុស​អតីត​អភិបាលរង​ស្រុក​វាលវែង​ ​ពី​បទ​ក្លែងបន្លំ​ឯកសារ​ដី​ទំហំ​១០៨​ហិកតា​

ខេត្ត​ពោធិ៍សាត់​%​សមត្ថកិច្ច​អាវុធហត្ថ​ខេត្ត​ពោធិ៍សាត់ បាន​អនុវត្តន៍​តាម​ដីការ សាលាដំបូង​ខេត្តពោធិ៍សាត់ លេខ​១៥ អ​.​ក​/២២ ចុះ​ថ្ងៃ​ទី​០៥ ខែ​មករា ឆ្នាំ​២០២២ ហើយ​ធ្វើ​ឃាត់ខ្លួន អតីត​អភិបាលរង​ស្រុក​វាលវែង ខេត្ត​ពោធិ៍សាត់ តាម​បណ្តឹង​ដែល​ឈ្មោះ អ៊ុក សា​រ៉ែ​ន ភេទ​ប្រុស អាយុ​៤២​ឆ្នាំ ប្តឹង​ពី​បទ​ក្លែងបន្លំ​ឯកសារ​សាធារណៈ​។​

​ជនសង្ស័យ​ត្រូវបាន​ឃាត់ខ្លួន នា​រសៀល ថ្ងៃទី​០៩ ខែ​មករា ឆ្នាំ​២០២២​កន្លងទៅ នៅ​ចំណុច​មូលដ្ឋាន​អាវុធហត្ថ​ស្រុក​វាលវែង ស្ថិតក្នុង​ភូមិប្រ​ម៉ោយ ឃុំ​ប្រ​ម៉ោយ ស្រុក​វាលវែង ខេត្ត​ពោធិ៍សាត់​។​ហើយ​បាន​បញ្ជូន​ទៅកាន់​សាលាដំបូង​ខេត្តពោធិ៍សាត់ ដើម្បី​បន្ត​នីតិវិធី កាលពី​ថ្ងៃ​ទី​១០ ខែ​មករា ឆ្នាំ​២០២២​ផងដែរ​។​

​ប្រភព​ពី​កម្លាំង​អាវុធហត្ថ​ខេត្ត​ពោធិ៍សាត់ បានឱ្យដឹងថា អតីត​អភិបាលរង​ស្រុក​វាល​វែង​រូបនេះ មានឈ្មោះ ឌី រឿង ហៅ​ប្រុស អាយុ​៣៩​ឆ្នាំ មាន​ទីលំនៅ​បច្ចុប្បន្ន​នៅ​ភូមិប្រ​ម៉ោយ ឃុំ​ប្រ​ម៉ោយ ស្រុក​វាលវែង ខេត្ត​ពោធិ៍សាត់ និង​ជា​មន្ត្រីរដ្ឋបាល​សាលាខេត្ត​ពោធិ៍សាត់​។
​ប្រភព​បន្តថា ក្រោយ​ធ្វើការ​ឃាត់ខ្លួន ដើម្បី​សួរនាំ នៅ​ការិយាល័យ​ជំនាញ នៃ​បញ្ជាការដ្ឋាន​អាវុធហត្ថ​ខេត្ត​ពោធិ៍សាត់ ។​

តាម​ចម្លើយ​ជនសង្ស័យ​ឈ្មោះ ឌី រឿង ហៅ​ប្រុស បាន​សារភាព​ថា ខ្លួន​ពិតជា​បាន​ក្លែងបន្លំ​ឯកសារ​សាធារណៈ ដោយ​ចុះ​ហត្ថលេខា​លើ​គំនូស​ប្លង់ បង្ហាញ​ទីតាំង​ដី​ទំហំ​១០៨​ហិកតា នៅ​ចំណុច​អូរ​សួស្តី ភូមិ​ឯកភាព ឃុំ​ថ្មដា ស្រុក​វាលវែង ចុះ​ថ្ងៃ​ទី​១០ ខែ​កុម្ភៈ ឆ្នាំ​២០១៥ ប្រគល់ឱ្យ​ឈ្មោះ អ៊ុក សា​រ៉ែ​ន កាន់កាប់​ពិតប្រាកដ​មែន​។ យ៉ាងណាមិញ ជនសង្ស័យ​ក៏​នៅ​មាន​ជាប់​ពាក់ព័ន្ធ ករណី​ប្រើប្រាស់​ស្លាក​លេខ (​ខ​.​ភ​.​ម​) សម្គាល់​យានជំនិះ​ក្លែងក្លាយ ប្រើប្រាស់​ដោយ​គ្មាន​សិទ្ធិ នូវ​យានយន្ត ពណ៌​ត្រេអ៊ី ខ​.​ភ​.​ម និង​ករណី​ប្រើប្រាស់​យានយន្ត​ចង្កូត​ស្តាំ មិនបាន​បំពេញ​កាតព្វកិច្ច​ពន្ធ និង​អាករ​បញ្ញត្តិ ស្តីពី​ច្បាប់​គយ​រដ្ឋាករ​ផងដែរ​។​

Filed in: ព័ត៌មានជាតិ

Recent Posts

Bookmark and Promote!