ប៉ោយប៉ែត ៖ អាជីវករនិងអ្នកបើកបររថយន្ត ធ្វើការតវ៉ានិង ជាមួយយោធាថៃ រឹតបណ្តឹងចំពោះរថយន្តភាគីកម្ពុជា ចូលទៅកាន់ប្រទេសថៃរកដំណោះដោះស្រាយនៅវេលាម៉ោង១០និង៤០នាទីព្រឹកថ្ងៃទី១៨ ខែកញ្ញាឆ្នាំ២០១៤ច្រកទ្វារអន្តរជាតិប៉ោយប៉ែត ទាមទារឲ្យអាជ្ញាធរថៃបើកទូលាយក្នុងការនាំទំនិញចូលប្រទេសថៃ។
ហេតុការណ៍នេះបានរារាំង រថយន្តដឹកហ្គាស របស់អាជីវករខ្មែរចំនួន៣គ្រឿង មិនឱ្យចូលទៅដឹកហ្គានៅក្នុងទឹកដីរបស់គេ ធ្វើឱ្យអាជីវករទាំងនោះ ខឹងសម្បារយករថយន្តរបស់ពួកគេ៣គ្រឿង បិទច្រកអន្តរជាតិប៉ោយប៉ែត មិនឱ្យមានអ្នកណាឆ្លងកាត់ ។
ក្រុមអាជីវករនិងអ្នកដឹកទំនិញចូលទៅលក់នៅប្រទេសថៃ ដូចជាហ្គាសជាដើមបាននាំគ្នាដាក់រថយន្តបិទផ្លូវនៅចំណុចក្លោងទ្វារប្រាសាទកំពូល៣ ក្នុងទឹកដីកម្ពុជា ដោយក្រុមអាជីវករនិងអ្នកនាំទំនិញទាំងនោះខឹងសម្បារនឹងអាជ្ញាធរថៃដែលរឹតបន្តឹងមិនឲ្យទំនិញទាំងនោះចូលក្នុងទឹកដីថៃ ហួសពីផ្សាររុងក្លឿនោះឡើយ។
ភ្លាមនោះដែរ អាជ្ញាធរថៃ បានសំណូមពរ ឱ្យអាជីវករខ្មែរទាំងនោះ ដករថយន្តដឹកហ្គាស ចេញពីច្រកអន្តរជាតិ ប៉ោយប៉ែត ដើម្បីធ្វើការសម្របសម្រួល ហើយក្រុម អាជីវករទាំងនោះ ក៏បានយល់ព្រមបើក ច្រកព្រំដែន ឡើងវិញហើយ ដើម្បីចូលចរចារជាមួយភាគីថៃ។
ភាគីថៃបាននិយាយថា ការអនុញ្ញាត ឱ្យរថយន្ត ដឹកហ្គាសចូលនេះ ត្រូវធ្វើឡើងត្រឹមតែ ១សប្តាហ៍ម្តងប៉ុណ្ណោះ ចំពោះរថយន្តអាជីវករលក់វិញអាចចេញចូលបានរាល់ថ្ងៃ ។ ប៉ុន្តែក្រុមអាជីវករទាំងនោះ បាននិយាយថា ថៃបានសន្យារជាមួយពួកគេថា នឹងបើកច្រកឱ្យចូលដឹកជារាល់ថ្ងៃវិញ ដូចកាលពីមុនវិញ។
បើតាមប្រភពបានឲ្យដឹងថា ជាច្រើនឆ្នាំកន្លងមកពួកគាត់តែងតែនាំទំនិញចេញចូល ឆ្លងហួសទៅដល់ផ្សារឆ្ងាយៗ រហូតទៅដល់ទីរួមខេត្តស្រះកែវ ចាប់ពីផ្សាររោងក្លឿ ដើម្បីចូលទៅទិញ ឬលក់ទំនិញ។ ក៏ប៉ុន្តែក្រោយពីមានការរឹតបន្តឹងពីសំណាលយោធាថៃ ពួកគាត់ពិបាកនាំទំនិញចេញចូល ជាខ្លាំងទើបនាំគ្នាធ្វើការតវ៉ាឲ្យអាជ្ញាធរថៃបើកទូលាយការលក់ដូរទំនិញឡើងវិញ។
សូមបញ្ជាក់ថា នៅវេលាម៉ោង១២ថ្ងៃត្រង់ដដែលនេះ ក្រុមសមត្ថកិច្ចទំនាក់ទំនងព្រំដែនកម្ពុជា-ថៃ បានសម្របសម្រួលជាមួយក្រុមអ្នកតវ៉ាបានសម្រេច និងបើកចរាចរណ៍វិញ ។ ភ្លាមនោះ ក្រុមអ្នកតវ៉ាបានយល់ព្រម និងទៅរកតុចចានៅសាលាក្រុងប៉ោយប៉ែត ដើម្បីរកដំណោះដំស្រាយផងដែរ។
ក្រោយពីក្រុមអ្នកតវ៉ាបាននាំគ្នាទៅរកដំណោះដំស្រាយ នៅសាលាក្រុងប៉ោយប៉ែត ដោយមានការសម្របសម្រួលលោក ង៉ោ ម៉េងជ្រួន អភិបាលក្រុង លោកវរសេនីយ៍ត្រី អ៊ុំ សុផល អធិការដ្ឋាននគរបាលក្រុង លោកវរសេនីយ៍ឯក ជា ជា មេបញ្ជាការអ ហក្រុង និងមន្ត្រីពាក់ព័ន្ធគ្រប់ស្ថាប័នជាច្រើននាក់ផងដែរ ។
ក្នុងនោះដែរ លោក ង៉ោ ម៉េងជ្រួនអភិបាលក្រុងប៉ោយប៉ែត បានលើកឡើងថា ការនាំគ្នាមកបិទច្រកទ្វារអន្តរជាតិបែបនេះ តើមានផលប្រយោជន៍អ្វីខ្លះ កុំចេះតែមានបុគ្គល២នាក់ទៅ៣នាក់ដែរជា នាំគ្នាធ្វើការបិតផ្លូវ ឬធ្វើកូដកម្ម ដើម្បីជាប្រយោជន៍ផ្ទាល់ខ្លួនតែប៉ុណ្តោះ ។ លោកបានបន្តថា ប្រសិនមានបញ្ហាអ្វីត្រូវនាំគ្នាមកពិភាក្សាគ្នាជាមួយនឹងអាជ្ញាធរ មានសមត្ថកិច្ច ដើម្បីងាយស្រួលក្នុងការចរចា ជាមួយគ្នា បើគិតតែចង់ធ្វើបែបនេះ តើមានយោជន៍អ្វីចំពោះពួកយើង បើគិតតែធ្វើកូដកម្ម បិទច្រកទ្វារ ព្រោះប្រទេសទាំង២បានចុះហត្ថលេខាយោគយល់គ្នាមិនធ្វើអ្វីប្រទេសទាំង ២ត្រូវរាយការណ៍ប្រាប់គ្នា ទៅវិញទៅមក ដើម្បីងាយស្រួលការទំនាក់ទំនងរវាងប្រទេស។
លោកអភិបាលបានបញ្ជាក់ថា ទោះបីជាយ៉ាងណាលោក និងរកការដំណោះដំស្រាយជូន និងធ្វើរបាយការណ៍ប្រាប់ថ្នាក់លើ តើរកដំណោះដោះស្រាយរបៀបណា ប្រសិនជាយ៉ាងណាលោកនិងធ្វើសេចក្តីប្រកាស់ជូនប្រជាពលរដ្ឋឲ្យបានទទួលព័ត៌មាន។
កិច្ចចរចារបានធ្វើឡើងអស់រយះពេលជិតមួយម៉ោង ទើបឈានមកដល់ការសម្រេចទាំងសងខាង យល់ព្រម ហើយប្រជាពលរដ្ឋក៏បាននាំគ្នាទៅកាន់គេហដ្ឋានរៀងៗខ្លួនវិញទាំងអស់ និងគ្មានអ្វីបង្កអោយខូចខាតអ្វីនោះដែរ ៕
