ខេត្តបន្ទាយមានជ័យ ៖ ថ្មីនេះ រាជរដ្ឋាភិបាលបានចេញសារាចរណ៍ កាត់បន្ថយនគរបាលចរាចរណ៍នៅតាមដងផ្លូវជាតិគ្រប់ខេត្ត ឆ្លៀតឱកាសនេះមានរថយន្តជាច្រើនមិនគោរពច្បាប់ចរាចរណ៍ផ្លូវគោក នៅវេលាម៉ោង៩និង៣០នាទីព្រឹក ថ្ងៃទី១៤ ខែមីនា ឆ្នា២០១៧ នៅចំណុចផ្លូវបែកជា៤ស្ថិតក្នុងភូមិ៣ សង្កាត់ព្រះពន្លា ក្រុងសិរិសោភ័ណ ខេត្តបន្ទាយមានជ័យ មានរថយន្តដឹកគ្រឿងចក្រក្រុមហ៊ុន យឿម គងដឹកគ្រឿងចក្រប្រភេទអេស្កាដ៏ធុនធំមួយគ្រឿងខ្ពស់ហួសប្រមាណ ធ្វើឲ្យទាក់នឹងបណ្តាញខ្សែអ៊ិនធើណិតឆ្លងកាត់ ផ្លូវជាតិលេខ៥ ក្នុងទីរួមខេត្តបន្ទាយមានជ័យ បណ្តាលឱ្យដាច់ខ្សែអ៊ិនធើណិត និងបាក់បង្គោលថ្មបណ្តាញអ៊ិនធើណិត២បង្គោលរាយប៉ាយពេញថ្នល់ជាតិជាហេតុនាំឱ្យដាច់បណ្តាញអ៊ិនធើណិតស្ទើរអស់មួយចំហៀងក្រុងសិរីសោភ័ណនិងបង្កឲ្យស្ទះចរារណ៍ជិតមួយម៉ោងថែមទៀតផង។
លោកវរៈសេនីយ៍ត្រី ភឿក ព្រហ្ម មេបញ្ជការមូលដ្ឋានកងរាជអាវុធហត្ថស្តីទីក្រុងសិរីសោភ័ណបានឲ្យដឹងថានៅមុនពេលកើតហេតុនោះមានរថយន្តដឹកអេស្កាខ្ពស់ហួសប្រមាណរបស់ក្រុមហ៊ុនយឿម គង់ធ្វើដំណើរពីត្បូងមកជើងលុះបើកហួសរង្វង់មូលស្រីគ្រប់ល័ក្ខណប្រហែល២០០ម៉ែត្រដោយសារអេស្កាខ្ពស់ពេកហើយម្ចាស់មិនបានប្រុងប្រយ័ត្នអំពីខ្សែកាត់តាមផ្លូវជាតិបណ្តាលឲ្យអេសស្កាទៅទាក់និងខ្សែបណ្តាញអ៊ិនធើណិតដាច់រាយពេញថ្នល់ជាតិធ្វើឲ្យប្រជាពលរដ្ឋធ្វើដំណើរតាមផ្លូវមានការភិតភ័យស្លន់ស្លោខ្លាចខ្សែភ្លើងឆក់ស្លាប់បញ្ហាខាងលើនេះ មិនបានបង្កឲ្យមនុស្សណាម្នាក់ទទួលរងគ្រោះថ្នាក់នោះទេ ។
លោកភឿកព្រហ្មបានបញ្ជាក់ទៀតថាក្រោយពីកើតហេតុរួចបង្គោលថ្ម និងខ្សែបណ្តាញអ៊ិនធើណិត រងការដាច់និងដួលរលំ ត្រូវបានអាជ្ញាធរក្រុងសិរីសោភ័ណ ប្រាប់ឱ្យដឹងថា ជារបស់ក្រុមហ៊ុនកាំមីតែល និងរបស់មន្ទីរប្រៃសេនីយ៍និងទូរគមនាគមន៍
ការដឹកអេស្កាធុនធំខ្ពស់ពេកធ្វើប៉ះពាល់សណ្តាប់ធ្នាប់សាធារណៈ របស់ក្រុមហ៊ុនយឿម គង់ គេមិនទាន់ដឹងច្បាស់ថា ក្រុមហ៊ុននោះត្រូវសងថ្លៃខូចខាតបង្គោល និងខ្សែបណ្តាញអ៊ិនធើណិតប៉ុ ន្មាននៅឡើងទេ ។
លោក យឿម គង់ ដែលជាថៅកែគ្រឿងចក្របានអះអាងឲ្យដឹងថា ខាងក្រុមហ៊ុនមិនបានតម្រូវឱឲ្យសងថ្លៃខូចខាតនោះទេ គឺគ្រាន់តែខាងភាគីក្រុមហ៊ុនអ៊ិនធើណិតឲ្យក្រុមហ៊ុនលោកសងដាក់បង្គោលដែលដួលរលំឡើងវិញប៉ុណ្ណោះ ។
បញ្ហាបង្កឲ្យប៉ះពាល់សណ្តាប់ធ្នាប់សាធារណៈបែបនោះ ពីសំណាក់ការដឹកគ្រឿងចក្រក្រុមហ៊ុនយឿម គង់ មិនត្រូវបានសមត្ថកិច្ច និងអាជ្ញាធរដែនដី ហៅម្ចាស់ក្រុមហ៊ុនមកព្រមាននិងធ្វើអប់រំនោះឡើយ តែគេឃើញម្ចាស់ក្រុមហ៊ុនឈ្មោះ យឿម គង់ មកដល់កន្លែងកើតហេតុជេរកូនចៅអ្នកបើករថយន្តមានកំហុសបន្តិចបន្តួច រួចហើយឲ្យរថយន្តបង្កបើកទៅបាត់ ហាក់បីដូចជាគ្មានញញើតអ្វីបន្តិចនោះឡើយ ។
ប្រជាពលរដ្ឋនៅកន្លែងកើតហេតុ នាំគ្នានិយាយថា គេសង្ស័យក្រុមហ៊ុនយឿមគង់នោះ អ្នកធំមានអំណាចនៅពីក្រោយខ្នងទើបគ្មានសមិត្ថកិច្ចណាចេញមកសួនាំបើសិនប្រជាពលរដ្ឋតូចតាចគ្មានខ្នងបង្អែកប្រព្រឹត្តកំហុសបែបនោះ មិនដឹងមានទោសដល់កំរិតណានោះទេ ។
សូមបញ្ជាក់ថា ក្រុមហ៊ុន យឿម គង់ សព្វថ្ងៃនេះមានសិទ្ធិផ្តាច់មុខស្របច្បាប់កំពុងធ្វើអាជីវកម្មកាយ និងបំផ្ទុះថ្មភ្នំបុរាណមួយឈ្មោះ ភ្នំរូង ដែលស្ថិតក្នុងឃុំបឹងបេង ស្រុកម៉ាឡៃ ខេត្តបន្ទាយមានជ័យ។អាជីវកម្មថ្មភ្នំនោះ ត្រូវបានប្រជាពលរដ្ឋប្រាប់ឲ្យដឹងថា បង្កឲ្យប៉ះពាល់ បរិស្ថាន ដោយហ៊ុយបំណែកកំទេចថ្ម លើលំនៅឋានប្រជាពលរដ្ឋរស់នៅក្បែរជើងភ្នំដែលមានប្រមាណ៤០គ្រួសារ និងបង្កឲ្យប្រជាពលរដ្ឋភ័យស្លន់ស្លោនៅពេលក្រុមហ៊ុនប្រើប្រាស់រំសេវបំផ្ទុះថ្ម ភ្នំម្តងលាន់កក្រើកដូចគ្រាប់បែកទម្លាក់ពីលើយន្តហោះជាដើមនោះ។
ភ្នំរូង នោះដែរ ត្រូវបានប្រជាពលរដ្ឋដែលជាអតីតខ្មែរក្រហមប្រាបឲ្យដឹងទៀតថា កាលពីសម័យសង្គ្រាមអតីតជាភ្នំ យុទ្ធសាស្ត្រសង្គ្រាមដាក់កាំភ្លើងធំរបស់កងទ័ពខ្មែរក្រហម និងជាទីតាំងយុទ្ធសាស្ត្រសម្រាប់ការពារព្រំដែនកម្ពុជាផងដែរ ។ ប៉ុន្តែភ្នំរូងមួយនេះ បានរងការជីកកកាយ និងបំផ្ទុះយកថ្មធ្វើអាជីវកម្មពីសំណាក់ក្រុមហ៊ុនយឿម គង់ ស្ទើរវិនាសអស់ទៅហើយ។
ភ្នំនេះ តាមការប៉ាន់ប្រមាណរបស់ប្រជាពលរដ្ឋឲ្យដឹងថា យ៉ាងហោច៥ឆ្នាំខាងមុខទៀត នឹងបាត់ចេញពីផែនទីប្រទេសកម្ពុជានោះហើយ ៕
