ភ្នំពេញ ៖ នៅថ្ងៃទី ១៣ ខែ មិនា ឆ្នាំ២០១៧ កម្លាំងនគរបាលខណ្ឌឬស្សីកែវបង្ក្រាបករណីគ្រឿងញៀន៤ករណីផ្ទួនៗ និងទូហ្គេមបាញ់ត្រីចំនួន១គ្រឿងក្នុងមួយថ្ងៃ ។
ប្រភពពីមន្ត្រីនគរបាលខណ្ឌឬស្សីកែវបានឲ្យដឹងថាការបង្ក្រាបបទល្មើសគ្រឿងញៀន៤ករណីផ្ទួនៗមាន៖ ករណីទី១៖នៅវេលាម៉ោង១៣និង២០នាទីថ្ងៃទី១៣ ខែ មិនា ឆ្នាំ២០១៧ ក្រោយពីបើកកាស្រាវជ្រាវ កំលាំងជំនាញគ្រឿងញៀន ខណ្ឌ – ប៉ុសិ៍្ត បានចុះធ្វើការបង្ក្រាបជាក់ស្តែង ករណីរក្សាទុកដោយខុសច្បាប់ ត្រង់ចំណុចក្រុមទី៧ ភូមិលូ សង្កាត់ស្វាយប៉ាក បាន ឃាត់ខ្លួនបុរសសង្ស័យបានម្នាក់ឈ្មោះវិត ឈាងលី អាយុ២៤ ឆ្នាំ ជនជាតិខ្មែរ មានទីលំនៅ ភូមិពាម ឃុំសម្បូរមាស ស្រុកមុខកំពូល មុខរបរ កម្មករសំណង់។
សំភារៈដកហូត រួមមាន ម្ស៉ៅក្រាមពណ៌សថ្លាមានតំរុយគ្រឿងញៀនចំនួន០២កញ្ចប់ ។
ករណីទី២ ៖ នៅវេលាម៉ោង១៣:០០នាទី នៅ ថ្ងៃទី១៣ ខែមិនា ឆ្នាំ២០១៧ ដដែល ក្រោយពីបើកកាស្រាវជ្រាវ កំលាំងជំនាញគ្រឿងញៀន ខណ្ឌ – ប៉ុសិ៍្ត បានចុះធ្វើការបង្ក្រាបជាក់ស្តែងក រណីប្រើប្រាស់ដោយខុសច្បាប់ នូវសារធាតុញៀន ត្រង់ចំណុចក្រុមទី៤ ភូមិឡកំបោរ សង្កាត់ស្វាយប៉ាក ឃាត់ខ្លួនយុវជនសង្ស័យម្នាក់ឈ្មោះឆន សុធា អាយុ១៨ ឆ្នាំ ជនជាតិខ្មែរ មានទីលំនៅ ស្នាក់នៅភូមិសំរោត្បូង សង្កាត់សំរោង ខណ្ឌព្តែកព្នៅ មុខរបរ កម្មករស្រះត្រី ។ សំភារៈដកហូត ៖ ម្ស៉ៅក្រាមពណ៌សថ្លាមានតំរុយគ្រឿងញៀនចំនួន០១កញ្ចប់ ។
ករណីទី៣៖វេលាម៉ោង១៥និង៣០នាទី គឺនៅថ្ងៃទី១៣ មិនា ឆ្នាំ២០១៧ ក្រោយពីបានបើកការស្រាវជ្រាវរួច កំលាំងជំនាញផ្នែកគ្រឿងញៀនខណ្ឌ ប៉ុសិ៍្ត បានបើកកិច្ចប្រតិបត្តិការបង្ក្រាបជាក់ស្តែងករណីជួញដូរដោយខុសច្បាប់នូវសារធាតុញៀន ស្ថិតនៅចំណុចបន្ទប់ជួលលេខ ផ្លូវបេតុង ក្រុមទី៧ ភូមិលូ សង្កាត់ស្វាយប៉ាក ។ ឃាត់ខ្លួនបុរសសង្ស័យចំនួន០១នាក់ឈ្មោះ ប៉ែន ស៊ីថា អាយុ៣៨ឆ្នាំ(ជួញដូរ) ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលគ្មានលេខ ក្រុមទី៧ ភូមិលូ សង្កាត់ស្វាយប៉ាក។
សំភារៈដកហូតរួមមាន ១.ក្រាមពណ៌សថ្លាចំនួន០៩កញ្ចប់តូច។ ២.ថង់ប្លាស្ទិចសំរាប់ច្រកគ្រឿងញៀនមួយចំនួន។ ៣.ឧបករណ៍ប្រើប្រាស់គ្រឿងញៀនមួយចំនួន។
ចំពោះមុខ កំលាំងអធិការដ្ឋាន កំពុងសាកសួរយកចម្លើយនឹងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី ។
ករណីទី៤ ៖ វេលាម៉ោង២១និង៣០នាទីនៅថ្ងៃទី១៣ មិនា ឆ្នាំ២០១៧ ក្រោយពីបានបើកការស្រាវជ្រាវរួច កំលាំងជំនាញផ្នែកគ្រឿងញៀនខណ្ឌ ប៉ុសិ៍្ត បានបើកកិច្ចប្រតិបត្តិការបង្ក្រាបជាក់ស្តែងករណីជួញដូរដោយខុសច្បាប់នូវសារធាតុញៀនដែលលួចលាក់ក្នុងទីតាំងហ្គេមបាញ់ត្រី ស្ថិតនៅចំណុចបន្ទប់ជួលគ្មានលេខ ផ្លូវរថភ្លើង ក្រុមទី៨ ភូមិចុងខ្សាច់ សង្កាត់ទួលសង្កែ ។
លទ្ធផលនៃកិច្ចប្រតិបត្តិការ សមត្ថកិច្ចយើងបានធ្វើការឃាត់ខ្លួនបុរសសង្ស័យម្នាក់ឈ្មោះ លាង វីរ៉ា ហៅថាវ អាយុ២៨ឆ្នាំ(ជួញដូរ) ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលគ្មានលេខ ក្រុមទី៨ ភូមិចុងខ្សាច់ សង្កាត់ទួលសង្កែ។ សំភារៈដកហូតរួមមាន÷១.ក្រាមពណ៌សថ្លាចំនួន៣៧កញ្ចប់ ធំ០១កញ្ចប់។ ២.ទូហ្គេមបាញ់ត្រីចំនួន០១គ្រឿង។
បច្ចុប្បន្នជនសង្ស័យទាង ៤ នាក់់ និងវត្ថុតាងសមត្ថកិច្ចនគរបាលកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី ៕
