ខេត្តឧត្តរមានជ័យ៖ គោយន្តកន្ត្រៃបើកបត់ឆ្វេងដៃមិនមើលម៉ូតូមកពីមុខបុកឲ្យរបួសធ្ងន់ (ច្រាសទិសគ្នា) នៅវេលាម៉ោង១១ព្រឹក ថ្ងៃទី១៤ ខែមីនា ឆ្នាំ២០១៧ នៅចំណុចអក្សរT ផ្លូវជាតិ68 ស្ថិតក្នុងភូមិគីរីវន្ត សង្កាត់កូនគ្រៀល។
នគរបាលបានឲ្យដឹងថា ករណីគ្រោះថ្នាក់ចរាចរណ៍ បង្កឡើងដោយអ្នកបើកបរគោយន្តកន្ត្រៃ ឈ្មោះ សួន ដេត ភេទប្រុស អាយុ១៦ឆ្នាំ រស់នៅភូមិកូនក្រៀល សង្កាត់កូនក្រៀល ។ ចំណែកឯអ្នកបើកបរម៉ូតូ ឈ្មោះ ហេង ផល ភេទប្រុស អាយុ ៦៦ឆ្នាំ រស់នៅភូមិកូនគ្រៀល សង្កាត់កូនគ្រៀល រងរបួសធ្ងន់ បាក់ជើងឆ្វេង (គ្មានពាក់មួកសុវត្ថិភាព) ។
ក្រោយកើតហេតុ កម្លាំងប៉ុស្តិ៍ បានចុះទៅដល់ទីកន្លែងកើតហេតុ ធ្វើការវាស់វែង និងបានហៅរថយន្តសង្គ្រោះយកជនរងគ្រោះទៅមន្ទីរពេទ្យខេត្ត ។ មូលហេតុ៖ អ្នកបើកបរគោយន្តកន្ត្រៃ បានបើកបត់ឆ្វេង ខណៈភាគីម៉ូតូបើកពីជើងទៅត្បូង។
ចំណែកឯវត្ថុតាង យកមករក្សាទុកនៅអធិការដ្ឋាន រង់ចាំការសម្របសម្រួលបញ្ចប់រវាងភាគីទាំង២នាក់ ៕
