បាត់ដំបង ៖ លោក ហ៊ុន ម៉ាណែត នាយរងសេនាធិការចម្រុះនិងជាអគ្គមេបញ្ជាការរងកងទ័ពជើងគោក បាននាំអំណោយជាគ្រឿងឧបភោគបរិភោគភេសជ្ជៈ ជាច្រើនមុខពីអង្គភាពសម្ព័ន្ធមេត្រីភាព និងអំណោយរបស់សម្តេចតេជោ ហ៊ុន សែន នាយករដ្ឋមន្ត្រីជូនយោធាកងពលតូចលេខ ៥៣ ឈរជើងការពារព្រំដែន និងសួរសុខទុក្ខកងទ័ពឈរជើងការពារក្រវ៉ាត់ព្រំដែនជាប់និងប្រទេសថៃ និងសម្រាប់បុណ្យភ្ជុំបិណ្ឌខាងមុខនេះ ។
ពិធីនេះ បានប្រព្រឹត្តធ្វើឡើងកាលពីព្រឹកថ្ងៃទី១៣ ខែកញ្ញា ឆ្នាំ២០១៤ នៅទីបញ្ជាការ
កងពលតូចថ្មើរជើងលេខ៥៣ក្រោយអធិបតីភាព លោក ហ៊ុន ម៉ាណែត នាយរងសេនាធិការចម្រុះនិងជាអគ្គមេបញ្ជាការរងកងទ័ពជើងគោកនិងលោក វង្សប៊ុនឥន្ទ្រាវុធអគ្គនាយកនៃអគ្គនាយកដ្ឋានរតនាគារជាតិដែលជា អង្គភាពសម្ព័ន្ធមេត្រីភាពព្រមទាំងប្រតិភូអមដំណើរជាច្រើននាក់ទៀត ។
លោកឧត្តមសេនីយ៍ទោ ជា ភួងភិរម្យ មេបញ្ជាការកងពលតូចថ្មើងជើងលេខ ៥៣ មានប្រសាសន៍ថា អង្គភាពសម្ព័ន្ធមេត្រីភាព របស់អគ្គនាយកដ្ឋានរតនាគារជាតិជាមួយកងពលតូចថ្មើងជើងលេខ ៥៣ បានចាប់ពីឆ្នាំ២០០៥ រហូតមកដល់ពេលនេះ មានរយៈពេលជិត១០ឆ្នាំមក ហើយតាំងពីលោក ងិន ឃន ជាអគ្គនាយកបានជួយឧបត្ថម្ភនូវ រាល់សំណូមពររបស់កងពលតូចលេខ ៥៣ ដូចជាជួយសាងសង់អាគារបាន ៦ ខ្នង សាងសង់លេណដ្ឋានរឹងមាំពីបេតុង ចំនួន ៥ កន្លែង ព្រមទាំងសមិទ្ធផលជាច្រើនផ្សេងទៀត។
លោក វង្ស ប៊ុនឥន្ទ្រាវុធ ជាអគ្គនាយកនៃអគ្គនាយកដ្ឋានរតនាគារជាតិ បានមានប្រសាសន៏បញ្ជាក់ថា អគ្គនាយកដ្ឋានរតនាគារជាតិបានចងសម្ព័ន្ធមេត្រីភាពជាមួយកងពលតូច ថ្មើរជើង លេខ ៥៣ ចំណុះឲ្យភូមិភាគទី ៥ ចាប់ពីថ្ងៃទី១ ខែធ្នូ ឆ្នាំ២០០៥ ។ បច្ចុប្បន្ននេះ អគ្គនាយកដ្ឋានរតនាគារជាតិ នៅតែរក្សាទំនាក់ទំនងល្អជាមួយកងពលតូចលេខ ៥៣ ហើយបានចុះសាកសួរសុខទុក្ខដល់នាយនាយរង និងពលទាហ៊ានដល់មូលដ្ឋាន និងនាំយកសម្ភារៈគ្រឿងឧបភោគ បរិភោគ សម្ភារៈប្រើប្រាស់ និងថវិកាមួយចំនួន របស់អគ្គនាយកដ្ឋានរតនាគារជាតិដើម្បីឧបត្ថម្ភដល់កងពលតូចលេខ៥៣និង គ្រួសារកងទ័ព ។
នៅក្នុងឱកាសនោះដែរ លោកឧត្តមសេនីយ៍ឯក ហ៊ុន ម៉ាណែត នាយរងសេនាធិការចម្រុះ និងជាអគ្គមេបញ្ជាការរងកងទ័ពជើងគោក បានពាំនាំនូវការផ្តាំផ្ញើរ ការសួរសុខ ទុក្ខពីសម្តេចអគ្គមហាសេនាបតីតេជោ ហ៊ុន សែន និងសម្តេចកតិព្រឹទ្ធបណ្ឌិត ប៊ុន រ៉ានី ហ៊ុន សែន ក៍ដូច ជាថ្នាក់ដឹកនាំក្រសួងការពារជាតិ អគ្គបញ្ជាការកងទ័ពជើងគោកដល់នាយ នាយរងនិងពល ទាហ៊ានកងពលតូចថ្មើរជើងលេខ៥៣ និងក្រុមគ្រួសារកងទ័ពទាំងអស់ ព្រមទាំងបន់ស្រន់សុំឲ្យទេវតានិងវត្ថុស័ក្តិសិទ្ធិជួយប្រសិទ្ធិ ពរជ័យ សូមឲ្យជួបប្រទះតែសេចក្តីសុខចម្រុងចម្រើន មានអាយុយឺនយួរតរៀងទៅ ។ លោក ហ៊ុន ម៉ាណែត បានបន្ថែមថាអំណោយគ្រឿងឧបភោគបរិភោគ និងសម្ភារៈប្រើប្រាស់ទាំងនេះ គឺជាអំណោយរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី
និងលោកជំទាវ ប៊ុន រ៉ានី គតិព្រឹទ្ធបណ្ឌិតផ្ដល់ជូន សម្រាប់ប្រើប្រាស់ក្នុងឱកាសបុណ្យ ភ្ជុំបិណ្ឌនាពេលខាងមុខនេះ ។
លោក ហ៊ុន ម៉ាណែត បានសម្ដែងការកោតសរសើរចំពោះ លោកមេបញ្ជាការមេបញ្ជាការង និងពលទាហ៊ានរបស់កងពលតូចថ្មើងជើងលេខ៥៣ទាំងអស់ ដែលបានលះបង់សាច់ស្រស់ឈាមស្រស់ក្នុងការការពារមាតុភូមិការពារបូរ ភាពទឹកដីមិនឲ្យខ្មាំងសត្រូវចូលយាយីឈ្លានពានបានឡើយ ។ មិនតែប៉ុណ្ណោះ ថែមទាំងធ្វើការអភិវឌ្ឍន៍ក្នុងកងពលតូចលេខ ៥៣ សម្រេចបានសមិទ្ធផលជាច្រើនគួរជាទីមោទនភាពផងដែរ ។
ចុងក្រោយ ប្រតិភូអគ្គនាយកដ្ឋានរតនាគារជាតិបានប្រគល់ថវិកាជូនកងពលចំនួន ១០ លានរៀល ។ ចំណែកកងកម្លាំងកងទ័ព ១១៥ នាក់ក្នុងម្នាក់ៗ ទទួលបានថវិការ ២ ម៉ឺនរៀល និងគ្រួសារកងទ័ព១៨០នាក់ ទទួលបានថវិការ១ម៉ឺនរៀលសារុងមួយ ។ គ្រឿងឧបភោគ បរិភោគរួមមានមី១៣០កេសត្រីខ៥០០ កំប៉ុង បារីសេក ២ ប៊ិច ម៉ាស៊ីនស្លាយមួយឈុតជ្រូក៣ក្បាលនំអន្សមចេកនិងអន្សមជ្រូក ៥០០ នំ ទឹកត្រី ទឹកស៊ីអ៊ីវ៣៣០ដប (សរុបអស់ថវិកា ៣៣.៧៧០.០០០រៀល) ព្រមទាំងមាន
បំពាក់គ្រឿងឥស្សរិយយស ជូនយោធិន និងសប្បុរសជនប្រមាណ២០០នាក់ទៀតផង ៕
