ខេត្តបន្ទាយមានជ័យ៖ លោកជំទាវម៉ាល័យកែគឹមយ៉ានប្រធានកិត្តិយសហគមន៍នារីកម្ពុជា ដើម្បីសន្តិភាព និងអភិវឌ្ឍន៍ លោកជំទាវសុងផល្លីនភរិយារបស់ឯកឧត្តម សួន បវរអភិបាលនៃគណ:អភិបាលខេត្តបន្ទាយមានជ័យ អមដំណើរដោយលោកជំទាវជាច្រើននាក់ទៀត បាន ឧបត្ថម្ភប្រាក់ ជួសជុលឡើងវិញ នូវ ផ្លូវក្នុងភូមិ២ខ្សែដែលមានប្រវែងជាង៤៤០ម៉ែត្រ កាល ព្រឹកថ្ងៃទី១៣ខែមិនាឆ្នាំ២០១៧ផ្លូវ២ខ្សែដែលមានប្រវែងជាង៤៤០ម៉ែត្រស្ថិកក្នុងភូមិ ទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
គួបញ្ជាក់ផងផងដែរថា ផ្លូវ២ ដែលស្ថិតក្នុងភូមិទឹកថ្លានេះជាច្រើនឆ្នាំកន្លងមក មានការខូចហើយពុំដែលមាននណាចេញមុខមកជួសជុលនោះទេដោយសារតែភ្លៀងហូរច្រោះ និងដោយសារតែរថយន្តបែនដឹកដីធំៗបើកបំផ្លាញផ្លូវធ្វើឲ្យផ្លូវនេះក្លាយជាផ្លូវសំបុក្រមាន់ខូចស្ទើរអស់ទាំងស្រុង ។
ដោយសារតែមានសំណូមពរយ៉ាងទទូច របស់ប្រជាពលរដ្ឋខ្មែរឥស្លាម ដែលរស់នៅក្នុងភូមិនោះសុំឲ្យលោកជំទាវ ម៉ៅ ម៉ាល័យ កែ គឹមយ៉ាន ជួយជួសជុលផ្លូវទាំង២ខ្សែនេះឡើងវិញ ដើម្បីឲ្យប្រជាពលរដ្ឋនៅក្នុងភូមិនេះធ្វើដំណើរទៅមកបានស្រាលផង ទើបលោកជំទាវយល់ព្រមថា នឹងជួយជួសជុលផ្លូវទាំង២ខ្សែនេះឡើងវិញ ។
លុះនៅព្រឹកថ្ងៃទី១៣ ខែមិនា ឆ្នាំ២០១៧នេះ លោកជំទាវ ម៉ៅ ម៉ាល័យ កែ គឹមយ៉ាន បានចូលរួមបើកការដ្ឋានជួសជុលផ្លូវទាំង២ខ្សែនេះឡើងវិ ញចំណាយឋវិការអស់ចំនួន៥.០០០ដុល្លា ដែលជាថវិកាផ្ទាល់របស់លោកជំទាវតែម្តង ។ ហើយក្នុងការជួសជុលនោះ ដោយប្រើគ្រឿងចក្ររបស់ក្រុមហ៊ុនសាំងគង់ហើយផ្លូវទាំង២ខ្សែនេះចាក់ថ្មមិចក្នុងការជួសជុលនោះប្រើអស់រយៈពេលប្រហែ៧ថ្ងៃត្រូវបញ្ចប់ក្នុងការជួសជុលនោះតែម្តង។ក្នុងការបើកការដ្ឋានជួសជុលផ្លូវទាំង២នោះលោកជំទាវម៉ៅម៉ាល័យកែគឹមយ៉ានបានធ្វើ ការសំណូមពរដល់ប្រជាពលរដ្ឋដែលរស់នៅក្នុងភូមិនោះទាំងអស់ក្រោយពីជួសជុលផ្លូវទាំង២ខ្សែនេះរួចមកបានល្អហើយត្រូវចេះថែរក្សាផ្លូវនេះឲ្យបានល្អនិងឲ្យបានយូរអង្វែងផងព្រោះផ្លូវ១ផ្សែៗ បើគិតជាលុយវិញវាចំណាយអស់ថវិការច្រើនណាស់ ដូច្នេះយើងទាំងអស់គ្នាត្រូវចេះថែរក្សាផ្លូវដែលមានហើយឲ្យបានល្អផង ។
លោក ខាំ ស ចៅសង្កាត់ទឹកថ្លា បានមានប្រសាសន៍ថាក្នុងនាមលោកជាចៅសង្កាត់ លោកតំណាងឲ្យប្រជាពលរដ្ឋនៅក្នុងភូមិទឹកថ្លាទាំងអស់ សូមថ្លែងអំណរគុណដល់លោកជំទាវ ម៉ៅ ម៉ាល័យ យ៉ាងជ្រាលជ្រៅដែលលោកជំទាវបានចំណាយទាំងកំលាំងកាយចិត្ត ទាំងថវិកា ទាំងអំណោយ ដែលបានជួយជួសជុលផ្លូវទាំង២ខ្សែនេះឡើងវិញដើម្បីទុកជាចំណងដៃឲ្យប្រជាពលរដ្ឋរស់នៅក្នុងភូមិទឹកថ្លានេះធ្វើដំណើរទៅមកបានស្រួល ៕
