ប្រទេសថៃ ៖ តម្រួតថៃឃាត់ខ្លួន បុរសជនជាតិខ្មែរម្នាក់ ពីបទជួញដូរគ្រឿងញៀនឆ្លងដែន ខុសច្បាប់ដកហូតថ្នាំញៀនប្រភេទយ៉ាម៉ា ចំនួន៣៥គ្រាប់ ខណៈដែល ជនសង្ស័យ បានទិញគ្រឿងញៀនពីកម្ពុជា ដើម្បីនាំយកទៅលក់ប្រទេសថៃ នៅវេលាម៉ោង ៨ និង ៣០នាទីយប់ថ្ងៃទី ១១ ខែមីនា ឆ្នាំ២០១៧ ត្រង់ចំណុចបានឡែម ទល់នឹងច្រកអន្តរជាតិដូងស្ថិតក្នុងភូមិ៤ ឃុំទេពនិមិត្រ ស្រុកពោងណាំរ៉ន ខេត្តច័ន្ទបុរី ប្រទេសថៃ ។
តម្រួតការពារព្រំដែនលេខ ៥២១ ទទួលបានព័ត៌មាន ពីកំលាំង ក ស រួចមកឲ្យដេងថាបុរសសង្ស័យ ដែលថៃចាប់ខ្លួនមានឈ្មោះ ឡា ដារ៉ា អាយុ២៩ឆ្នាំ ជាជនជាតិខ្មែរ ដោយគេបានទិញគ្រឿងញៀនប្រភេទយ៉ាម៉ាពីក្នុងទឹកដីនៃស្រុកកំរៀង ខេត្តបាត់ដំបង ក្នុងមួយគ្រាប់តម្លៃ ១០០ បាត ដោយនាំឆ្លងដែនយកទៅលក់អោយកម្មករ ឬអ្នកប្រើប្រាស់នៅក្នុងទឹកដីថៃ នៃខេត្តច័ន្ទបុរី ។
នៅក្នុងកិច្ចប្រតិបត្តិការនេះ តម្រួតថៃបានឆែកឆេររកឃើញថ្នាំញៀនប្រភេទយ៉ាម៉ាចំនួន៣៥គ្រាប់ ដែលជនសង្ស័យខាងលើ បានច្រកនៅក្នុងកូនថង់ផ្លាស្ទិក ហើយលាក់ក្នុងហោប៉ៅខោខាងស្តាំ ។ បច្ចុប្បន្នក្រោយពីទទួលបានចំលើយសារភាពរួចមក កំលាំងតម្រួតការពារព្រំដែនបានរៀបចំ បញ្ជូនខ្លួនជនសង្ស័យ រួមជាមួយនឹងវត្ថុតាង ទៅកាន់អធិការដ្ឋាន តម្រួតពោងណាំរ៉នចាត់ការតាមនិតិវិធី៕
