បាត់ដំបង ៖ អ្នកទោសឧក្រិដ្ឋម្នាក់ដែលតុលាការបាត់ដំបង សម្រេចឃុំខ្លួន១០ឆ្នាំ បានរត់ចេញពីគុក កាលពីម៉ោង១រំលងអធ្រាតថ្ងៃទី២៨ខែមេសា ២០១២ ត្រូវនគរបាលអនុវត្តន៍ដីកាសហការនគរបាលស្រុកគាស់ក្រឡ ឃាត់បញ្ជូលគុកវិញ ពេលកំពង់ជិះម៉ូតូនៅចំងាយ៥០០ម៉ែត្រពីផ្ទះកាលពីវេលាម៉ោង៨ព្រឹកថ្ងៃទី១៣ ខែកញ្ញាឆ្នាំ២០១៤ នៅចំណុចភូមិកុយវែង ឃុំព្រះផុស ស្រុកគាស់ក្រឡ។
លោក សោក ភា អធិការស្រុកគាស់ក្រឡបានអោយដឹងថាឧក្រិដ្ឋជនដែលសមត្ថកិច្ចចាប់បានមានឈ្មោះនូ ប៉ូលីន អាយុ៣៣ឆ្នាំ តាមដីការលេខ៤០ដបសចខ ចេញដោយលោក ហ៊ឹង ប៊ុនថង ព្រះរាជអាជ្ញារងអមសាលាដំបូងខេត្តបាត់ដំបង ចុះថ្ងៃទី២៨ ខែមេសា ឆ្នាំ២០១២ ពីបទប្លន់ម៉ូតូ កាលពីថ្ងៃទី៦ ខែមករា ឆ្នាំ២០០៤ នៅភូមិប៉ាលេល្យ័យ សង្កាត់ក្រុងប៉ោយប៉ែត ខេត្តបន្ទាយមានជ័យ ដោយកំណត់ទោស១០ឆ្នាំ ។
លុះម៉ោង១ រំលង អធ្រាតថ្ងៃទី២៨ ខែមេសា ២០១២ ជនជាប់ទោសឧក្រិដ្ឋ បានហែកគុកនៅខេត្តបាត់ដំបង រត់ចេញដោយសុវត្ថិភាព ដោយសារតែការធ្វេសប្រហែស របស់ក្រុមអនុរក្សពន្ធនាគារ ។
បច្ចុប្បន្ន មន្ត្រីអនុវត្តដីកាកំពុងសួរនាំបន្ថែម និងបញ្ជូនជនជាប់ទោសទៅប្រគល់ឲ្យតុលាកសម្រេចឃុំទោសម្តងទៀត ៕
មៀចបូរ៉ា
