បាត់ដំបង៖ ផ្ទុះកំប៉ុងហ្គាស ឆេះផ្ទះមួយខ្នងនិង រោងគោ១ខ្នងបំផ្លាញទ្រព្យសម្បត្តិអស់រលីង
កាលវេលាម៉ោង៣រសៀល ថ្ងៃទី៧ខែមិនាឆ្នាំ២០១៧ នៅភូមិចារ ឃុំអន្លង់រុនស្រុកថ្មគោល ខេត្តបាត់ដំបង។
សមត្ថកិច្ចនគរបាលបានឲ្យដឹងថាផ្ទះដែលឆេះអស់១ខ្នងទំហំ៤គុណ៥ម៉ែត្រ ធ្វើអំពីឈើប្រក់សង្ក័សីជញ្ជាំងសង្ក័សីក្រាលរនាបឬស្សី ,រោងចង្ក្រានបាយ និងរោងគោ ទំហំ៦គុណ៧ម៉ែត្រដំបូលប្រក់សង្ក័សីជញ្ជាំងស្បូវ ម្ចាស់ផ្ទះ ឈ្មោះ សាញ់ ផាត ភេទប្រុស អាយុ៥១ឆ្នាំ រស់នៅក្រុមទី៣ ភូមិចារ ឃុំអន្លង់រុន ស្រុកថ្មគោល មូលហេតុ: ផ្ទុះកំប៉ុងហ្គាស សំភារ:ខូចខាតមាន: ទឹកប្រាក់អស់ចំនួនៈ១.៤០០.០០០៛ ទូរសព្ទ័ចំនួនៈ៣គ្រឿងម៉ាក NOKIA ចុចពិល១គ្រឿង ម៉ាក SAMSUNG ២គ្រឿង អាគុយ៤០អពែចំនួន១គ្រាប់ ទូរទស្ស២១ អ៊ិញចំនួន១គ្រឿង ប្រេងម៉ាសូតចំនួន១កាដុង(៣០លីត្រ) កង់ចំនួន៣គ្រឿង សៀវភៅគ្រួសារ/អត្តសញ្ញាណប័ណ្ណ/សំបុត្រកំណើត/ខោអាវមុង ភួយ កន្តេល ។
សមត្ថកិច្ចបានរៀបចំរបាយការណ៍ជូនខាងសាលាស្រុកនិងខាងកាកបាទក្រហមរួចរាល់ហើយដើម្បីរកជំនួយដល់គ្រួសារជនរងគ្រោះ ៕
