ខេត្តស្ទឹងត្រែង៖ សមត្ថកិច្ចនគរបាលខេត្តស្ទឹងត្រែងបញ្ជូន ជនសង្ស័យ២នាក់ប្តីប្រពន្ធ និងគ្រឿងញៀន៤គីឡូក្រាម ទៅកាន់មន្ទីរប្រឆាំងគ្រឿងញៀនក្រសួងមហាផ្ទៃ នៅថ្ងៃទី៧ខែមិនាឆ្នាំ២០១៧។
ហេតុការណ៍កម្លាំងចម្រុះ សមត្ថកិច្ចច្រកទ្វារអន្តរជាតិត្រពាំងគ្រៀលហៅកាត់ថា(BLO) បានសហការជាមួយនគរបាលអន្តោប្រវេសន៍ ការិយាល័យប្រឆាំងគ្រឿងញៀនខេត្ត ធ្វើការឃាត់ខ្លួនជនសង្ស័យ ២នាក់ប្តីប្រពន្ធនិងកូនតូច នៅថ្ងៃទី៥ខែមិនាឆ្នាំ២០១៧ កំពុងបើករថយន្តកូរ៉ូឡាមួយគ្រឿងធ្វើសកម្មភាពនៅជិតច្រកទ្វារអន្តជាតិ ជាមួយគ្រឿងញៀន(ICE)ចំនួន៤កញ្ចប់ធំ ស្មើនិង៤គីឡូក្រាម។
លោកវរៈសេនីយ៍ឯកសាន់ និមល់ ស្នងការងទទួលផែនប្រឆាំងបទល្មើសេដ្ឋកិច្ចបានឱ្យដឹងថាជនសង្ស័យ២នាក់ប្តីប្រពន្ធ ពាក់ព័ន្ធក្នុងករណីជួញដូរគ្រឿងញៀន ដែលសមត្ថកិច្ចឃាត់ខ្លួនមានឈ្មោះយឹម សូត្រ អាយុ២៨ឆ្នាំ (ប្តី) និងប្រពន្ធឈ្មោះ គុណ ស្រីភ័ក្ត អាយុ១៨ឆ្នាំ ទាំង២នាក់ប្តីប្រពន្ធ មានទីលំនៅភូមិស្រែដូនតូច ឃុំពញាពន់ សង្កាត់ព្រែកព្នៅ ខ័ណ្ឌព្រែកព្នៅរាជធានីភ្នំពញ។
លោកស្នងការងបានបន្តឱ្យដឹងទៀតថាកាលពីថ្ងៃទី៤មិនាកម្លាំងរបស់លោកបានសហការជាមួយមន្ទីរប្រឆាំងគ្រឿងញៀនក្រសួងមហាផ្ទៃឃាត់ខ្លួនជនជាតិម្នាក់រួមជាមួយគ្រឿងញៀន(ICE)ចំនួនជិត៥គីឡូក្រាមរួចមក នៅថ្ងៃទី៥មិនាកន្លងមកនេះ កម្លាំងច្រកទ្វារអន្តជាតិត្រពាំងគ្រៀល ហៅកាត់ថា(BLO)បានសហការជាមួយនគរបាលអន្តោប្រវេសន៍ ការិយាល័យប្រឆាំងគ្រឿងញៀនខេត្ត បានឃាត់ខ្លួនជនសង្ស័យ ២នាក់ប្តីប្រពន្ធនិងកូនតូច ជាមួយគ្រឿងញៀន(ICE)ចំនួន៤កញ្ចប់ធំ ស្មើនិង៤គីឡូក្រាមទៀត។
បច្ចុប្បន្នជនសង្ស័យ២នាក់ប្តីប្រពន្ធរួមទាំងគ្រឿងញៀន៤គីឡូក្រាមរនិងរថយន្តកុរ៉ូឡាមួយគ្រឿងត្រូវបានសមត្ថកិច្ចបញ្ជូនទៅកាន់មន្ទីរប្រឆាំងគ្រឿងញៀនក្រសួងមហាផ្ទៃដើម្បីចាត់ការទៅតាមនីតិវិធី ៕
