បាត់ដំបង៖ ស្ត្រីម្នាក់យកសោរទៅឲ្យប្តីជួសជុលរថយន្តដឹកដំឡូងមីដាច់កាឡេ ស្រាប់តែ បែកកំណល់ រថយន្តថយក្រោយរអិលកិនស្លាប់ភ្លាមៗ នៅវេលាម៉ោង៦និង១៥នាទីព្រឹក ថ្ងៃទី៥ ខែមីនាឆ្នាំ២០១៧ស្ថិតនៅចំណុចភូមស្រែជីពៅ ឃុំមានជ័យ ស្រុកសំឡូត ខេត្តបាត់ដំបង។
សមត្ថកិច្ចនគរបាលប្រាប់អោយដឹងថា ស្ត្រីរងគ្រោះស្លាប់មានឈ្មោះ នៅ ស្រីមុំ អាយុ៣៥ឆ្នាំ មុខរបរអាជីវករទិញ ដំឡូង រស់នៅក្នុងភូមិអូរសំរិល ក្រោម ឃុំអូរសំរិលស្រុកសំឡូត ខេត្តបាត់ដំបង ។
ប្រភពនៅកន្លែងកើតហេតុបានប្រាប់ថានៅមុនពេលកើតហេតុគេឃើញរថយន្តម៉ាកHinoពណ៌សមួយគ្រឿងពាក់ស្លាកលេខភ្នំពេញ3C7573ដឹកដំឡូងពេញឡានលុះមកដល់ចំណុចកើតហេតុខាងលើរថយន្តបានដាច់កាឡេ ហើយចតចោលលុះ ក្រោយមកប្រពន្ធម្ចាស់រថយន្តខាងលើបានជិះម៉ូតូមកឈប់ពីក្រោយរថយន្ត រួចដើរទៅយកកូនសោឲ្យប្ដី ដើម្បីដោះកាឡេធ្វើ ពេលដើរទៅស្រាប់តែរថយន្តនោះ បែកកំណល់រអិលថយក្រោយ ជនរងគ្រោះបានរត់ទៅទាញអូសម៉ូតូ ចេញតែសំណាងអាក្រក់ ត្រូវបារថយន្តកិនពីលើស្លាប់ភ្លាមៗតែម្ដង ។
ក្រោយសមត្ថកិច្ចចុះធ្វើកំណត់ហេតុ ប្រគល់រថយន្តនិង សាកសពឲ្យក្រុមគ្រួសារយកទៅធ្វើបុណ្យតាមប្រពៃណី ៕
