ខេត្តព្រះសីហនុ៖ ក្មេងប្រុសស្រី៩នាក់នាំគ្នាជិះទូកលេងក្នុងបឹងព្រែកទប់ជិតសណ្ឋាគារ៧ជាន់ ហើយត្រូវទូកលិច បណ្តាលឲ្យលង់ទាំងអស់គ្នាសមត្ថកិច្ចដឹកទៅសង្គ្រោះនៅមន្ទីរពេទ្យ ជួយសង្គ្រោះ ព្យាបាលបាន ២នាក់ (ប្រុស១នាក់ ស្រី ១នាក់ ) ហើយក្មេងស្រីចំនួន៧នាក់ស្លាប់យ៉ាងអណោចអធម៌ កាលពីម៉ោងជិត១០ព្រឹកថ្ងៃ២៨ខែកុម្ភៈឆ្នាំ២០១៧ ស្ថិតក្នុងក្រុមទី៩ភូមិ១ សង្កាត់៣ ក្រុង-ខេត្តព្រះសីហនុ ។
ព័ត៌មានបឯមបានអោយដឹងថានៅមុនពេលកើតហេតុមានក្មេងចំនួន៩នាក់ ក្នុងនោះប្រុស១នាក់ (ចាប់ពីអាយុ ៦ឆ្នាំ ដល់ ១៣ឆ្នាំ ) បាននាំគ្នាចុះងូតទឹកលេង បណ្តាលឲ្យលង់ទាំងអស់គ្នា ត្រូវបានដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្ត តែបានស្លាប់ចំនួន ៧នាក់ (ស្រី) ជួយសង្គ្រោះ បាន ២នាក់ (ប្រុស១នាក់ ស្រី ១នាក់ ) ។
ក្មេងស្រីរងគ្រោះទាំងអស់ត្រូវបានគេស្គាល់ទី១ ឈ្មោះសិត ស្រីម៉ៅ ភេទស្រី អាយុ៦ឆ្នាំ ។២ ឈ្មោះពោ គា អាយុ១០ ឆ្នាំ ។៣ ឈ្មោះហួរ ស្រីគឹម អាយុ៧ឆ្នាំ ។៤ឈ្មោះ ទ្រាំង សុីអីុ ស្រី អាយុ១៣ឆ្នាំ ។៥ឈ្មោះ ជា សុខនឿន អាយុ៧ឆ្នាំ ។៦ឈ្មោះ ម៉េង ស្រីណុច អាយុ៦ឆ្នាំ ។៧ឈ្មោះ ហឹម ស្រីមុឺប អាយុ៧ឆ្នាំ។ ក្មេងរងគ្រោះមានទីលំនៅក្បែរកន្លែងកើតហេតុ ។
ករណីនេះកម្លាំងជំនាញកំពុងពិនិត្យកន្លែងកើតហេតុ និងចូលរួម ធ្វើកោលវិច្ច័យលើសាកសព នៅមន្ទីរពេទ្យបង្អែកខេត្ត ៕
