ខេត្តបន្ទាយមានជ័យ ៖ ព្រឹកថ្ងៃទី២៣ និងថ្ងៃទី៤ នៅក្នុងបរិវេណក្នុងវត្តសមាធិផល ស្ថិតក្នុងភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បាននប្រារព្វបើកអនុសំវច្ចរៈមហាសន្និបាតមន្ត្រីសង្ឃលើកទី២៥ដែលមានព្រះសង្ឃចូលរួមមានចំនួន៨៥៥អង្គនាក់ ។
ពិធីនេះមានការចូលរួមពីឯកឧត្តម សារ៉ាយ ធុន អនុរដ្ឋលេខាធីការក្រសួងធម្មការនិងសាសនា ឯកឧត្តម លី សារីអភិបាលរងខេត្តបន្ទាយមានជ័យ ព្រះឧត្តមសីល ញាណ ធុលសុធា ព្រះមេគណខេត្តបន្ទាយមានជ័យ មន្ត្រីសង្ឃ និងពុទ្ធិបរិស័ទជាច្រើននាក់ទៀត ។ ក្នុងនោះ ឯកឧត្តម សារ៉ាយ ធុន បានមានប្រសាសន៍ថា ការប្រារព្វបើកអនុសំវច្ចរៈមហាសន្និបាតមន្ត្រីសង្ឃទូទាំងខេត្តបន្ទាយមានជ័យលើកទី២៥នេះ ដើម្បីបូកសរុបនិងពិនិត្យមើលលទ្ធផលនៃការអនុវត្តសង្ឃកន្លងមកទៅនេះនិងពិភាគ្សាពិគ្រោះយោបល់លើការងារព្រះពុទ្ធសាសនានា បច្ចុប្បន្ននេះសំដៅពង្រឹងរចនាសម្ព័ន្ធដឹកនាំគ្រប់គ្រង និងលិខិតបទដ្ឋានគតិយុទ្ធ ដែលមានស្រាប់ ធ្វើឲ្យវិ ស័យព្រះពុទ្ធសាសនាមានការីកចម្រើន ជាទីគោរពបូជារបស់ព្រះពុទ្ធបរិស័ទ្ធ ដើម្បីធានាដ់សេចក្តីថ្លៃថ្នូរគង់វង្សស្ថិរភាព យូរអង្វែងនៃព្រះពុទ្ធសាសនា ពង្រឹងប្រតិបត្តិធម៌ វិន័យ របស់ព្រសង្ឃ និងពុទ្ធបរិស័ទដើម្បីពង្រឹងគុណភាពពុទ្ធិកសិក្សាដើម្បីអនុវត្តន៍ធនធានបព្វជិត ពុទ្ធសាសនិកលើកលើកកំពស់កិត្យានុភាពរបស់ព្រះពុទ្ធសាសនាដែលជាសានារបស់រដ្ឋពង្រឹងតួនាទីភារកិច្ចរបស់ព្រះសង្ឃនិងវត្តអារាម ។
ឯកឧត្តម សារ៉ាយ ធុន បានបញ្ជាក់ទៀតថា ជាការពិតណាស់ការីកចម្រើនរបស់ពុទ្ធចក្រ និងអាណាចក្រត្រូវដើរតួនាទីទម្ទឹមគ្នា ទៅវិញទៅមក ជាការចាំបាច់ ។ជាក់ស្តែងព្រះពុទ្ធសាសនាបានរួមចំណែកយ៉ាងច្រើនក្នុងការលើកកំពស់ ការអប់រំចរិយាធម៌ សីលធម៌សង្គមនិងកសាងសមិទ្ធិផលផ្សេងៗ ជូនសង្គមជាតិផងដែរ ។
ឯកឧត្តម សារ៉ាយ ធុន បានបញ្ជាក់ទៀតថា ក្រោយថ្ងៃរំដោះ វត្តនៅក្នុងប្រទេសកម្ពុជាមាន៤.៨៧២វត្តមានព្រះសង្ឃ៦៩.១៩៩អង្គ ហើយក្នុងខេត្តបន្ទាយមានជ័យ មានវត្ត២៣៨វត្ត ព្រះសង្ឃសរុបមានចំនួន៣.៦២៨អង្គ កន្លងមក ព្រះសង្ឃបានចូលរួមយ៉ាងសកម្មក្នុងការរួមចំណែកអភិវឌ្ឍន៍វិស័យ ហេដ្ឋារចនាសព៏ន្ធសង្គម ការងារសង្គមកិច្ច ដូចជាកាកសាងផ្លូវថ្នល់ ស្ពាន សាលារៀន វត្តអារាម និងការអប់រំសីលធម៌ ចរិយាធម៌គុណធម៍ដល់ពុទ្ធបរិស័ទផងដែរ។ឯកឧត្តម សារ៉ាយ ធុនបានក្រើនរំលឹកដល់ព្រះសង្ឃ អាចារ្យ គណៈកម្មកាក្នុងវត្តអញ្ចាញទាំងអស់ក្រោយពីបានទទួលបច្ច័យពីពុទ្ធបរិស័ទហើយត្រូវយកទៅកសាងក្នុងវត្តនេះវិហារនិងសាលាឆាន់ឲ្យចំគោលដៅមិនត្រូវឲ្យមានអធិករក្នុងវត្តជាដាច់ខាតបច្ច័យដែលបានមកពីពុទ្ធបរិស័ទចូលក្នុងពិធីបុណ្យគឋិនទានផ្សេងៗនោះ ត្រូវប្រើក្នុងចំណូលចំណាយឲ្យមានខ្ទង់ត្រឹមត្រូវ ហើយមិនត្រូវបែកបាក់សាមគ្គីគ្នានៅក្នុងវត្ត មិនត្រូវប្រកាន់បក្សពួកនេះ បក្សពួកនោះជាដាច់ខាត ដើម្បីប្រែក្លាយទីវត្តអារាម ជាកន្លែងថ្នាលបណ្តុះបណ្តាលមនុស្សជំនាន់ក្រោយឲ្យក្លាយទៅជាធនធានមនុស្សដែលជាតិត្រូវការចាំបាច់ ។
គួរបញ្ជាក់ផងដែរថា ការប្រារព្វបើកអនុសំវច្ចរៈមហាសន្និបាតមន្ត្រីសង្ឃលើកទី២៥ មានធ្វើពិធីរាប់បាតដល់ព្រះសង្ឃដែលបានចូលរួមមានចំនួន ២៤៩ អង្គផងដែរ ៕
ចាន់ ដារ៉ា
